Romanɛ 9:19 - ONUGBÙ NYƐNYÃ VUVƆ

¹⁹ Wɔnɔmɛayɛ teli ebe tsrem asɛ, “Kɛlɛ kide so pɛ Kpaya eke bu bulɔɛ pɔ? Alasɛ anee gɛ yɛ awlãnkɛ nɛ yɛ tɛpɛpɛ?”

Romanɛ 9:19 Referans Kwoze

1 Kɔrintioanɛ 15:35

Pɔ anɔ teli ebe bisi asɛ, “Kɛlɛ la nyɛmɛ be tsitsi? Ishuidzya ɖuweɖu di ɛlɛ ba ba yɛkɔ mɛna?”

1 Kɔrintioanɛ 15:12

Pɔ onugɛ baɖɔ sɛ ba nyɛmɛ Kristo denɔ bekpui mɛ, kɛlalɛ kideso gɛ wunɔ be teli nɔ ɖɔ sɛ be tsitsi nyɛnyɛmɛ denɔ bekpuimɛ ma?

Marko 14:21

Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ aanɔ nɛ gɛ yɛ aba kpɛ Anɔdzyrame yɛ Eyi nɛ ahwɛ! Aba pɛ̃ kɔ anɔa lɛlɛ nɛ adɛ onu gɛ ba dɛ mɔɛ.”

Yakobo 1:13

Kibe lɛ gɛ tɛfifekedi ba nɛɛ, anɔnyanɔ atɛ ɖɔ sɛ, “Kpaya efeke mɛ edi.” Alasɛ Kpaya nɛɛ ɔfufɔɛkpã ɔtɛ bɔ na yɛ bu fekedi, ɔdɔgɔsɛ yɛ efeke anɔnyanɔ edi,

Romanɛ 11:19

Ɔbɔ bɔ ɖɔ ɔtsɔlɛ ɔsɛ, “Be dzyini ɛshɛ nɛ atɛɛ̃ sɛ tɛ ba yɛkɔ mɛ anyata.”

Axwɛwɛwa 2:23

Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Yakobo 2:18

Pɔ anɔ teli aba ɖɔa sɛ, “Tɛyɛyɛkɛŋa lɛ wɔ ahwɛ, tɛbhɛbhɛtɛ lɛ mahwɛ.” Kasɛ mɛ wɔ tɛyɛyɛkɛŋa kɛxwɛwɛwa maza kɛlɛ mɛ, klɛ tɛ ɛkasɛ wɔ mɛ tɛyɛyɛkɛŋa ganɔ kɛgɛ ɛbhɛtɛ nɛ shu.