Biblia Todo Logo
Bib sou entènèt

- Piblisite -




Tɛbubukasɛ 3:5 - ONUGBÙ NYƐNYÃ VUVƆ

5 Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

Gade chapit la Kopi




Tɛbubukasɛ 3:5
23 Referans Kwoze  

“Anɔnyanɔ gɛ aabaka mɛ bui nɛ banɔdzyrame amɛ, mɛ tsyɛ ba baka yɛ bui nɛ Maka nɛ gɛ alɛ owũsise nɛ amɛ.


Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.


Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.


“Itsre nɔ sɛ, anɔ nɛ gɛ aba dɛmɛ sɛ yɛ ayɛ enu nɛ́ banɔ amɛ, Anɔdzyrame Eyi tsyɛ aba dɛmɛ sɛ yɛ ayɛ yɛ nu nɛ Kpaya axwɛdɛ nɛ amɛ.


Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.


Klɛ mɛ mɔ betsitsi, bagbɛgbla anɛ bebhliyi, gɛ be li kititi nɛ kegbu nɛ amɛ, klɛ ba danɛ buplukpa. Ba za danɛ keplukpa bhlatɔ, gɛ ke nu ɛkpã keplukpa. Be kulu kebhui nɛ betsitsi nɛ ebui nɛ gɛ ba bhɛtɛ nɛ nu ansɛ gɛ ba ŋlɔmɛ akpɛ buplukpa nɛ mɛ.


Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.


Anɔ nɛ gɛ batɔ alɛ yɛ, nɔ kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ yɛaŋɛabha, ɛba kɔ yɛ kidzo sɛ tɛ aŋa kɛdɔ edenɔ ɛkpãosi nɛ mɛ, gɛ ɔlɛ Kpaya buka mɛ.


Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.


Kɛpɔtɛ dzyɔgo, kɛlɛ shu bhui klɛ kɛɛ tã, kɛlɛ la yɛkɔ akɔ yɛ sɛ enyumu.” (Kɛpɔtɛ dzyɔgo kɛlɛ nu banɔnɛna nɛ tɛnɛnamɛzɛza ebuibhɛbhɛtɛ.)


Klɛ onu gɛ anɔ teli ebe bu ebui nɛ ebuiɖɔlue plukpa nɛmɛa bha, Kpaya tsyɛ ebe bu nɛ kɛgɛ ba na yɛ nɛ ɛkpãeplukpa nɛm nɛ ishubhubhui ɔmagbla nɛm, gɛ alɛ bui la ɖɔ nɛ keplukpɛa nɛ mɛ.


Pɔ banɔ tɛashɛ aka lɛ wɔ ahwɛ nɛ Saɖisɛ gɛ be ke tutru balɛ kɛdɔnyunyumu. Balɛ ba ba ga plɛnɔ mɛ, aza kɛdɔ fufu mɛ, alasɛ balɛ kedziŋɛŋa lɛ alɛ.


Kɔ anɔ nɛ gɛ anyɛna wɔnɔ evunɔ sɛ nɔ tɛ bɔ wɔlɛ klɛ tɛ ayɛkɔ nɔ akpɛ ahwɛ nɛ yɛ tɛzɛzamɔmɔ amɛ, butsutsɔmɔ maza kɛlɛ mɛ anɛ samemumɔ gbla—


Pɔ, nɔ tɛ mɔ same sɛ ɛfufɔɛ nɛ kɔ nɔɛ tɔkpu, pɔ nɔ mɔ same sɛ ba ŋlɔmmɛ wunɔ enyi nɛ owũsise.”


Aanɔ nɛ gɛ batɔ alɛ yɛ, kɔ yɛ enu kɛgɛ Ɔfufɔɛ nɛ ɔɔɖɔ tsre busɔlɛha. Aanɔ nɛ gɛ aŋɛabha butsi bhla nɛ tɛ ba zi kɛdɔnyɛdɔ nɛ yɛ shu.


Agɛ yɛa ŋɛabha ɛba bhɛtɛ yɛ kidriosi nɛ mɛ Kpaya busɔlɛvu nɛ mɛ. Kɛlɛ atɛa shɛ̃nahwɛ kɛlɛ shu. Ɛba ŋlɔmɛ mɛ Kpaya nɛ nyi trɔ yɛa bha, anɛ mɛ Kpaya ɔmagbla nɛ nyi nɛ trɔ yɛa bha, gɛ onu Yerusalɛm vuvɔ, gɛ ezhi edenɔ owũsise nɛ mɛ Kpaya ɔkɔ nɛ aaba, klɛ ɛba ŋlɔmɛ mɛ kinyi vuvɔ nɛ tsyɛ ta yɛ.


Ɔkɛlɛ ba kɔ akanyaka awidzidze fufu, klɛ be tsrea lɛ asɛ be fle po avɛnɔ otugba kɛbɔɛ, ɔdɔnanɔ kibe lɛ gɛ balɛ ɔhayɛalɛ baxwɛwa anɛ badzya nɛ gɛ ba lɛ sɛ tɛ be yi ansɛ gɛ ba lɛ tsyɛ aza nɛ bhɛtɛ beke.


Swiv nou:

Piblisite


Piblisite