Tɛbubukasɛ 21:21 - ONUGBÙ NYƐNYÃ VUVƆ

²¹ Budunu lɔfɔntɔbha nɛ nu ehui lɔfɔntabha, kedunu kanyaka ba bhɛtɛ kalɛ nɛ ehuiɔya terikpo. Kidzogbla nɛ ɔmagbla nɛ mɛ nɛ nu sɛkadzɛdzã kpɛkpa, ansɛ azhuzhuɔɛ gɛ yɛ mɛ aawɔɛ̃ wee.

Tɛbubukasɛ 21:21 Referans Kwoze

Tɛbubukasɛ 21:18

Ba bhɛtɛ kidri nɛ aklãgbu gɛ aŋa kedzi, klɛ ba yɛkɔ sɛkadzɛdzã abhɔ ɔmagbla nɛ nɔ, gɛ lobhui ansɛ azhuzhuɔɛ.

Tɛbubukasɛ 17:4

Adzɛ nɛ enyumu kɛdɔ hẽhe anɛ kɛdzɛdzã, klɛ atã nɛ sɛkadzɛdzã, aklãgbu gɛ aŋaedzi anɛ ehuiŋɛŋɛedzi. Evunɔ sɛkadzɛdzã ɔɖɛantse nɛ ahwɛmɛ, gɛ keyuku nɛ ebui gɛ etutruanɔ anɛ yɛ buzhuzhɔlɛ atsɔbui.

Tɛbubukasɛ 22:2

ɔyɛkɔ zhinɔ kidzogbla nɛ kishitɛbha nɛ ɔmagbla nɛm. Nɛ keni nɛ igbigbe tɛbha nɛabha ɛkpãosi torikpo torikpo dzi, gɛ lɛ yu eyu lɔfɔntabha, lɛ yu eyuyu nɛ wele kanyakam. Klɛ osi nɛ awɛlakpa nɛ enu bunya kibekedɔ kɔ amadi.

Tɛbubukasɛ 18:16

klɛ la ba kpɛ ogugu asɛ: “ ‘Butɔ! Butɔ, O ɔmagbla, enyumu apɔtɛ dzyɔgo, ehẽhẽ anɛ adzɛdzã, klɛ la tã nɛ sɛkadzɛdzã, aklãgbu ŋɛŋaedzi anɛ ehui!

Tɛbubukasɛ 4:6

Ɔyɛkɔ plɛnɔ nɛ bukusiegbu nɛ shu kɛdɔ tili li gɛ kɛ wɛ̃ ansɛ aƒu azhuzhɔɛ, yɛmɛ ebhui ansɛ butsyeitsyei. Nɛ kishitɛbha, nɛ bukusiegbu nɛ shu, kɛdɔbhɛbhɛtɛ lulu tɛlɛ̃ kana kalɛ atsya, klɛ ba yɛkɔ awɔ̃hũ ada kɔa lɛ, nɛ otugba anɛ kide.

Tɛbubukasɛ 21:15

Kpayaxwɛdɛ nɛ gɛ aɖɔaɖɔ nɛ mɛ nɛ evunɔ sɛkadzɛdzã kedzyidzyi gɛ ba ba yɛkɔ edzyidzyi ɔmagbla nɛ nɔ, nɛ ɔlɛ budunu nɛ edri nɛ nɔ.