Tɛbubukasɛ 17:3 - ONUGBÙ NYƐNYÃ VUVƆ

³ Ɔkɛlɛ kpayaxwɛdɛ nɛ efeke mɛ nɛ Ɔfufɔɛ mɛ avɛnɔ ayakpam. Ɛkɛlɛ mɛ mɔ adzɛ teli gɛ ezhiedzi agavuga anhũmdzɛdzã abha gɛ ebusobui enyi ada yɛ atsya klɛ atɔkpu tegene anɛ ashã lɔfɔ alɛ yɛ.

Tɛbubukasɛ 17:3 Referans Kwoze

Tɛbubukasɛ 12:3

Ɔkɛlɛ kɛdɔmumɔ bhlatɔ zɛ wɛ̃ nɛ owũsise: eblidzyagbla dzɛdzã teli nɛ atɔkpu tegene anɛ ashã lɔfɔ anɛ bukusiekutu tegene etsri yɛ ada mɛ.

Tɛbubukasɛ 17:18

Adzɛ nɛ gɛ ɔmɔ nɛ yɛ enu ɔma gblagbla nɛ gɛ ɔŋa kesukpa nɛ bekusi nɛa bha.”

Tɛbubukasɛ 12:6

Adzɛ nɛ esi avɛ ayakpam nɛ ɔkɔ toli gɛ Kpaya abala lu kɔ yɛ, ɔkɛlɛ le be di yɛabha kɔ ewi kɛkpã tirikpo, kɛfɔɛfɔ tabha anɛ afɛtehlo (1,260).

Tɛbubukasɛ 17:4

Adzɛ nɛ enyumu kɛdɔ hẽhe anɛ kɛdzɛdzã, klɛ atã nɛ sɛkadzɛdzã, aklãgbu gɛ aŋaedzi anɛ ehuiŋɛŋɛedzi. Evunɔ sɛkadzɛdzã ɔɖɛantse nɛ ahwɛmɛ, gɛ keyuku nɛ ebui gɛ etutruanɔ anɛ yɛ buzhuzhɔlɛ atsɔbui.

Tɛbubukasɛ 12:14

Ba kɔ adzɛ nɛɛ odi gbɛgbla beglebe tɛabha, sɛ tɛ aba yɛkɔ epruru nɔ avɛ ɔklɛ gɛ ba bala elu kɔ yɛ nɛ ayakpa nɛ mɛ, ɔkɛlɛ gɛ le be di yɛabha tɔnɔ kibe tili, gɛ nu agɔ tata anɛ kapɛ, ɔkɛlɛ gɛ eblidzya nɛ ɔhwɛ ɔtɛɔ na yɛ.

Tɛbubukasɛ 21:10

Klɛ efekem ashɛnɔ nɛ Ɔfufɔɛ mɛ avɛnɔ butugbla ɖɛɖama tulia bha, klɛ akasɛm Ishubhuibhui Ɔmagbla, gɛ onu Yerusalɛm, gɛ ozhide owũsise nɛ Kpaya kɔ ɔɔba.

2 Tɛsolonianɛ 2:4

Aba lɔɛ titi klɛ aba kpɛ shu nɛa bha kɔ kɛkanyaka gɛ be klua sɛ Kpaya ɔdɔgɔsɛ ba kpɛ kɛtɔkpuesi akɔ, sɛ tɛ edzu yɛ shu nɛ Kpaya busɔlɛvu nɛ mɛ, eze kulu shu asɛ enu Kpaya.

Tɛbubukasɛ 1:10

Nɛ Apalete Kiwi nɛa bha ɛza Ɔfufɔɛ mɛ, klɛ mɛ inu ogugu gɛganɛ toli nɛ mɛe de ansɛ kaxũlɛ̃,

Tɛbubukasɛ 4:2

Kɛbhɛtɛ tili mɛ ko ɛgbla tsoku ɔfufɔɛ mɛ, klɛ nɛ mɛ amɛ bukusiegbu nɛ owũsise kalɛ li gɛ anɔ teli ezhiedzi kalɛa bha.

Axwɛwɛwa 8:39

Gɛ bede buni nɛm ekoeyi ko, klɛ Apalete nɛ Ɔfufɔɛ nɛ obo feke Flipo ɔshɛnɔ, klɛ anɔgbla na da mɔ Flipo ɔgakɔ, pɔ avɛ yɛ kidzo gɛga nɛa bha nɛ same mumɔ.

Mateo 27:28

Ba tsywɛ̃ bawi nɛ yɛ shu klɛ ba yɛkɔ awidzɛdzã akpɛ akɔ yɛ,

Tɛbubukasɛ 18:12

sɛkadzɛdzã etuku, sɛkaefufu, aklãgbu ŋɛŋaedzi anɛ ehueyi; akpɔtɛ dzyɔgo, ehẽhẽ, siriki anɛ apɔtɛ dzɛdzã; omumɔɛ kanyaka di osi, anɛ kɛdɔnyɛdɔɛ di gɛ ba bhɛtɛ edenɔ onyiriɖie mɛ, isi ŋɛŋɛedzi, ayawa, ɔɖa anɛ atsɔɛ;

Tɛbubukasɛ 18:16

klɛ la ba kpɛ ogugu asɛ: “ ‘Butɔ! Butɔ, O ɔmagbla, enyumu apɔtɛ dzyɔgo, ehẽhẽ anɛ adzɛdzã, klɛ la tã nɛ sɛkadzɛdzã, aklãgbu ŋɛŋaedzi anɛ ehui!