Tɛbubukasɛ 11:3 - ONUGBÙ NYƐNYÃ VUVƆ

³ Klɛ ɛba kɔ mɛ bebuimɔɖɔ tɛabha nɛ kemi, klɛ la ba ɖɔ ebui elu ewi 1,260 mɛ, nɛ ɛdɔnyinye apɔtɛ mɛ.”

Tɛbubukasɛ 11:3 Referans Kwoze

Tɛbubukasɛ 12:6

Adzɛ nɛ esi avɛ ayakpam nɛ ɔkɔ toli gɛ Kpaya abala lu kɔ yɛ, ɔkɛlɛ le be di yɛabha kɔ ewi kɛkpã tirikpo, kɛfɔɛfɔ tabha anɛ afɛtehlo (1,260).

Tɛbubukasɛ 11:2

Pɔ shɛ̃nahwɛ ɔtɔ buka nɛ mɛ shu olu, tɛ dzyidzyi bɔ lɛ mɛ xũ, alasɛ ba tɛ yɛkɔ bɔlɛ akɔ bagɛ be di nu Yuɖanɛ. Balɛ ba ga ishubhubhui omagbla nɛa bha nɛ butsrukpɔ bewele afɛtalɛ̃ntɛabha.

Tɛbubukasɛ 13:5

Ba kɔ agavuga nɛ onugbu sɛ tɛ aɖɔ ishufifeke ebui anɛ ebusobui tɛ awa yɛ kabhaŋɛŋa nɛ shuixwɛ wele afɛtanlɛ̃ntɛabha.

Axwɛwɛwa 13:31

klɛ nɛ ewi geleem nɛɛ bagɛ ba ga nɛ yɛ edenɔ Galelia avɛnɔ Yerusalɛm na mɔɛ. Balɛ nu baga mɔ aplɛnɔ nɛ akɔ blɔkɔayɛ.

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Luka 24:48

Wunɔ nu bebuimɔɖɔ nɛ ebuia nɛ shu.

2 Kɔrintioanɛ 13:1

Kɛnɛ kɛlɛ badzi butramɛ gɛ ɛba wɔnɔ kɔ. “Kibuinyɛbui gɛ bayɛkɔ nɛ anɔ shu ebuimɔɖɔ tɛabha ɔvɛnɔ tɛata baɖɔaɖɔ denɔ kɛlɛ shu.”

Axwɛwɛwa 2:32

Kpaya eti feke Yesua nɛ amɛna ɛkpãm, klɛ bulɔ petee bu nu bebuimɔɖɔ kɔ kɛlɛ gba.

Yohanɛsɛ 15:27

Klɛ wunɔ tsyɛ tɛ nɔ bɔ ɖɔaɖɔ denɔ mɛ shu, alasɛ nɔ lɛ mɛ ɔbha denɔ kesikpɛkpɛ.

Mateo 18:16

Pɔ onu gɛ eti be nu wɔesi, yɛkɔ anɔ terikpo tɛabha ɔta shu, sɛ tɛ ‘kibuinyɛbui mɛ ba danɛ ganɔ bebuimɔɖɔ tɛabha tɛata amɛ.’

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

Axwɛwɛwa 3:15

No yi anɔ nɛ gɛ akɔ ɛkpã, pɔ Kpaya ebu yɛ edenɔ be tsitsi nɛ kishi. Bulɔ nahwɛ dzi bebuimɔɖɔ kɔɛ lɛ.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Efesoanɛ 4:11

Yɛ nu agɛ akɔ be teli sɛ be dzi banɔkpɛkpɛ, be teli be dzi batɔnu, be teli bedzi bagɛ ba ɖɔ kibui dzyɔgo, klɛ be teli be dzi kpayaɔzakɔanɔ, anɛ badɔkasɛ,

1 Kɔrintioanɛ 12:28

Klɛ nɛ busɔlɛɔha nɛ mɛ Kpaya eputɔ eklu banɔkpɛkpɛ, bubhla batɔnu, butramɛ badɔkasɛ, kɛlɛede bagɛ babhɛtɛ ebuiyinɔanɔ, bagɛ balɛ tsyɛ bakɔ bunyabubu nɛ anɔ ishu mɛ, nɛ bagɛ ba plɛnɔ anɔ bhlatɔ, nɛbagɛ ba kɔ ebuiabha didi, nɛ bagɛ bɛ hu ɔfufɔɛmɛ bunuhu bhlatɔ.

Yohanɛsɛ 3:27

Kɔ kibui nɛ so Yohanɛs ebuilɛ nu aɖɔ sɛ, “Anɔ aba yɛkɛ kɛdɔnɔ ko gɛ bakɔ yɛ denɔ owũsise.

Mateo 11:21

“Butɔ kɔ wɔ, Korazin! Butɔ kɔ wɔ, Bɛtsaɛda! Otɔsɛ Taɛre anɛ Sidɔn ɛma mɛ ba bhɛtɛ ebuiyiyinɔ anɔa nɛɛ, anlo ɛlɛ xũ nɛ tɛ tsyina etem kukuuku nɛ kpekpeawim zɛza anɛ butɔ sɛsra shu.

Luka 10:13

“Butɔ kɔ wɔ, Korazin! Butɔ kɔ wɔ, Betsyaida! Alasɛ onugɛ ebuiyinɔanɔ nɛ gɛ babhɛtɛ nɛ wunɔɛ mɛ, alɛ ba bhɛtɛ nɛ́ Tayi nɛ̀ Sidon, be ti tsyinɛtem kukuku, gɛ ba ta za adzyawula pɔtɛ klɛ ba ta sra butɔ nɛ shu.

Tɛbubukasɛ 11:6

Banɔa nɛɛ kemi ka lɛ balɛ ahwɛ sɛ tɛ ba nyɛna kɛlɛɛ nɛ mɛ ada sɛ subha atɛ ba dɔ nɛ kibe li mɛ gɛ baa ɖɔ ebui elu; klɛ kemi ka lɛ balɛ ahwɛ sɛ tɛ be tsyina beni nɛ edzi dzyosu klɛ ba ba na butsutsɔmɔ kanyakɛdi ebe hu kesukpa nɛa bha kɛ pɛɛ gɛ ba pɛɛ.