Tɛbubukasɛ 16:14 - ONUGBÙ NYƐNYÃ VUVƆ

¹⁴ Be nu satana ɛfufɔɛ gɛ bhɛtɛ ebui gɛ abhɛtɛbi, klɛ le koeyi tɔnɔ kanɔ mɛ bekusi nɛ petee, tɛ be xogoa lɛ akɔ keyu nɛ Kpaya Gbɛgbladɛ nɛ kiwigbla nɛa bha.

Tɛbubukasɛ 16:14 Referans Kwoze

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

1 Timotio 4:1

Ɔfufɔɛ nɛ ɔdanɛ kɛlɛ mɛ ɔɖɔ sɛ nɛ kibe gɔgɔɛ nɛ mɛ banɔ teli aba shɛnahwɛ tɛyɛyɛkɛŋa nɛ shu klɛ ba tɛ za ɛfufɔɛ nɛ gɛ wɛɛ anɔ anɛ ɛfufɔɛkpã kɛdɔkɛkasɛ nɛe de.

Tɛbubukasɛ 20:8

klɛ ebe koeyi avɛ ada wɛɛ amadi nɛ kesukpa nɛ bupɛ tɔlɛ nɛ mɛ—Gɔg anɛ Magɔg—tɛ ede xogo balɛ akɔ keyu. Nɛ tikpikpe mɛɛ be dzi ansɛ aƒuayɛ̃sɛ nɛ aƒuitɔ.

1 Yohanɛsɛ 5:19

Bu nyi sɛ bu nu Kpaya yɛ yialɛ, klɛ sɛ kanɔ nɛ petee kabhaŋɛŋa lɛ ezizi nɛesi.

Yakobo 3:15

“Kibuinyinyi” lɛ nɛɛ di de owũsise ba pɔ ki nu kesukpɛa bha kibui, kidɛ de ɔfufɔɛ mɛ, ki de Abosamu ɔkɔ.

Tɛbubukasɛ 16:16

Ɔkɛlɛ be xogo bekusi nɛ akpɛ ketsu nɛ ɔkɛlɛ gɛ be kulu nɛ Hebriu bunuhu mɛ asɛ Amagedɔn.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

2 Tɛsolonianɛ 2:9

Agɛ ama ɔshã kanyaka mɛ nɛ tɛbɛba nɛ ba za nɛ Satana kɛxwɛwɛwa nɛ nu gɛ be bu akasɛ ganɔ itro ebui nɛ petee gɛ abhɛtɛ bi nɛ mɛ,

Marko 13:22

Alasɛ Kristo itroayɛ anɛ batɔnu itroa yɛ nɛ be koeyi klɛ ba baa bhɛtɛ ebuimumɔ anɛ ebuiyiyinɔ anɔ, sɛ tɛ ba yɛkɔ awɛɛ bagɛ be kulu, onu gɛ kɛɛ ba za bɔbɔɛbɔɛ.

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.

Romanɛ 1:8

Putɔnɔ nɛɛ, ihu mɛ Kpaya nɛ ahwɛ ganɔ Yesu Kristoa bha kɔ wɔnɔ petee, alasɛ baɖɔ wɔnɔ tɛyɛyɛkɛŋa nɛ bui akana kanɔm petee.

Tɛbubukasɛ 16:7

Klɛ mɛ nu gɛ busɔlɛvu mɛ kedɔpɔɛkɔ nɛ ɔdɛmɛ sɛ: “Ee, Apalete Kpaya gɛ Agbɛgbladɛ, wɔ bubhui kukulu nɛ nu kɛgba klɛ bu na.”

Tɛbubukasɛ 13:3

Agavuga nɛ kɛtɔkpu nɛ tili wɛ̃ ansɛ kɛ yɛkɛ kɛpɔbgla, pɔ kɛpɔ nɛ tɛ bele. Kɛ bhɛtɛ kanɔ nɛ mɛ petee bi klɛ ka lɛ agavuga nɛede.

Tɛbubukasɛ 6:17

Alasɛ bɔtɔhihe kiwigbla nɛ tɛ ba, klɛ anee gɛ aba na kɛlɛ nu za?”

Luka 2:1

Nɛ kibelɛlɛ Kaezaro Augusto akpɛ ɔshã sɛ ba kla banɔ nɛ Rɔma ɛma petee mɛ.

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.