Tɛbubukasɛ 21:27 - ONUGBÙ NYƐNYÃ VUVƆ

²⁷ Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.

Tɛbubukasɛ 21:27 Referans Kwoze

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

Mateo 13:41

Anɔdzyrame yɛ Eyi nɛ aba kpɛ yɛ baxwɛdɛ nɛ asɛsɛ, klɛ le be bu kizizi kanyaka nɛ yɛ bukusiɔŋakɔ nɛ mɛ gɛ kɔ buzizi nɛ bagɛ ba bhɛtɛ butsutsɔmɔ.

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

Tɛbubukasɛ 20:12

Klɛ mɛ mɔ betsitsi, bagbɛgbla anɛ bebhliyi, gɛ be li kititi nɛ kegbu nɛ amɛ, klɛ ba danɛ buplukpa. Ba za danɛ keplukpa bhlatɔ, gɛ ke nu ɛkpã keplukpa. Be kulu kebhui nɛ betsitsi nɛ ebui nɛ gɛ ba bhɛtɛ nɛ nu ansɛ gɛ ba ŋlɔmɛ akpɛ buplukpa nɛ mɛ.

Filipianɛ 4:3

Ee, klɛ ibisi wɔ, mɛ abhla mumɔa, plɛnɔ badzɛ nɛ gɛ ba wa xwɛ nɛ́ mɛ kɔ kibui dzyɔgo tɛ ɖɛɖɔ, nɛ Klɛmɛt anɛ mɛ baxwɛwa gugɔɛ, gɛ balɛ enyi akpasɛ ɛkpãe plukpa nɛ mɛ.

Marko 7:2

ba mɔ Yesu badɔkpasɛ teli gɛ be dzi aŋa kɛdɔ nɛ ahwɛ gɛ alɛ ishu “edibhui ” alasɛ bedi plu alɛ.

Luka 10:20

Pɔ, nɔ tɛ mɔ same sɛ ɛfufɔɛ nɛ kɔ nɔɛ tɔkpu, pɔ nɔ mɔ same sɛ ba ŋlɔmmɛ wunɔ enyi nɛ owũsise.”

1 Timotio 1:10

kɔ bagɛ ba bhɛtɛ aglɔbui anɛ bagɛ baa ga anɔesi, kɔ bagɛ baa ga anɔdzidzi kedzi anɛ betroni anɛ bagɛ baka atabu pɛ bee hu otro—nɛ kɔ kɛdɔnyɛdɔɛ di gɛ lɛ ɔtɔ kɔ kɛdɔkɛkasɛ dzyɔgo

2 Petro 3:13

Pɔ tɛ buyɛkɛ yɛ kibuiɖuɖɔlu nɛ nu budi otugba kɔ owũsise vuvɔ anɛ kesukpa vuvɔ, bupa kɔ kɛdzyɔgo bhɛbhɛtɛ.