Romanɛ 8:2 - ONUGBÙ NYƐNYÃ VUVƆ

² alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Romanɛ 8:2 Referans Kwoze

Romanɛ 6:14

Alasɛ buzizi tɛ ba dzi wɔnɔ apalete, alasɛ wɔnɔ nɔ ma ɔshãesi, pɔ eshutukubui didi esi nɔ kpasɛ.

2 Kɔrintioanɛ 3:17

Ɔtsɔnɛ Apalete yɛ nu Ɔfufɔɛ, klɛ ɔkɛlɛ gɛ Apalete Ɔfufɔɛ nɛ ɔlɛ, ɔkɛlɛ ishuahwɛ zɛza lɛ.

Romanɛ 6:18

Be bule wɔnɔ nɛ buzizi mɛ, klɛ no dzi banɔdzidzi kɔ tɛnɛnamɛzɛza.

2 Kɔrintioanɛ 3:6

Abhɛtɛ lɔ buna anasɛ onugbunyɛnya vuvɔ baxwɛwa—ganɛ keplukpa pɔ Ɔfufɔɛ, alasɛ keplukpa ke yi anɔ, pɔ Ɔfufɔɛ lɔ kɔ ɛkpã.

1 Kɔrintioanɛ 15:45

Kɛlɛso baŋlɔmɛ elu asɛ: “Anɔ tɛtɔpu Aɖam ebedzi ɛkpã anɔ” agɔgɔɛ Aɖam ɛkpã kukɔ ɔfufɔɛ.

Yohanɛsɛ 8:36

Kɛlɛso onugɛ Eyi ashɛ̃nahwɛ wɔ shu, ba shɛnahwɛ wɔ shu gbɛagba.

Yohanɛsɛ 8:32

Ɔkɛlɛ nɔ bɔ ti gbɛagba, gɛ kibui gbɛagba ba bhui nɔ yɛkɛ.”

Romanɛ 7:4

So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya.

Romanɛ 6:22

Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Yohanɛsɛ 6:63

Ɔfufɔɛ nɛ ɔkɔ kpã, ishuidzya kɛ dɛ nu kɛdɔnyɛdɔ. Ebui nɛ gɛ ɛɖɔ tsre nɔ le nu ɔfufɔɛ klɛ le nu ɛkpã.

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 4:10

Yesu ebuilɛnu kɔ adze nɛ asɛ. “Ɔtɔsɛ onyi Kpaya dɔ kukɔ klɛ agɛ yɛ bisi wɔ buni wuwɔɛ, wɔ ɔtɔ bisi yɛ klɛ ata kɔ wɔ ɛkpa buni.”

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

Galatianɛ 2:19

Alasɛ ganɔ ɔshã nɛabha ɛtsi kɔ ɔshã sɛ tɛ ɛza nɛ kpã kɔ Kpaya.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Romanɛ 7:21

So ɛmɔ ɔshã nɛ lɔ wa kɛxwɛ: Kibe nɔɔ gɛ ɛsɛ bhɛtɛ kɛdzyɔgo, butsutsɔmɔ li ɔkɛlɛ plɛnɔ mɛ.

Tɛbubukasɛ 22:1

Ɔkɛlɛ kpayaxwɛdɛ nɛ akasɛ mɛ ɛkpãni anɛ keni, bulɛ mɛ bhui ansɛ kɛdɔbhubhui, bu kpɛ denɔ Kpaya anɛ Obhosheyi nɛ kekusigbu nɛm

Romanɛ 3:27

Kɛlɛ fakɔ, ishufifeke ka lɛ? Be builɛ atɛ̃. Nɛ kidzo ɖueɖua bha? Nɛ ɔshã nɛ tɛbhɛbhɛtɛ abha yɛ? Ao, pɔ nɛ tɛyɛyɛkɛŋa yɛa bha.

Tɛbubukasɛ 11:11

Pɔ nɛ ewi tata nɛ kapɛ nɛede ɛkpã ɔfufɔɛ ode Kpaya ɔkɔ obo tsoku balɛ mɛ, klɛ ba lɔ kititi nɛ balɛ ɛtsrɛa bha, klɛ kifu tsutsɔmɔ ku ba gɛ ba mɔa lɛ.

Romanɛ 7:23

pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ.

Romanɛ 8:1

Kɛlɛso, ɔtsɔ̃ kɛpɔbubu va ma kɔ bagɛ ba kpasɛ Yesu Kristo mɛ,

Romanɛ 16:3

Sɛnɔ Prislla anɛ Akuila, be nu mɛɔhayɛalɛ baxwɛwa nɛ Kristo Yesu mɛ.

Galatianɛ 6:2

Tuku ɔhaglɔ kituku, klɛ nɛ kidzoɛ nɛabha ɔbɔ bhɛtɛ ɔtrɔ Kristo ɔshã nɛabha.

Yakobo 1:25

Pɔ anɔ nɛ gɛ edi ɔshã nɛna nɛm mɔmɔ gɛ ɔmɛna ishuyuyɔ, klɛ avɛ kɛlɛ tɛbhɛbhɛtɛ nɛa bha, pɛ ataa dzɛkɛ kɛgɛ enu, pɔ abhɛtɛ kɛlɛa bha— ba ba yula yɛ nɛ kɛgɛ abhɛtɛ nɛm.