Tɛbubukasɛ 20:4 - ONUGBÙ NYƐNYÃ VUVƆ

⁴ Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 20:4 Referans Kwoze

Mateo 19:28

Yesu etsrea la sɛ, “Itsre nɔ kɛgba nɛ sɛ, nɛ kibe lɛ gɛ bebe tsodzini kɛdɔnyɛdɔ abhɛtɛ kɛ vuvɔ, gɛ Anɔdzyrame yɛ Eyi nɛ ebe zhi aza yɛ bukusiegbu gɛ kalɛ shu adanɛ nɛa bha, Wɔnɔa gɛ ɔlɛ mɛe de tsyɛ obo za bukusigbu lɔfɔnɛtubha nɛa bha, ozo klu bubhui nɛ Izraɛl amadi lɔfɔntabha.

Tɛbubukasɛ 6:9

Kibe lɛ gɛ adanɛ adɛda trimi nɛɛ, ɛmɔ busɔlɛvu mɛ kituku nɛesi ba gɛ be yi nɛ atɔwi akpɛ Kpaya kibui anɛ tɛmumɔɖɔ nɛ mɛ gɛ ba nyɛna evunɔ.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Tɛbubukasɛ 20:6

Bagɛ ba za tɛlɛlɔ tutɔpui nɛ mɛ nɛ nu banɔ yuyula klɛ balɛ shu bhui. Butsi bhla nɛ dɛ mɔ kemi nɛ balɛa bha, pɔ be be dzi kpayanɔ kɔ Kpaya anɛ Kristo klɛ ba ba ŋɛa bha plɛnɔ yɛ agɔ kɛkpã zɛzɛ.

Luka 22:30

sɛ tɛ nɔ bɔ ŋaɛdɔ tɛ nɔ wɔɛ̃dɔ nɛ mɛ dɔŋakɔ nɛ mɛ bukisiɔŋakɔ klɛ tɛ nɔ za bugbu abha, nɔ zɔ klubhui nɛ Izraɛl anɛ apatsu lɔfɔnɛtabha.

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.

Tɛbubukasɛ 12:11

Ba ŋa yɛabha ganɔ Obhoshieyi nɛ dzyosu mɛ anɛ ganɔ balɛ kibui mumɔɖɔ nɛ nu; ba dɛ dɛmɛ balɛ ɛkpã nɛ bui ana gelee sɛ tɛ ba shɛ lɔ butsi.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Tɛbubukasɛ 15:2

Klɛ mɛ mɔ kɛdɔ nɛ gɛ dzi ansɛ azhuzhuɔɛ aƒu gɛ abhɛsa nɛ kifu klɛ, ba gɛ li kititi nɛ aƒu nɛ shu, balɛ aŋa agavuga anɛ yɛ abhubhɔ anɛ yɛ kinyi tikpikpe mɛ telia bha. Be vunɔ ba sãgu gɛ Kpaya akɔa lɛ

Tɛbubukasɛ 14:11

Klɛ balɛ butɔ ɔnyɔ̃ nɛ ɔbɔ lɔ ɔyɛkɔ vɛnɔ mabeke mabeke mɛ. Bumuene kemuze ɔdɔgɔsɛ elishi mɛ ama kɔ bagɛ bakpɛ kɛtɔkpuesi kɔ ayakpamaga anɛ balɛ abhubhɔ, ɔdɔgɔsɛ anɔnyanɔ gɛ ayɛkɛ yɛ kinyi nɛ kibi.”

Tɛbubukasɛ 11:7

Ɔtsɔ̃ kibe lɛ gɛ ba bhɛtɛ balɛ ebuimumɔɖɔ nɛ beke, agavuga nɛ gɛ ebe de koeyi nɛ Ozidzudzu nɛ mɛ aba dɔa lɛa bha, klɛ aba ŋalɛabha klɛ ebe yia lɛ.

Yohanɛsɛ 14:19

Kɛtɛ ba dze, kanɔ na tia mɔ mɛ, pɔ nɔ bɔ mɔ mɛ. Alasɛ ɛlɛ klɛ wɔnɔ tsyɛ nɔ bɔ za.

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.

Tɛbubukasɛ 11:15

Kpayaxwɛdɛ gigenemi na bɔ yɛa xũlɛ̃, klɛ ilim gɛganɛɛ yi nɛ owũsise, gɛ ka ɖɔ sɛ: “Kanɔ nɛ mɛ bukusiɔŋakɔ nɛ bo dzi bulɔ Apalete anɛ yɛ Kristo bukusiɔŋakɔ, klɛ aba ŋɛabha ɔvɛnɔ mabeke mabekem.”

Tɛbubukasɛ 11:11

Pɔ nɛ ewi tata nɛ kapɛ nɛede ɛkpã ɔfufɔɛ ode Kpaya ɔkɔ obo tsoku balɛ mɛ, klɛ ba lɔ kititi nɛ balɛ ɛtsrɛa bha, klɛ kifu tsutsɔmɔ ku ba gɛ ba mɔa lɛ.

Tɛbubukasɛ 11:3

Klɛ ɛba kɔ mɛ bebuimɔɖɔ tɛabha nɛ kemi, klɛ la ba ɖɔ ebui elu ewi 1,260 mɛ, nɛ ɛdɔnyinye apɔtɛ mɛ.”

Romanɛ 11:15

Alasɛ onu gɛ balɛ shu tɛshɛshɛ̃nahwɛ nɛ kɛlɛ nu kanɔ nɛ ɛhwɛ kpɛkpɛetsu, kidee gɛ ba dzi tɛdɛdɛmɛ gɛ odinu ɛkpã gɛ de bekpum?

Luka 1:17

Klɛ aba za Apalete nɛ otugba, nɛ́ Eliya ɔfufɔɛ nɛ̀ kemi, tɛ etsyina baka nɛ ɛdzyi amɛna balɛ beyi nɛ̀ ɔkɔ klɛ tɛ batɔ matamata kɔ kibuinyinyi kɔ ba dzyɔgo—tɛ ba bala banɔ tɛ ewũse alɛ kɔ Apalete.”

Marko 9:11

Klɛ bee bisi Yesu asɛ, “Kidee so pɛ bagɛ baa kasɛ ɛshã na sɛ kɛ lɛ sɛ tɛ Eliya eputɔ aba?”

Marko 6:27

Kɛlɛ so akpɛ yɛ atɔkpubhui nɛ teli sɛ ada mɛna Yohanɛsɛ kɛtokpu zia. Anyɛ na vɛ ede bhui Yohanɛsɛ kɛtɔkpu nɛ buvu nɛ mɛ,

Marko 6:16

Pɔ gɛ Heroɖesɛ enu ana nɛɛ, asɛ, “Yohanɛsɛ, agɛ yɛ tɔkpu ibhui ba flanɔ, yɛ aza nyɛmɛ edenɔ bekpu mɛ!”

Mateo 24:10

Nɛ kibe lɛ nɛ mɛ banɔ gelee ba ba shɛnahwɛ tɛyɛyɛkɛŋa nɛ shu klɛ la ba ga aglɔ esi klɛ la tɛa dɛmɛ aglɔɛbui,

Luka 14:14

klɛ ba ba yula wɔ. Kɛlɛlɛmɛɛ sɛ ba tɛ ba tsodzi abuya kɛbhɛ akɔ wɔ, wɔɛ bhɛ bubuya lɛ kɔ wɔ nɛ banɔ dzyɔgo tɛlɛlɔɛ wui nɛabha.”

Tɛbubukasɛ 1:2

gɛ aɖɔakasɛ kɛdɔnyɛdɔ gɛ amɔ kɛlɛ nu, Kpaya kibui nɛ tɛmumɔɖɔ denɔ Yesu Kristo ɔkɔ.

Tɛbubukasɛ 2:26

Aanɔ nɛ gɛ aŋa ishua bha klɛ abhɛtɛ mɛ tɛpɛpɛ ɔdɔnanɔ obekekɔ, ɛba kɔ sɛ yɛ aŋa amadi nɛa bha—

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.

Tɛbubukasɛ 7:3

“Tɛ zi kɛdɔ nɛ kesukpa, aƒu, ɔdɔgɔsɛ besi nɛ shu ɔdɔnanɔ kibe lɛ gɛ bu kɔ kɛdɔ da bulɔ Kpaya baxwɛwa nɛ butukpo.”