Tɛbubukasɛ 13:2 - ONUGBÙ NYƐNYÃ VUVƆ

² Agavuga nɛ gɛ ɛmɔ nɛ eyi ashuiɛ, pɔ ɛtsrɛ nɛ dzi ansɛ agudui yɛ klɛ onugbu ansɛ adzyata ɔyɛ. Eblidzyagbla nɛ akɔ agavuga nɛ yɛ kemi anɛ yɛ ekusiegbu anɛ kabhaŋɛŋa gbɛgbla.

Tɛbubukasɛ 13:2 Referans Kwoze

Tɛbubukasɛ 20:2

Evu eblidzyagbla, gɛ enu atiti eblidzya, gɛ enu ɔfufɔɛkpã, ɔdɔgɔsɛ Satana, klɛ anya yɛ agɔ kɛkpã zɛzɛ.

Tɛbubukasɛ 17:12

“Ashã lɔfɔ nɛ gɛ ɔmɔ nɛ enu bekusi lɔfɔ gɛ ba ka yɛkɛ bukusiɔŋakɔ, pɔ nɛ ɔɖɔ torikpo mɛ ba ba yɛkɛ kabhaŋɛŋa ansɛ bekusi ɔyɛkɔ plɛnɔ agavuga.

Tɛbubukasɛ 12:9

Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

Tɛbubukasɛ 13:4

Banɔ ba kpɛ kɛtɔkpuesi kɔ eblidzyagbla alasɛ atɛ kɔ agavuga nɛ kabhaŋɛŋa, klɛ balɛ tsyɛ ba kpɛ kɛtɔkpuesi kɔ agavuga klɛ bee bisi asɛ, “Ane gɛ edzi ansɛ agavuga? Anee gɛ aba na keyu ta nɛ yɛ?”

Tɛbubukasɛ 12:15

Ɔkɛlɛ ebe epi buni ansɛ keni, edenɔ yɛ onugbu mɛ, sɛ tɛ adɔ adzɛ nɛ afla tɛ ayɛkɔ agba yɛ anɛ buni nɛ ashɛnɔ.

Tɛbubukasɛ 12:13

Gɛ eblidzyagbla nɛ amɔ asɛ be huesi asɛsɛ kesukpa nɛɛ, akpatɔnɔ adzɛ nɛ gɛ amɔ eyianyɛ.

Tɛbubukasɛ 16:10

Kpayaxwɛdɛ trimi nɛ etsyina yɛ kesugba nɛ abalɛ atrɔ agavuga anɛ bukusiegbu nɛa bha, klɛ yɛ bukusiɔŋakɔ nɛ otsoku otumu mɛ. Banɔ ba tã balɛ anɛkɛ nɛ iyuyo mɛ

2 Timotio 4:17

Pɔ Apalete nɛ aza plɛnɔ mɛ, klɛ akpɛ mɛ bugɛganɛ, sɛ tɛ ganɛ mɛa bha tɛ kibui nɛ kibu kasɛ petee klɛ bagɛ ba dɛ yɛkɛaŋa nɛ petee be nui lɛ. Klɛ be bu mɛ nɛ adzyata onugbu mɛ.

Tɛbubukasɛ 2:13

Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.

Tɛbubukasɛ 13:12

Awa kabhaŋɛŋa nɛ gɛ kenu agavuga tutɔpu nɛa yɛ nɛ shu xwɛ nɛ yɛ nu, klɛ abhɛtɛ kesukpa anɛ bagɛ akpasɛa lɛ mɛ nɛ la kpɛ kɛtɔkpuesi kɔ agavuga tutɔpu, gɛ yɛ kɛpɔgbla nɛ tɛ bele.