Romanɛ 8:17 - ONUGBÙ NYƐNYÃ VUVƆ

¹⁷ Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Romanɛ 8:17 Referans Kwoze

Galatianɛ 4:7

Kɛlɛso ɔtɛkonu anɔdzidzi, pɔ eyi, klɛ ɔtsɔ̃nɛ gɛ odzi eyianyɛ, Kpaya abhɛtɛ wɔ tsyɛ yɛ kededɔ aŋɛŋa.

Galatianɛ 3:29

Onugɛ onu Kristo ayɛ, kɛlalɛ onu Abraham eshui, nɛ bagɛ ba baŋa yɛ ɔzakɔ nɛ kɛ tɛtrɔlu nɛ shu.

Efesoanɛ 3:6

Kibui kpukpuinɛ kɛlɛ nu sɛ ganɔ kibui dzyɔgoe nɛ mɛ ba gɛ be di nu Yuɖanɛ tsyɛ ba baŋa kidedɔ nɛ̀ Izraɛlanɛ, ɔhamanɛ xuxogo tirikpo, klɛ bɛ xogonɛ ishuidzya nɛ mɛ ayɛkɛ kɛ gɛ aɖɔlu nɛ Kristo Yesu mɛ.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

Titusɛ 3:7

sɛ tɛ, yɛ ɛyamyuyɔ nɛ tɛ dzyɔ lɔ, bu ba dzi beyi gɛ kidzoenudidi lɛ bulɔ ahwɛ anɛ ɛkpã mabeke mabeke mɛ.

Hebriuanɛ 6:17

Alasɛ Kpaya apɛɛ asɛ tɛ eti tsyina yɛ bunuwã kpɛkpɛ kɛlɛso atanɛ dɔ ayɛkɔ atrɔ kɛklãgbu nɛ lɛabha.

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

2 Kɔrintioanɛ 1:7

Klɛ bulɔ kidzoenudidi kɔ nɔ kɛ lɛ gɛganɛ, alasɛ bu nyi sɛ anasɛ gɛ nɔ yɛkɔ ebui nɛ bulɔ butɔ nɛ mɛ, kanakɛ nɔ yɛkɔ ebui nɛ bulɔ ɛyamyuyɔ nɛ mɛ.

Romanɛ 5:17

Alasɛ onu, ganɔ anɔ terikpo buzizia bha, butsi ŋɛabha ganɔ anɔ terikpoa lɛlɛ nɛa bha, kɛlɛ kɛ taa za dɛ sɛ bagɛ ba yɛkɛ Kpaya eshutukubui didi gelee anɛ tɛnɛna kɛdɔkukɔ taa ŋɛa bha nɛ ɛkpã mɛ ganɔ anɔ terikpoa lɛlɛ, gɛ enu Yesu Kristoa bha.

Hebriuanɛ 1:14

Kpayaxwɛdɛ ganɛ bukpɛ la kpɛ alɛ sɛ tɛ ba dɛ axwɛ nɛ ɔfufɔɛ kɔ bagɛ ba ba mɔ tɛyɛyɛkɛ kɔ?

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Mateo 16:24

Ɔkɛlɛ Yesu etsre yɛ badɔkpasɛ nɛ asɛ, “Onu gɛ anɔ teli asɛ aba za mɛe de, alasɛ tɛ ashɛ̃nahwɛ yɛshu nɛ shu tɛ ayɛkɔ yɛ butsiosi (atitsoga) tɛ aza mɛe de.

1 Kɔrintioanɛ 2:9

Pɔ, anasɛ gɛ ba ŋlɔmɛ lu: “Kɛwɔ̃hu kanyaka dɛ mɔ, batɔ kanyaka dɛ nu, kɛdɛ ba anɔnyanɔ kɛtɔkpui mɛ kɛ gɛ Kpaya abhɛtɛ elu kɔ ba gɛ ba dɛmɛnɔ nɛ yɛ”—

Romanɛ 8:3

Alasɛ kɛdɔnɔ nɛ gɛ ɔshã nɛ ɔdɛ mɔ kemi pɛ lɔ na bhɛtɛ akpɛasɛ buzizi tɛzɛzam zi dɔ nɛ ɔlɛ shu so, Kpaya xũ nɛ abhɛtɛ kɛlɛ ganɔ yɛnahwɛ Yɛeyi nɛ gɛ akpɛ asɛsɛ ansɛ anɔ zizi gɛ ba yɛkɔ akɔ nɛ buzizi kɛtɔkpu. Klɛ so ebu buzizi kɛpɔ nɛ anɔ gɛ abhɛtɛ buzizi mɛ,

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Mateo 25:21

Yɛ apalete nɛ asɛ, ‘Wɔ naa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋa mɛ nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Luka 24:26

Kɛma sɛ tɛ, Kristo amɔ ebuianɛ petee butɔ, klɛ tɛ etsoku yɛ kabhakpɛkpɛ nɛ mɛ?”

Axwɛwɛwa 26:18

sɛ tɛ ɔdɔ danɛ balɛ awɔ̃hũ tɛ otsyina lɛ odenɔ otumum ɔkɔ vɛnɔ kelidɛdanɛ mɛ, anɛ denɔ Satana kemi mɛ ɔvɛnɔ Kpaya ɔkɔ, sɛ tɛ ba yɛkɛ buzizi tɛyɛyɛkɔ tsye nɛ ɔzakɔ mumɔ nɛ bagɛ balɛ shu la tɛ danɛ nɛ shi ganɔ tɛyɛyɛkɛŋa nɛ mɛmɛ.’

2 Kɔrintioanɛ 1:5

Alasɛ anasɛ gɛ Kristo butɔ nɛ kpɛ ku bulɔ ɛkpã mɛ, kanake ganɔ Kristo abha bulɔ ɛyamyuyɔ yukugbɛgba.

Filipianɛ 3:10

Ɛpɛɛ sɛ tɛ iti Kristo anɛ̀ yɛ tɛnyɛnyɛmɛ kemi anɛ ketsukpɛkpɛ nɛ yɛ butɔ nɛm tɛmɛma, idzi ansɛ yɛ nɛ butsi mɛ, anɛ terikpo bhɛbhɛtɛ anɛ yɛ butɔ yɛyɛkɛ, kɛbadzi anasɛ yɛ anɛ́ yɛ butsi mɛ,

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Hebriuanɛ 1:2

pɔ nɛ ewui gugɔɛa nɛ mɛ aɖɔaɖɔ aganɔ yɛ Yi nɛabha kɔ lɔ, gɛ yɛ eklu akɔ kɛdɔnyɛdɔ, nɛ yɛabha aga gɛ abhɛtɛ kanɔ.