Tɛbubukasɛ 5:6 - ONUGBÙ NYƐNYÃ VUVƆ

⁶ Ɔkɛlɛ mɛ mɔ Obhoshieyi, gɛ lɔ wɛ̃ ansɛ be ti bhui ɔlɛ, gɛ lo li kititi nɛ bukusiegbu nɛ kishitɛbha, kɛdɔbhɛbhɛtɛ lulu tɛlɛ̃ anɛ bakashishe nɛ ba kana kalɛ atsya. Ashã tegene nɛ anhũ tegene ala lɛ yɛ, gɛ alɛ enu Kpaya ɛfufɔɛ tigene gɛ ba kpɛ asɛsɛ kesukpa nɛa bha petee.

Tɛbubukasɛ 5:6 Referans Kwoze

Tɛbubukasɛ 5:12

Nɛ ili mɛ gɛganɛɛ klɛ la zha ɛdzɛ asɛ: “Obhoshieyi nɛ gɛ beyi, kedziŋɛŋa lɛ ɔlɛ, sɛ tɛ lɔ yɛkɛ kemi anɛ kɛnɔmdɔ anɛ kibuinyinyi anɛ bugɛganɛ anɛ anɔdidi anɛ ishubhubhui anɛ kabhakpɛkpɛ!”

Yohanɛsɛ 1:29

Kiwui bhla nɛ Yohanɛsɛ amɔ Yesu aba yɛ ɔkɔ klɛ aɖɔ sɛ, “Di, Kpaya Obhoshieyi, agɛ yɛ ayɛkɔ kanɔɛmɛ ebuizizi nɛ ashɛ̃nɔ!

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Yohanɛsɛ 1:36

Gɛ amɔ Yesu afla, aɖɔ asɛ, “Nodi, Kpaya Obhoshieyi!”

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

Axwɛwɛwa 8:32

Anyɛ nɛ edzi akla kɛdɔ denɔ Kpayaeplukpa nɛm asɛ: “Bagbanɛ yɛ ansɛ obhoshi avɛnɔ aga oyikɔ, klɛ eli ansɛ obhoshieyi gɛ lo li agɛ ashɛ tɛka nɛ amɛ, lɔ da onugbu, so nɛ adɛ danɛ yɛ onugbu.

Tɛbubukasɛ 22:3

Kibuiɖuɖɔ kpɛ anɔ kanyaka tɛa za. Kpaya anɛ Obhoshieyi nɛe kusigbu nɛ ba za ɔmagbla nɛm, klɛ yɛ baxwɛdɛ na ba dɛ kɛxwɛ akɔ yɛ.

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm

Tɛbubukasɛ 21:23

Ɔmagbla nɛ ɔma kɔ kiwi odɔgɔsɛ wele atã nɛ ɔlɛm, alasɛ Kpaya ishu bhubhui nɛ ɛɛtã kɔlɛ, klɛ Obhoshieyi nɛ onu ɔlɛ kanɛgbɛ.

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 6:16

Be kulu betu anɛ betumaklãgbu nɛ asɛ, “Nɔ wɔlɛ ɔdɔ bulɔa bha tɛ no kpu lɔ nɛ agɛ ezhiedzi bukusiegbu nɛa bha nɛ amɛ anɛ Obhoshieyi nɛ obulo nɛ shu!

Luka 1:69

Efeke ewunɔ anɔ gɛganɛ gɛ aba yɛkɛ akɔ lɔ, nɛ yɛ axwɛdɛ Daviti bupa nɛ mɛ

Tɛbubukasɛ 4:8

Kɛdɔbhɛbhɛtɛ lulu tɛlɛ̃ kanyaka beglebe tiehlo alɛ kɛlɛ klɛ ba yɛkɔ anhũ ada akana kɛlɛ atsya petee, yɛ buglebe nɛesi tsyɛ la lɛ. Kemuze anɛ elishi la dɛ zukɔlɔ ɖɔ sɛ: “Ishubhubhui, ishubhubhui, ishubhubhui ɛlɛ nu Apalete Kpaya nɛ gɛ Adɛ, gɛ aza, klɛ aka lɛ, klɛ yɛ aba tɛ ba.”

Tɛbubukasɛ 5:11

Ɔkɛlɛ mɛ idi klɛ mɛ nu kpayaxwɛdɛ gelee ili mɛ, gɛ balɛ tɛkɛkla mɛ na akpã ɔyɛkɔ trɔ akpã bha, nɛ akpã lɔfɔ yɛ ɛzakɔ lɔfɔ. Ba kana bukusiegbu anɛ kɛdɔbhɛbhɛtɛ lulu anɛ banɔ shishe nɛ atsya.

Tɛbubukasɛ 5:13

Ɔkɛlɛ mɛ inu kɛdɔbhɛbhɛtɛ nɛ owũsise anɛ kesukpa nɛa bha anɛ kalɛesi anɛ aƒu nɛa bha, anɛ kedɔnyɛdɔ petee gɛ kpasɛ kɛlɛ mɛ, nɛ lɛ zha ɛdzɛ sɛ: “Kɔ agɛ yɛ edzi kekusigbu nɛa bha anɛ kɔ Obhoshieyi ba kpɛ kɛlɛ nɛa bha anɛ tɛdidi anɛ ishubhubhui anɛ kemi, ɔyɛkɔ vɛnɔ mabeke mabeke mɛ!”

Tɛbubukasɛ 5:14

Kɛdɔbhɛbhɛtɛ lulu tɛlɛ̃ nɛ sɛ, “Tɛkɛbɛlɛm,” klɛ beshishe nɛ be zhiadɔ klɛ ba kpɛ kɛtɔkpuesi.

Tɛbubukasɛ 14:1

Ɔkɛlɛ mɛ idi, klɛ nɛ mɛ amɛ obhoshieyi, lo li kititi nɛ Zayɔnɛ Butu nɛa bha, klɛ nɛ ɔlɛ ɔbha banɔ 144,000 gɛ yɛ kinyi anɛ yɛ Aka nɛ yɛ nɛ ŋlɔmɛ tsri balɛ butukpo.

Tɛbubukasɛ 21:22

Ɛdɛ mɔ busɔlɛvu kanyaka nɛ ɔmagbla nɛm, alasɛ Apalete Kpaya Agɛadɛ anɛ Obhoshieyi balɛ enu ɔlɛ busɔlɛvu.