Tɛbubukasɛ 1:6 - ONUGBÙ NYƐNYÃ VUVƆ

⁶ klɛ abhɛtɛ lɔ sɛ tɛ bu dzi bukusiɔŋakɔ anɛ kpayabanɔ tɛ bu kpɛ kɛtɔkpuesi kɔ yɛ Kpaya anɛ Aka—yɛ ishubhuibhui anɛ kemi ka lɛ ɔyɛkɔ vɛnɔ mabeke mabeke mɛ! Tɛlɛbɛlɛm.

Tɛbubukasɛ 1:6 Referans Kwoze

Tɛbubukasɛ 5:10

Ɔbhɛtɛ balɛ sɛ tɛ be dzi bukusiɔŋakɔ nɛ kpayanɔ sɛ tɛ ba dɛ kɛxwɛ kɔ bulɔ Kpaya, klɛ la ba ŋa bukusi nɛ kesukpa nɛa bha.”

Tɛbubukasɛ 20:6

Bagɛ ba za tɛlɛlɔ tutɔpui nɛ mɛ nɛ nu banɔ yuyula klɛ balɛ shu bhui. Butsi bhla nɛ dɛ mɔ kemi nɛ balɛa bha, pɔ be be dzi kpayanɔ kɔ Kpaya anɛ Kristo klɛ ba ba ŋɛa bha plɛnɔ yɛ agɔ kɛkpã zɛzɛ.

Romanɛ 11:36

Alasɛ denɔ yɛ ɔkɔ klɛ ganɔ yɛa bha klɛ kɛdɔnyɛdɔ kinu yɛyɛ. Yɛyɛ kɛlɛ nu ishubhubhui ɔvɛnɔ mabeke mabekem! Tɛlɛbɛlɛm.

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”

2 Petro 3:18

Pɔ nɔ she nɛ kɛdɔkukɔ nɛ̀ kibuititi mɛ nɛ bulɔ Apalete anɛ̀ Ayɛyɛkɛkɔ Yesu Kristo. Kɔ yɛ kɛlɛ nu tɛbhubhui denɔ ɔtsɔnɛ nɛ̀ mabeke! Tɛlɛbɛlɛm.

Yuɖa 1:25

ishubhubhui, bukusi, kemi anɛ kabhaŋɛŋa kɔ Kpaya terikpo bulɔ Ayɛyɛkɛkɔ, ganɔ Yesu Kristo bulɔ Apalete, kɔ ebe nɛ petee, denɔ ɔtsɔ̃ ɔvɛnɔ mabeke mabekem! Tɛlɛbɛlɛm.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

Filipianɛ 2:11

klɛ kɛnɛkɛ kanyaka bu ɖɔ sɛ Yesu Kristo enu Apalete, kɔ Aka Kpaya ishubhubhui.

Romanɛ 15:6

sɛ tɛ nɛ idzyi anɛ onugbu torikpo mɛ tɛ nɔ danɛ Kpaya nɛ Aka kɔ bulɔ Apalete Yesu Kristo.

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Mateo 6:13

Klɛ tɛ gbanɔ lɔ kpɛ tɛfifekedi mɛ, pɔ bu lɔ odenɔ ezizi nɛ ahwɛ mɛ.’

1 Timotio 6:16

gɛ yɛ ko yɛ enu agɛ etee tsi klɛ akpasɛ kifu gɛ ba tɛ ba na hebunɔ mɛ, gɛ anɔnyanɔ aka mɔ edi ɔdɔgɔsɛ aba mɔ. Yɛ tɛkpɛkpɛ nɛa bha nɛ bupu lɛ kɔ ɔyɛkɔ vɛnɔ. Tɛlɛbɛlɛm.

1 Petro 5:11

Yɛ kemi kalɛkɔ ɔyɛkɔ vɛnɔ mabeke mabeke mɛ. Kɛbɛlɛmɛ.

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.