Biblia Todo Logo
Bib sou entènèt

- Piblisite -




Tɛbubukasɛ 4:6 - ONUGBÙ NYƐNYÃ VUVƆ

6 Ɔyɛkɔ plɛnɔ nɛ bukusiegbu nɛ shu kɛdɔ tili li gɛ kɛ wɛ̃ ansɛ aƒu azhuzhɔɛ, yɛmɛ ebhui ansɛ butsyeitsyei. Nɛ kishitɛbha, nɛ bukusiegbu nɛ shu, kɛdɔbhɛbhɛtɛ lulu tɛlɛ̃ kana kalɛ atsya, klɛ ba yɛkɔ awɔ̃hũ ada kɔa lɛ, nɛ otugba anɛ kide.

Gade chapit la Kopi




Tɛbubukasɛ 4:6
25 Referans Kwoze  

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ


Ɔkɛlɛ mɛ mɔ Obhoshieyi, gɛ lɔ wɛ̃ ansɛ be ti bhui ɔlɛ, gɛ lo li kititi nɛ bukusiegbu nɛ kishitɛbha, kɛdɔbhɛbhɛtɛ lulu tɛlɛ̃ anɛ bakashishe nɛ ba kana kalɛ atsya. Ashã tegene nɛ anhũ tegene ala lɛ yɛ, gɛ alɛ enu Kpaya ɛfufɔɛ tigene gɛ ba kpɛ asɛsɛ kesukpa nɛa bha petee.


Klɛ ba zha ɔdzɛ vuvɔ nɛ kekusigbu nɛ amɛ anɛ kɛdɔbhɛbhɛtɛ lulu tɛɛlɛ̃ anɛ beshishe nɛ amɛ. Anɔnyanɔ adɛ na ɔdzɛ nɛ nu kpasɛ ɔyɛkɔdɛ banɔ 144,000 nɛ gɛ be bu nɛ kesukpa nɛa bha.


Banɔshishe afɛtabhantɛalɛ̃ anɛ kɛdɔbhɛ bhɛtɛ lulu tɛlɛ̃ nɛ wɔlɛ dɔ klɛ kɛ kpɛ kɛtɔkpuesi kɔ Kpaya, gɛ ezhidzi bukusiegbu nɛa bha. Klɛ ba kpɛ ogugu asɛ: “Tɛlɛbɛlɛm, Haleluya!”


Kɛdɔbhɛbhɛtɛ lulu tɛlɛ̃ nɛ sɛ, “Tɛkɛbɛlɛm,” klɛ beshishe nɛ be zhiadɔ klɛ ba kpɛ kɛtɔkpuesi.


Kpayaxwɛdɛ nɛ petee be li kititi akana bukusiegbu anɛ bakashishe anɛ kɛdɔbhɛbhɛtɛ lulu tɛlɛ̃. Ba wɔlɛadɔ akpɛ amɛesi nɛ bukusiegbu nɛ amɛ klɛ ba kpɛ kɛtɔkpuesi kɔ Kpaya,


Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm


Lɔ tã nɛ Kpaya ishubhubhui, klɛ ɔlɛ tɛpupudim nɛ za ansɛ kɛsɛkadɔ ŋɛŋɛedzi, ansɛ kɛklãgbu shɛ̃ashɛ̃a, kɛlɛ shu bhui ansɛ azhuzhuɔɛ.


Ɔkɛlɛ kɛdɔbhɛbhɛtɛ lulu tɛlɛ̃ nɛ tili yɛkɔ sɛkadzɛdzã busugba tugene gɛ yuku nɛ Kpaya obulo, nɛ akpɛ ahwɛ kɔ kpayaxwɛdɛ tiegene, Kpaya nɛ gɛ alɛ nɛ ɛkpã vɛnɔ mabeke mabeke mɛ.


Budunu lɔfɔntɔbha nɛ nu ehui lɔfɔntabha, kedunu kanyaka ba bhɛtɛ kalɛ nɛ ehuiɔya terikpo. Kidzogbla nɛ ɔmagbla nɛ mɛ nɛ nu sɛkadzɛdzã kpɛkpa, ansɛ azhuzhuɔɛ gɛ yɛ mɛ aawɔɛ̃ wee.


Ba bhɛtɛ kidri nɛ aklãgbu gɛ aŋa kedzi, klɛ ba yɛkɔ sɛkadzɛdzã abhɔ ɔmagbla nɛ nɔ, gɛ lobhui ansɛ azhuzhuɔɛ.


Alasɛ Obhoshieyi nɛ bukusiegbu nɛ shitɛbha nɛ obo dzi balɛ agbɛgbanɔ; aba gbanɔa lɛ avɛnɔ beni lulu gɛ koeyi nɛ tisi mɛ ɔbha. Klɛ Kpaya ebe tsru ɛwɔ̃mɛ nyɛ wɔ̃mɛ ebu nɛ balɛ anhũ mɛ.”


Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.


Klɛ gɛ ayɛkɛa lɛ beke, kɛdɔbhɛbhɛtɛ lulu tɛlɛ̃ anɛ banɔshishe afɛtabha anɛ tɛalɛ̃ nɛ bezhiakpla nɛ obhoshieyi nɛ ete mɛ. Akanyaka evunɔ ohui sangu klɛ be vunɔ sɛkadzɛdzã busugba gɛ buyuku nɛ kedɔhuhu, gɛ kɛ nu kpayanɔ nɛ kpayakuklu.


Ɔkɛlɛ mɛ idi klɛ mɛ nu kpayaxwɛdɛ gelee ili mɛ, gɛ balɛ tɛkɛkla mɛ na akpã ɔyɛkɔ trɔ akpã bha, nɛ akpã lɔfɔ yɛ ɛzakɔ lɔfɔ. Ba kana bukusiegbu anɛ kɛdɔbhɛbhɛtɛ lulu anɛ banɔ shishe nɛ atsya.


Idi flogo pɛ Obhoshieyi nɛ ɔdanɛ badɛda tiegene anɛ atutɔpu. Ɔkɛlɛ mɛ nu kɛdɔbhɛbhɛtɛ lulu tɛlɛ̃ nɛɔmayɛ terikpoe dɔ nɛ oli mɛ ansɛ subhalɛlɛ sɛ, “Ba!”


Ɔkɛlɛ mɛ nu kɛdɔ tili dɔ gɛ kɛlɛ oli mɛ odzi ansɛ kɛdɔbhɛbhɛtɛ lulu tɛlɛ̃ nɛ shi, kɛɛ ɖɔ sɛ, “Agɔnɛ kedzyidzyi tierikpo kɔ kiwi zɛzɛ bhɛ, anɛ amɔ budzyidzyi tɔta kɔ kiwi zɛzɛ bhɛ, klɛ tɛ zi bubɔ anɛ bulu!”


Swiv nou:

Piblisite


Piblisite