Tɛbubukasɛ 16:18 - ONUGBÙ NYƐNYÃ VUVƆ

¹⁸ Ɔkɛlɛ kifuɛmɔɛ, igugu gɛganɛɛ, anɛ subhalɛlɛ gɛganɛɛ anɛ kesukpa huhwa tsutsɔmɔ tsutsɔmɔ ka ba. Kesukpɛa lɛlɛ nɛ di ka hwa edi denɔ gɛ anɔ alɛa nɔ mɛ, so kalɛ tɛhuhwa nɛ kuifu.

Tɛbubukasɛ 16:18 Referans Kwoze

Tɛbubukasɛ 4:5

Denɔ kegbu nɛa bha nɛɛ owũsisefu ɛmuɛ tili de, ili mɛ anɛ subhalɛlɛ. Nɛ bukusiegbu nɛ otugba, kanɛgbɛ tiegene dzi aza tã. Balɛ nu Kpaya ɛfufɔɛ tigene.

Tɛbubukasɛ 11:19

Ɔkɛlɛ Kpaya busɔlɛvu nɛ owũsise nɛ danɛ, klɛ nɛ yɛ busɔlɛvu nɛ mɛ ba mɔ yɛ onugbunyɛnya osiakputɔ. Klɛ kifu ɛmɔɛ ba, ilimgugu, subhalɛlɛ aklãgbu, kesukpa huhwa anɛ amuklãgbuilɛ gbɛgbla.

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Tɛbubukasɛ 8:5

Ɔkɛlɛ kpayaxwɛdɛ nɛ ayɛkɔ ɔnyɔ̃ɛplui, eyuku kɛlɛ nɛ kifu gɛ de busɔlɛvu mɛ kɛdɔpɔɛkɔ, klɛ ayɛkɔ tɛ̃ elu kesukpa; klɛ ɔkɛlɛ subhalɛlɛɛ ɛmɔɛ, igugu edidedi, subhɛfu anɛ kesukpahuhwa aba.

Tɛbubukasɛ 6:12

Idi gɛ adanɛ adɛda hlomi. Kesukpa kahwa gɛganɛ. Kiwi nɛ kitsyina tututu ansɛ kɛpɔtɛtutu gɛ be yu nɛ epidzya tɛka, wele nɛ petee etsyina dzã dzyosu tɛdzɛdzã,

Mateo 24:21

Alasɛ kibe lɛ nɛɛ butɔ piim ba za, gɛ bu dɛ sɔnɔ bukanyaka denɔ kanɔ nɛ mɛ kesikpɛkpɛ ɔbɔ nanɔ ɔtsɔ̃—klɛ butɛa fla sɔnɔ bukanyaka di.