Romanɛ 8:19 - ONUGBÙ NYƐNYÃ VUVƆ

¹⁹ Kanɔ nɛ mɛ kepo nɛ kidzoenu didi gɛganɛ kɔ Kpaya yɛeyialɛ nɛ tɛbubukasɛ.

Romanɛ 8:19 Referans Kwoze

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Romanɛ 8:23

Ganɛ kana tite ko, pɔ bulɔ nahwɛ, nɛ gɛ Ɔfufɔɛ nɛ eyuyu tutɔpu nɛ alɛ lɔ ahwɛ, bu nimi nɛ kɛmɛ flogo pɛ bu dzi po gɛganɛɛ bulɔ tɛyɛyɛkɔ dzi ansɛ beyi, kɔ bulɔ ishuidzya nɛ tɛbubu.

Filipianɛ 1:20

Ɛpɛɛ gɛganɛ klɛ idi kidzoenu sɛ kɛwɔɛ̃ tɛ baku mɛ nɛ kidzonyɛdzo abha, pɔ ɛba za kitekpɛkpɛ abha gelee sɛ tɛ ɔtsɔ̃ nɛɛ anasɛ gɛ Kristo aba nyɛmɛ nɛ mɛ mɛ kibenyɛbe, onu sɛ ɛkpã mɛ ɔdɔgɔsɛ butsi mɛ tsyɛ.

Axwɛwɛwa 3:21

Alasɛ tɛ aza owũsise ɔdɔ nanɔ kibe lɛ gɛ kɛ ba ba kɔ Kpaya sɛ tɛ etsodzini kɛdɔnyɛdɔ ana dzu, ansɛ gɛ aɖɔ elu kuku ganɔ yɛ batɔnu nɛna nɛa bha.

Mateo 5:9

Ba yula beboevu, alasɛ balɛ le be kulu asɛ Kpaya yeyialɛ.

Yohanɛsɛ 1:12

Pɔ kɔ bagɛ balɛ petee gɛ bayɛkɛ yɛ, kɔ bagɛ ba yɛkɛ yɛ nyi nɛa bha ŋa, akɔ alɛ kidzo sɛ tɛ ba be dzi Kpaya yɛeyialɛ—

Romanɛ 8:14

alasɛ bagɛ Kpaya Ɔfufɔɛ nɛ ɔɔgbanɔ be nu Kpaya yeyialɛ.

Romanɛ 8:16

Ɔfufɔɛ nɛ nahwɛ obu ɔɖɔ plɛnɔ bulɔ ɔfufɔɛ nɛ ɔsɛ bu nu Kpaya yɛeyialɛ.

Romanɛ 8:18

Idi lɛ sɛ bulɔ ɔtsɔ̃ nɛ batɔ́ nɛ ama gɛ ba ba yɛkɔ sɔnɔ ishubhuibhui nɛ gɛ be be bu akasɛ nɛ bulɔ mɛ.

Romanɛ 9:26

klɛ, “Kɛba ba kɛlɛ mɛ nɛ ɔkɛlɛ gɛ ba ɖɔɛ lɛ etsrea lɛ, ‘Wɔnɔ no di nu mɛ banɔ,’ be be kulua lɛ asɛ ‘Kpaya gɛ alɛ nɛ ɛkpã yɛeyianyɛalɛ.’ ”

1 Kɔrintioanɛ 1:7

Kɛlɛso ɔfufɔɛmɛ dɔkukɔ kanyakama gɛ kɛma wɔnɔ ahwɛ anasɛ gɛ nɔ po gɛganɛ bulɔ Apalete Yesu Kristo sɛ tɛ be buakasɛ.

1 Kɔrintioanɛ 1:8

Aba kɔ nɔ za gɛganɛ ɔdɔtɔnɔ tɛbibeke mɛ, sɛ tɛ batɛ mɔ kizizi nɛ wunɔ shu anɛ bulɔ Apalete Yesu Kristo tɛbɛba wui nɛabha.

2 Kɔrintioanɛ 6:18

“Ɛba dzi Aka kɔ nɔ, klɛ wunɔ bɔdzi me beyianyɛ nɛ̀ mɛ beyiadzɛ, Apalete Kemielete yɛ ɖɔ.”

Galatianɛ 3:26

Ɛnɔ petee Kpaya ye yialɛ nɔ nu ɔganɔ tɛyɛyɛkɛŋa nɛ Kristo Yesu abha,

Koloseanɛ 3:4

Gɛ Kristo, agɛ enu ɛkpã abe koeyi, kɛlɛ wɔnɔ tsyɛ no bo koeyi nɛ̀ yɛ nɛ tɛbhubhui mɛ.

Hebriuanɛ 12:27

Ebui “buɖɔ trukpo plɛnɔ” kɛwɔɛ̃ kɛ gɛ hwa nɛ tɛbubu—kɛlɛ nu sɛ, kɛ gɛ ba bhɛtɛ— sɛ tɛ kɛgɛ ba tɛ ba hwa nɛ ɔkɛlɛ tɛwuwɔ.

1 Petro 1:7

Anɛ na ba sɛ tɛ wũnɔ tɛyɛyɛkɛŋa—kɛŋaɛdzi gbɛgbladɛ kɔba dzɛdzã, gɛ etsi nɛlɛmɛ sɛ ba yɛ kɔ kifu eŋuse lɛ nɔ—gɛ kɛbakasɛ sɛ kɛnu kɛdzyɔgo klɛ kɛbakɔ tɛkpɛkpɛabha, samɛ kpɛkpɛ anɛ tɛfifeke kabhakpɛkpɛ kɛbelɛlɛ gɛ Yesu Kristo aba ba.

1 Petro 1:13

Kɛlɛso nɔ kpɛ kɛtɔkpu mɛ kɔ tɛbhɛbhɛtɛ, nɔ nyɛna shu, nɔ za kidzodidi abha mɔmɔ kɔ kɛdɔkukɔ kɔ tɛ ba kɔ nɔ kibelɛlɛ nɛ gɛ be be bu Yesu Kristo akasɛ.

1 Yohanɛsɛ 3:1

Kɛlɛ Aka nɛ tɛdɛdɛmɛnɔ nɛ anɔ etri gɛ ayɛkɔ akɔ lɔ, sɛ tɛ be klu lɔ asɛ Kpaya ye yialɛ! Klɛ kɛlɛ kɔ sɛ bu nu yɛ ayɛ! Kibui nɛ so gɛ kanɔ nɛ tinyi lɔ kɛlɛ nu sɛ ke tɛ nyi yɛ.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.