Biblia Todo Logo
Bib sou entènèt

- Piblisite -




Tɛbubukasɛ 12:9 - ONUGBÙ NYƐNYÃ VUVƆ

9 Be hu eblidzyagbla nɛ ebho— kɛlɛbe eblidzya alɛlɛ nɛ gɛ be kulu asɛ ɔfufɔɛkpã ɔdɔgɔsɛ Satana, gɛ agbanɔ kanɔ nɛ petee alɛla. Be huyɛebho asɛsɛ kesukpa, anɛ yɛ baxwɛdɛ.

Gade chapit la Kopi




Tɛbubukasɛ 12:9
68 Referans Kwoze  

Yesu ebulɛnu sɛ, “Emɔ Satan gɛ awɔlɛ anasɛ sɛbhaɛfu denɔ owũsise.


Ɔtsɔnɛ kɛbena kɔ kebhuikuklu nɛ kanɔ, ɔtsɔnɛ ba ba kɛka ekusieyi nɛ kanɔa nɛ mɛ.


Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.


Bu nyi sɛ bu nu Kpaya yɛ yialɛ, klɛ sɛ kanɔ nɛ petee kabhaŋɛŋa lɛ ezizi nɛesi.


Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.


Klɛ keyu akpa nɛ owũsise. Maɛkɛl anɛ yɛ kpayaxwɛdɛ nɛ ba ta keyu nɛ eblidzyagbla, klɛ eblidzyagbla nɛ yɛ baxwɛdɛ nɛ tsyɛ ba gɔnɛ na lɛ.


Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.


klɛ ebe koeyi avɛ ada wɛɛ amadi nɛ kesukpa nɛ bupɛ tɔlɛ nɛ mɛ—Gɔg anɛ Magɔg—tɛ ede xogo balɛ akɔ keyu. Nɛ tikpikpe mɛɛ be dzi ansɛ aƒuayɛ̃sɛ nɛ aƒuitɔ.


Ɔkɛlɛ kɛdɔmumɔ bhlatɔ zɛ wɛ̃ nɛ owũsise: eblidzyagbla dzɛdzã teli nɛ atɔkpu tegene anɛ ashã lɔfɔ anɛ bukusiekutu tegene etsri yɛ ada mɛ.


Kpayaxwɛdɛ trimi nɛ abɔ yɛa xũlɛ̃, klɛ mɛ mɔ kɛwũwɔɛ gɛ wɔlɛ de owũsise ba dɔ kesukpa. Ba yɛkɔ ozi gɛ ɔwɔkɔ ɔma lɛ nɛ kedunuaɖɛ nɛ akpɛ ahwɛ akɔ kɛwũwɔɛ lɛ.


Ɔtsɔ̃ nɛɛ ɛɖɔ tsre wɔnɔ banɔ gɔgɔɛ nɛ Taɛtira, kɔ wɔnɔa gɛ nɔ dɛ nyɛna yɛ kɛdɔkɛkasɛ nɛ mɛ ovunɔ klɛ nɔ kɔ kpasɛ Satana ebuikpukpu dzudzu alɛlɛ nɛ mɛ (ɛtɛa trɔ nɔ kituku bhlatɔ kanyaka):


Inyi ɔkɛlɛ gɛ ɔlɛ— ɔkɛlɛ gɛ Satana bukusiegbu nɛ alɛ. Tsyɛ pɛ ɔlɛ nɛ kɛgba mɛ nɛ mɛ nyi mɛ. Ɔdɛ shɛ̃nahwɛ wɔ tɛyɛyɛkɛŋa nɛ mɛmɛ, nɛ Antipasɛ kibe nɛ mɛ tsyɛ, mɛ ebuimɔɖɔ gɛ tɛyɛyɛkɛŋa lɛ yɛahwɛ, gɛ be yi nɛ wɔnɔ ɔmagbla nɛmɛ—nɛ ɔkɛlɛ gɛ Satana alɛ.


Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.


Klɛ kɛdɛyinɔ anɔ, alasɛ Satana nahwɛ etsyina anasɛ axwɛdɛ gɛ atɛ̃fu.


sɛ tɛ Satana atɛ ba ŋa bulɔ abha. Alasɛ bu nyi yɛ bushɛwuwa.


Alasɛ banɔa lɛ nɛɛ di na taa dɛ kɛxwɛ kɔ bulɔ Apalete Kristo, pɔ kɔ balɛ nahwɛ ahali mɛ. Ganɔ onugbum zɛzandzyɛ anɛ bugã kpɛkpɛanɔ mɛ ba yɛkɔ awɛɛ bagɛ be ti nyi kibuinyɛbui.


sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’


“Simɔn, Simɔn, Satana ebisi asɛ tɛ apɛ nɔ anasɛ amɔ.


Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.


Ɔkɛlɛ Satana ebe tsoku Yuɖasɛ mɛ, gɛ beklu asɛ Iskarɔtɛ gɛ enu kɛfɔntɛabha mayɛ teli.


Agɛ la lɛ kidzo nɛ mɛ ale nu banɔ bagɛ be nu ebui, klɛ ɔfufɔɛ tsutsɔmɔ nɛ ebe bu kibui nɛ balɛ idzyi nɛ mɛ, sɛ tɛ batɛ yɛkɛaŋa tɛ ba ba mɔ ɛkpã.


“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.


Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”


Ɔfufɔɛkpã ɔzɔ gbanɔ Yesu ɔvɛnɔ butu ɖɛɖama tulia bha klɛ lɔ yɛkɔ kanɔm bukusiɛŋakɔ nɛ petee nɛ bulɛ mɛ tɛpupudi nɛ akasɛ yɛ.


Ɔkɛlɛ ɔfufɔɛkpã nɛ ɔyɛkɔ yɛ ɔvɛnɔ ishubhubhui ɔmagbla nɛm klɛ lɔ kɔa lɔ busɔlɛvu nɛ ɔɖɛɖamakɔdɛ.


Ɔkɛlɛ Ɔfufɔɛ nɛ ɔbɔ gbanɛ Yesu ɔvɛnɔ ayakpam kɔ ɔfufɔɛkpã sɛ tɛ lo feke yɛ odi.


Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.


Be nu satana ɛfufɔɛ gɛ bhɛtɛ ebui gɛ abhɛtɛbi, klɛ le koeyi tɔnɔ kanɔ mɛ bekusi nɛ petee, tɛ be xogoa lɛ akɔ keyu nɛ Kpaya Gbɛgbladɛ nɛ kiwigbla nɛa bha.


Alasɛ kɛdɔmumɔ nɛ gɛ ba kɔ yɛ kemi sɛ tɛ abhɛtɛ nɛ agavuga tutɔpu nɛ nu so, awɛɛ banɔ nɛ ga lɛ kesukpa nɛa bha. Akɔ sɛ ba bhɛtɛ kɛdɔ bhubhɔ tɛ ba yɛkɔ akpɛ agavuga nɛ gɛ ba kpɛ kɛpɔ nɛ ɛhɛɛ tsyɛ pɛ aza nɛ ɛkpã.


Banɔdzyrame gɔgɔɛ nɛ gɛ be di yi ganɔ banyakpã nɛ mɛ be ke tsyina kitem nɛ balɛ ahwɛ kɛxwɛwɛwa nɛ mɛ; ba dɛ zukɔlɔ kɛtɔkpu kpɛkpɛesi kɔ ɛfufɔɛkpã, anɛ sɛkadzɛdzã kɛdɔbhubhɔ, sɛkafufu, ehẽhẽ, kɛklãgbu anɛ osi— kɛdɔbhubhɔ nɛ gɛ tɛɛ mɔ, be tee nu ɔdɔgɔsɛ baa ga.


Ɛba bhɛtɛ bagɛ nu Satana oxogokɔanɔ, gɛ be kulu shu asɛ nu Yuɖanɛ flogo pɛ be di nu, pɔ be nu betroni, ɛba bhɛtɛ balɛ le be zhiadɔ nɛ wɔ otugba klɛ be be buaɖɔ sɛ ɛpɛɛ wɔɛ bui.


Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.


Pɔ kpayaxwɛdɛgbla Mayɛkɛl tsyɛ, gɛ aza wũlankɛ bui nɛ ɔfufɔɛkpã denɔ Mose ishupi nɛ shu, adɛ bhɛtɛ edi asɛ ayɛkɔ ishuzizi kititilulɔ nɛ yɛ shu, pɔ aɖɔ asɛ, “Apalete nɛ etsrenɛ wɔ!”


Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—


nɛ kibe lɛ mɛ gɛ banɔ tsutsɔmɔ anɛ bagɛ ba wɛanɔ na ba lɔ denɔ butsutsɔmɔ mɛ avɛ butsutsɔmɔ dɛa na nɛ mɛ, aza wɛanɔ klɛ la ba za wɛalɛ tsyɛ.


Klɛ ganɛ Aɖam la wɛɛ; adzɛ nɛ la wɛɛ klɛ edzi buziziabhɛtɛ.


Nɔ tɛ kɔ anɔnyanɔ awɛ nɔ nɛ kidzonyɛdzoa bha, alasɛ kiwi lɛlɛ nɛ tɛ baa ba odi nu sɛ kititilulɔ bɛ lɛ mɛ klɛ be bu anɔ gɛ ama ɔshã kanyaka mɛ nɛ akasɛ, anɔ nɛ gɛ atɛ wɔlɛ eku butsyrɔ mɛ.


Kɛlɛ bu tɛa dzi banɛvɔ, gɛ kɛlɛɛ ba wanya vɛnɔ kede anɛ otugba klɛ kɛdɔkɛkasɛ kɛlɛɛ ba fu lɔ vɛnɔ ɔkɛ̃ anɛ mɛna ɔkɛ̃ ganɔ banɔ anɔwuwɔɛ anɛ bushɛ edzo bhɛbhɛtɛ mɛ.


Tɛ be bu mɛ edenɔ bugbɛgbla nɛ mɛ alasɛ ebui bubukasɛ gbɛgbla gɛ ɛmɔ, ɔkɛlɛ la kɔ mɛ ewui nɛ mɛ shuidzya mɛ, Satana axwɛdɛ tɛ etu mɛ.


Eti be dze ishuyuyɔ Kpaya nɛ aba yɛɛ Satana akpɛ wɔnɔ butsrukpɔesi. Apalete Yesu eshutukubui didi aza plɛnɔ nɔ.


Ɔklɛ Petro asɛ, “Ananiasɛ, kɛlɛɛ lɛ za pɛ abosam ayɛkɛ wɔ idzyim ana pɛ kɛlɛ sɛ tɛ ohu otro tsre Ɔfufɔɛ Dzyɔgo pɛ ɔyɛkɔ ehoeyi nɛ gɛ ɔdɛ kesukpa nɛ teli ɔbala kɔ ishu?


klɛ nɛ kebhuikuklu nɛ shu, alasɛ ekusieyi nɛ kanɔa nɛ mɛ ɔtsɔ̃ nɛ alɛ kɔ kɛpɔ bubu.


Ɛtɛaɖɔ kaɖɔ dzidze nɛ nɔ, alasɛ anɔ nɛ gɛ aŋa kanɔ nɛabha aba. Bupu ma yɛ ahwɛ nɛ mɛ shu,


Kɛlɛalɛ kideso gɛ adzɛ anɛ, gɛ enu Abraham ye yi, gɛ Satana anya yɛ agɔ dzidze lɔfɔnɛtasɔɛ, gɛ ba tɛ bule yɛ xũ nɛ Kimoenewui abha?”


Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.


klɛ anɔkpã nɛ gɛ aɖa lɛ nɛ yɛ enu ɔfufɔɛkpã. Kɛdɔ yɛyɛkɔ kibe nɛ kɛlɛ nu kanɔ nɛ obekekɔ, klɛ badɔyɛkɔ nɛ balɛ enu Kpaya baxwɛdɛ.


Akpɛ ogugu nɛ olim gbɛgbla toli asɛ: “Babilɔnɛ Gbɛgbla Awɔlɛ! Awɔlɛ! Edzi Satana yɛeyialɛ ɔzakɔ klɛ ɔfufɔɛkpã kanyaka ɔpɛa nɔ nɛ ɔklɛ, ba pɛɛ kazhuɛ kanyaka gɛ kalɛ shu edi bhui klɛ kalɛ bui ma anɔ li nɛ ɔkɛlɛ.


Kanɛgbɛ kifu kɛɛ tɛa fla tã nɛ wɔ mɛ. Adzɛenyine anɛ adzɛ oli mɛ be tie fle nu nɛ wɔ mɛ. Wɔ bedziniga balɛ dzi kanɔ nɛ mɛ banɔgbɛgbla. Ganɔ wɔ bawa mɛ ɔgbanɔ amadi nɛ ɔlɛla.


Pɔ adɛ gɛganɛ mɔ, klɛ balɛ ɔzakɔ nɛ owũsise nɛ okoeyi nɛ balɛ ahwɛ.


Kɛlɛ so nɔ mɔ same, wɔnɔ iwũsise anɛ wɔnɔa gɛ ɔlɛ ɛlɛ mɛ! Pɔ butɔ kɔ kesukpa anɛ aƒu, alasɛ ɔfufɔɛkpã nɛ ɔti zhiɔba kesi nɛ wɔnɔ bha! Eyuku nɛ kanya, alasɛ enyi asɛ yɛ kibe nɛ daa dze.”


Swiv nou:

Piblisite


Piblisite