Tɛbubukasɛ 18:15 - ONUGBÙ NYƐNYÃ VUVƆ

¹⁵ Bedziniga nɛ ga dɛ kɛdɔɛ nɛɛ klɛ ba mɔ balɛ ehoeyi denɔ adzɛ nɛ ɔkɔ na ba za odzidzekɔ, anɛ kifu sisi anɛ yɛ butɔ nɛ shu. Be be bi iyuyo anɛ ishutsitsi

Tɛbubukasɛ 18:15 Referans Kwoze

Tɛbubukasɛ 18:3

Alasɛ amadi nɛ petee atɛ wɛ̃ adzɛ nɛ azhuzhɔlɛbui obulo bulu. Kesukpa nɛa bha bekusi na tɛ bhɛtɛ aglɔbui nɛ adzɛ, klɛ kesukpa nɛa bha bedziniga nɛ she nɛ ehoeyi mɛ denɔ yɛ aprɔ nɛ mɛ gelee.”

Axwɛwɛwa 16:19

Gɛ adzɛnuvɔɛ anɛ yɛ beshopo na mɔ sɛ balɛ ehoeyi bhɛbhɛtɛ kidzoenu nɛ fla nɛɛ, be vu Paolo anɛ Silasɛ klɛ be he alɛ avɛnɔ ɔklɛ gɛ baa dɛ kedzi sɛ tɛ ada mɔ bagɛ baŋɛabha naa mɛ.

Marko 11:17

Gɛ aakasɛ balɛ kɛdɔ, aɖɔ asɛ, “Sɛ ba ŋlɔmɛ elu asɛ, “ ‘Bee klu mɛ bupa nɛ asɛ amadi nɛ petee kpaya oklukɔ?’ Pɔ nɔ yɛkɔ ɔklɛ ɔbhɛtɛ ‘bezi ɔzakɔ.’ ”

Tɛbubukasɛ 18:12

sɛkadzɛdzã etuku, sɛkaefufu, aklãgbu ŋɛŋaedzi anɛ ehueyi; akpɔtɛ dzyɔgo, ehẽhẽ, siriki anɛ apɔtɛ dzɛdzã; omumɔɛ kanyaka di osi, anɛ kɛdɔnyɛdɔɛ di gɛ ba bhɛtɛ edenɔ onyiriɖie mɛ, isi ŋɛŋɛedzi, ayawa, ɔɖa anɛ atsɔɛ;

Tɛbubukasɛ 18:13

sinamɔnɛ etuku anɛ kɛdɔhuhuhu, elifi, kɛdɔkɛtɛkɛtɛ anɛ isinyimi etuku, belu anɛ olivɛ bubɔ etuku, buna dzyɔgo anɛ agɔnɛ; banɛtsyuɔɛ anɛ ibhoshi etuku; basɔ anɛ itsyokpo; anɛ banɔ ishuidzya anɛ atɔwi.

Tɛbubukasɛ 18:14

“Ba ba ɖɔa sɛ, ‘Eyuyu nɛ gɛ ɔɔpɛɛ ashɛ alɔ wɔ. Wɔ ehoeyi anɛ tɛpupudi nɛ lɛla, otio tsodzini lɛ ɔmɔ di.’

Tɛbubukasɛ 18:19

Ba ba balɛ osumududu nɛ balɛ ada mɛ, ɔplɛnɔ iyuyo bibi anɛ ishutsitsi ba ba kpɛ ogugu asɛ: “ ‘Butɔ! Butɔ, O ɔmagbla, ɔkɛlɛ gɛ banɔ nɛ petee gɛ ipupu za balɛ ahwɛ nɛ axuia bha alasɛ be dzi behoeyielete ganɔ yɛ kɛnɔmɛdɔa bha! Nɛ ɔɖɔ torikpo mɛ adzɛ nɛ ebe zi yɛ!