Tɛbubukasɛ 13:6 - ONUGBÙ NYƐNYÃ VUVƆ

⁶ Adanɛ yɛ onugbu nɛ sɛ tɛ ayɛkɔ aɖɔ ebusobui nɛ Kpaya shu, nɛ tɛ ayɛkɔ ezi yɛ kinyi nɛ yɛ ɔzakɔ anɛ bagɛ alɛ owũsise.

Tɛbubukasɛ 13:6 Referans Kwoze

Tɛbubukasɛ 12:12

Kɛlɛ so nɔ mɔ same, wɔnɔ iwũsise anɛ wɔnɔa gɛ ɔlɛ ɛlɛ mɛ! Pɔ butɔ kɔ kesukpa anɛ aƒu, alasɛ ɔfufɔɛkpã nɛ ɔti zhiɔba kesi nɛ wɔnɔ bha! Eyuku nɛ kanya, alasɛ enyi asɛ yɛ kibe nɛ daa dze.”

Hebriuanɛ 9:24

Alasɛ Kristo adɛ tsoku kagba nɛ mɛ gɛ anɔdzyrame dzu gɛ enu kagba dzyɔgo nɛ buyi, etsoku owũsise nahwɛ avɛ sɛ tɛ ɔtsɔ̃nɛ ada wɔɛ̃ nɛ Kpaya amɛ kɔ lɔ.

Mateo 15:19

Alasɛ idzyi nɛ mɛ atɔkpum kpã, gɛ enu anɔyiyi, aglɔbui, azhuzhɔlɛbui, buzi, otro ebuimɔɖɔ, anɔshuzizi ede.

Mateo 12:34

Wɔnɔ atagblashã tɛzɛzam banɔ, kɛlɛ wɔnɔ banɔ nɛ gɛ ɔtsɔmɔ nɔ bɔ ɖɔ kibui dzyɔgo tii li? Alasɛ kibui nɛ kɛɛ dɛ idzyi klɛ onugbu nɛ ɔɔɖɔaɖɔ.

Tɛbubukasɛ 21:3

Klɛ mɛ inu olim gɛganɛɛ denɔ kekusigbu nɛ ɔkɔ gɛ ɔɔɖɔ sɛ, “Ɔtsɔ̃ nɛɛ Kpaya tɛzɛza nɛ lɛ plɛnɔ banɔ, klɛ aba za plɛnɔ balɛ. Be be dzi yɛanɔalɛ, klɛ Kpaya nahwɛ nɛ aba za plɛnɔa lɛ klɛ ebe dzi balɛ Kpaya.

Tɛbubukasɛ 18:20

Mɔ same nɛ yɛ tɔkpu, O owũsise! Nɔ mɔ same, wɔnɔ banɔnɛna anɛ banɔkpɛkpɛ anɛ batɔnu! Kpaya eti kulu kebhui nɛ adzɛ kana gɛ ayɛkɔ aganɛ wɔnɔ.’ ”

Tɛbubukasɛ 11:12

Ɔkɛlɛ be nu olim toli gɛganɛɛ denɔ owũsise gɛ ɔɖɔ tsrea lɛ ɔsɛ, “Wu ba ɔkɛ̃.” Klɛ be wu avɛ owũsise nɛ ɔmunɔ nɛ mɛ, nɛ kibe lɛ gɛ bagɛ ba dɛ pɛa lɛ ne dzi edi asɛsɛ.

Tɛbubukasɛ 7:9

Kɛɛ nɛ nɛede idi klɛ nɛ mɛ amɛ banɔɛha gbla tili za gɛ anɔnyanɔ atɛ ba na banɔ nu kla, denɔ amadiha, kɛmadi, banɔ anɛ benuhu, be li kititi nɛ bukusiegbu nɛ amɛ anɛ Obhoshieyi nɛ otugba. Ba kpɛ bawidzidze fufu klɛ be vunɔ trɛwã nɛ balɛ ahwɛ mɛ.

Tɛbubukasɛ 5:13

Ɔkɛlɛ mɛ inu kɛdɔbhɛbhɛtɛ nɛ owũsise anɛ kesukpa nɛa bha anɛ kalɛesi anɛ aƒu nɛa bha, anɛ kedɔnyɛdɔ petee gɛ kpasɛ kɛlɛ mɛ, nɛ lɛ zha ɛdzɛ sɛ: “Kɔ agɛ yɛ edzi kekusigbu nɛa bha anɛ kɔ Obhoshieyi ba kpɛ kɛlɛ nɛa bha anɛ tɛdidi anɛ ishubhubhui anɛ kemi, ɔyɛkɔ vɛnɔ mabeke mabeke mɛ!”

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.

Tɛbubukasɛ 4:1

Kɛnɛ nɛe de idi, klɛ nɛ mɛ amɛ kedunu tieli kadanɛ li nɛ owũsise. Klɛ olim tutɔpu nɛ gɛ inu lɔ ɖɔ kaɖɔ otsrem ansɛ kaxũlɛ̃ nɛ ɔsɛ, “Wu ɔba ɔkɛ̃, klɛ ɛba kasɛ wɔ kɛgɛ alasɛ kɛ ba nɛ kɛɛ nɛ nɛe de.”

Hebriuanɛ 9:2

Bedzu kagba. Nɛ ka lɛ buvu tɛtɔpu nɛ mɛ kanɛgbɛsi za, ɔkplɔ̃ anɛ busɔlɛ gbɛ̃gbɛvu, ɔkɛlɛ bee klu asɛ Ɔzakɔ Dzyɔgo.

Romanɛ 3:13

“Balɛ ahali nɛm enu idzre gɛ danɛ dzi, balɛ anɛkɛ nɛ awɛ anɔ.” “Atagblashã aɖii ala lɛ balɛ nu.”

Koloseanɛ 2:9

Alasɛ nɛ Kristo mɛ tɛnɛna petee nɛ́ Kpaya shuidzya tɛzɛza mɛ,

Koloseanɛ 1:19

Alasɛ kɛ ku Kpaya awɔ̃ sɛ tɛ ayɛkɔ yɛ shu petee aba za yɛ mɛ,

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Tɛbubukasɛ 7:15

Kɛlɛ so nɛɛ, “be li Kpaya bukusiegbu nɛ amɛ klɛ baa dɛ kɛxwɛ kɔ yɛ kemuze anɛ elishi nɛ yɛ busɔlɛvu mɛ, klɛ agɛ edzi bukusiegbu nɛa bha nɛ aba nɛna yɛ kɛpɔtɛagba nɛ ada lɛ.

Tɛbubukasɛ 15:5

Kɛɛ nɛ nɛe de idi klɛ nɛ owũsise busɔlɛvu, gɛ nu, Kibuimɔɖɔ akpanda, nɛ adanɛ.