Tɛbubukasɛ 2:14 - ONUGBÙ NYƐNYÃ VUVƆ

¹⁴ Pɔ, ebuibhli teli alɛ mahwɛ nɛ wɔ shu: Banɔ teli ba lɛ wɔ ɔbha nɛ ɔkɛlɛ gɛ ba nyɛna Balaam kɛdɔkɛkasɛ nɛ mɛ evunɔ, gɛ ba kasɛ Balak kɛdɔ sɛ tɛ ba yɛkɔ awɛɛ Izraɛlanɛ sɛ tɛ ba bhɛtɛ buzizi ganɔ kɛŋɛŋa nɛ gɛ ba bhɛtɛ kɔ ibuidi nɛ tɛŋɛŋa nɛ ganɔ azhuzhɔlɛbui tɛbhɛbhɛtɛ mɛ.

Tɛbubukasɛ 2:14 Referans Kwoze

2 Petro 2:15

Ba shɛnahwɛ kidzo dzyudzyɔ nɛ shu klɛ ba lɛlaɛ dzo gɛ batɔnɔ Balaam Beor ye yi nɛ gɛ adɛmɛnɔ kɛtɔkpu mɛ gɛganɛ kɔbaɛ dzo.

Tɛbubukasɛ 2:20

Pɔ, kibui lɛ mɛ ahwɛ nɛ wɔ: Adzɛ alɛlɛ Yezebɛl ɔkɔ yɛ amɛ, gɛ ekulu shu as enu adzɛ atɔnu. Ganɔ yɛ kɛdɔkɛkasɛ nɛ nu agbanɔ mɛ baxwɛdɛ ada kpɛ azhuzhɔlɛbui bhɛbhɛtɛ mɛ anɛ ibuidi dɔŋɛŋa mɛ.

Yuɖa 1:11

Butɔ kɔ alɛ! Ba tɛ yɛkɔ Kayɛ̃ dzo; be ti si akɔ ɔŋa mumɔ nɛ Balaam kito ebui nɛ gɛ abhɛtɛ nɛ mɛ; be ti zi alɛ nɛ Kɔra kititilulɔ nɛɛ di mɛ.

Axwɛwɛwa 15:29

Alasɛ tɛ nɔ shɛnɔ ahwɛ nɛ kɛŋɛŋa nɛ gɛ ba yɛkɔ akɔ ibuidi nɛ shu, dzyosu, anɛ baga nɛ gɛ be dzyini balɛ ili nɛ kɛdzya, anɛ aglɔbui bhɛbhɛtɛ shu. Nɔ bɔ bhɛtɛ mɔ sɛ tɛ nɔ shɛnahwɛ ebuianɛ shu. Tɛ nɔ za mɔ.

Hebriuanɛ 13:4

Anɔnyanɔ alasɛ tɛ ayɛkɛ adzɛ gbɛgbanɔ akpɛ lɛ mɛ, klɛ tɛ aglɔ zɛzanɔɛ mɛ bhui, alasɛ Kpaya ebe kluebhui nɛ bagɛ abhɛtɛ aglɔbui anɛ azhuzhɔlɛbui.

1 Petro 2:8

klɛ, “Kɛklãgbu gɛ kɛkɔ banɔ ba bakpatanɔ klɛ kɛklãgbu gɛ kɛ ba kɔ alɛ doboe.” Badɔ oboe alasɛ ba dɛ bhɛtɛ atrɔ kibui ɖɛɖɔ nɛabha—kɛlɛ tsyɛ kɛnu kɛ gɛ ba pɛɛ kɔ alɛ.

Axwɛwɛwa 21:25

Bagɛ be di nu Yuɖanɛ nɛ ga yɛkɛaŋa nɛ xũ, bu tɛ ŋlɔmɛ keplukpa kɔa lɛ nɛ blɔ tɛtutrɔ nɛ shu sɛ ba shɛnahwɛ kɛdɔ ŋɛŋa nɛ gɛ ba kɔ kɛdɔbhubhɔ nɛ shu, dzyosu nɛ shu, anɛ baga nɛ gɛ be dzyini balɛ ili nɛ kɛdzya tã anɛ aglɔbui tɛbhɛbhɛtɛ shu.”

Tɛbubukasɛ 22:15

Ɔtsɔ̃ bukudzɔgɛ nɛ li, bagɛ ba bhɛtɛ ihuebui, azhuzhɔlɛ ebui, bagɛ beyianɔ, bagɛ ba bhɛtɛ kɛdɔbhubhɔ anɛ anɔnyanɔ gɛ apɛɛ klɛ abhɛtɛ itrohuhu ebui.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

1 Kɔrintioanɛ 7:2

Pɔ gɛ aglɔbui bhɛbhɛtɛ ekpe so nɛɛ, anyɛnyanyɛ adzɛnyadzɛ aza yɛ nahwɛ ahwɛ, klɛ adzɛnyadzɛ anyɛ aza yɛ nahwɛ ahwɛ.

Mateo 18:7

“Butɔ kɔ kanɔ alasɛ ebui nɛ gɛ alɛ ka lɛ mɛ gɛ etii banɔ akpɛ buzizi mɛ nɛ so! Ebui alɛlɛ nɛ di alasɛ tɛ la ba, pɔ butɔ kɔ anɔɔ nɛa bha gɛ la ba ga aba!

Romanɛ 14:21

Kɛ bɔ dɛ sɛ tɛ ɔtɛ ŋa kɛdzya ɔdɔgɔsɛ ɔwɛ̃ bulu ɔdɔgɔsɛ ɔbhɛtɛ kɛdɔnyɛdɔɛ di gɛ ba kɔ sɛ wɔadzya aba wɔlɛ.

Romanɛ 14:13

Kɛlɛ so nɛɛ, nɔ kɔ lɔ yɛlɔ kebhui kulu nɛ ɔhayɛ. Tɛ, nɔ tɛ bhɛtɛ kɛtɔkpum ɔsɛ tɛ nɔ tɛ yɛkɔ kɛdɔnyɛdɔ gɛ ba kpatanɔ anɔ ɔdɔgɔsɛ nɔ yɛkɔ kɛdɔ obhui dzo mɛ kɔ nɔ adzyalɛ.

Tɛbubukasɛ 2:4

Pɔ evunɔ kibui nɛ wɔ shu sɛ: Ɔtɛ shɛnahwɛ wɔ tɛɖuɖɔ tutɔpu nɛ shu.

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

Romanɛ 11:9

Klɛ Ɖaviti aɖɔ asɛ: “Kɔ balɛ ɔkplɔ̃ nɛ edzi kihui anɛ kɛgba, kɛdɔ gɛ ba ba kpatanɔ nɛ butɔtɛtɛta kɔa lɛ.

Romanɛ 9:32

Kide so? Alasɛ ba za kɛlɛe de ganɛ ganɔ tɛyɛyɛkɛŋɛa bha pɔ edzi ansɛ axwɛwɛwa bha. Ba kpatanɔ “kɛklãgbu kpɛkpatanɔ.”