Romanɛ 8:34 - ONUGBÙ NYƐNYÃ VUVƆ

³⁴ Anee nalɛlɛ nɛ gɛ ebuipɔ? Kristo Yesu, gɛ etsi, ɔyɛkɔ ɔdɛa na, gɛ be bu amɛna ɛkpã mɛ, akpasɛ Kpaya kɛŋa ɔhwɛ mɛ klɛ eke vuibue tsyɛ nɛ lɔɛ tɔkpu.

Romanɛ 8:34 Referans Kwoze

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

Romanɛ 8:27

Klɛ agɛ ya nyɔ bulɔ idzyi nɛ mɛ enyi Ɔfufɔɛ nɛ tɔkpum, alasɛ Ɔfufɔɛ nɛ ovuibue nɛ banɔnɛna nɛ tɔkpu nɛ Kpaya tɛpɛpɛ nu.

1 Petro 3:22

gɛ avɛ owũsise klɛ ada za Kpaya yɛ ŋamɛ—nɛ baxwɛdɛ, kabhaŋɛŋa anɛ kɛmi anɛ ishuzhizhinɔ kesi kɔ yɛ.

Hebriuanɛ 9:24

Alasɛ Kristo adɛ tsoku kagba nɛ mɛ gɛ anɔdzyrame dzu gɛ enu kagba dzyɔgo nɛ buyi, etsoku owũsise nahwɛ avɛ sɛ tɛ ɔtsɔ̃nɛ ada wɔɛ̃ nɛ Kpaya amɛ kɔ lɔ.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Koloseanɛ 3:1

Nɛ kibelɛlɛ gɛ ba nyɛmɛ wɔ̃nɔ nɛ Kristo, nɔ trɔ wɔnɔ idzyi nɛ atrɔ kabha ebui nɛabha, ɔkɛlɛ Kristo edziesi nɛ Kpaya kɛŋa mɛ

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Romanɛ 14:9

Nɛ kibui nɛ shu so, Kristo etsi klɛ etsodzi aba ɛkpãm sɛ tɛ ebe dzi Apalete kɔ be tsitsi nɛ belulu.

Romanɛ 4:25

Ba yɛkɔ yɛ akpɛ ahwɛ kɔ butsi nɛ bulɔ buzizi nɛ tɔkpu klɛ be feke yɛ amɛna ɛkpãm kɔ bulɔ tɛdɛdanɛ.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Romanɛ 14:13

Kɛlɛ so nɛɛ, nɔ kɔ lɔ yɛlɔ kebhui kulu nɛ ɔhayɛ. Tɛ, nɔ tɛ bhɛtɛ kɛtɔkpum ɔsɛ tɛ nɔ tɛ yɛkɔ kɛdɔnyɛdɔ gɛ ba kpatanɔ anɔ ɔdɔgɔsɛ nɔ yɛkɔ kɛdɔ obhui dzo mɛ kɔ nɔ adzyalɛ.

Yohanɛsɛ 16:23

Nɛ kiwui lɛlɛ nɛabha nɔ tɛɔ bisi mɛ kɛdɔnyɛdɔ. Itsre nɔ kɛbui gbɛagba, ma Aka aba kɔnɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 14:19

Kɛtɛ ba dze, kanɔ na tia mɔ mɛ, pɔ nɔ bɔ mɔ mɛ. Alasɛ ɛlɛ klɛ wɔnɔ tsyɛ nɔ bɔ za.

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Axwɛwɛwa 2:24

Pɔ Kpaya anyɛmɛ yɛ edenɔ butsi mɛ, klɛ ebule yɛ edenɔ butsi butɔ ahwɛmɛ, alasɛ kɛdɛ bhɛtɛ sɛ tɛ butsi nyɛna yɛ kpɛ bulɛ ahwɛmɛ.