Romanɛ 8:15 - ONUGBÙ NYƐNYÃ VUVƆ

¹⁵ Alasɛ nɔ dɔɔ flɔ yɛkɛ ɔfufɔɛ nɛ gɛ ɔbhɛtɛ nɔ anɔdzidzi kɔ kifusisi, pɔ nɔ yɛkɛ eyidzidzi Ɔfufɔɛ. Klɛ ganɔ yɛa bha bu kpɛ ogugu sɛ, “Abba, Aka.”

Romanɛ 8:15 Referans Kwoze

2 Timotio 1:7

Alasɛ Kpaya adɛ kɔ lɔ kifusisi ɔfufɔɛ, pɔ kemi ɔfufɔɛ, tɛɖuɖɔ anɛ ishuabhaŋɛŋa.

1 Kɔrintioanɛ 2:12

Bu kayɛkɛ kanɔ nɛ mɛ ɔfufɔɛ pɔ Ɔfufɔɛ nɛ gɛ lo de Kpaya ɔkɔ, sɛ tɛ bu nu kɛgɛ Kpaya atɛ yɛkɔ kɔ lɔ fãa.

Romanɛ 8:16

Ɔfufɔɛ nɛ nahwɛ obu ɔɖɔ plɛnɔ bulɔ ɔfufɔɛ nɛ ɔsɛ bu nu Kpaya yɛeyialɛ.

Hebriuanɛ 2:15

klɛ aba shɛnahwɛ bagɛ nu bedzidzi anɛ balɛ ɛkpã petee shu denɔ balɛ kifusisi kɔ butsi.

Efesoanɛ 1:5

eti klu lɔ sɛ bu nu anasɛ yɛ beyi ganɔ Yeesu Kristo abha nɛ yɛ tɛpɛpɛɛ nɛ́ yɛnahwɛ shui mɛ—

1 Yohanɛsɛ 4:18

Kifusisi ma tɛdɛdɛmɛnɔ mɛ. Pɔ tɛdɛdɛmɛnɔ dzyɔgo kɛ kɛka kifusisi ebu, alasɛ kifusisi lɛ nɛ batɔ tɛtɛta. Agɛ esifu tɛdɛdɛmɛnɔ dzyɔgo ma yɛ mɛ.

Marko 14:36

Yesu asɛ, “Aba, Aka,” “kibuinyɛbui lɛ bubɔɛbɔɛ kɔ wɔ. Tsunɔ butɔ katsea nɛ mɛ nu. Pɔ anɛ kɛgɛ mɛ ɛpɛɛ, pɔ kɛgɛ wɔ ɔdɛmɛ.”

Romanɛ 8:23

Ganɛ kana tite ko, pɔ bulɔ nahwɛ, nɛ gɛ Ɔfufɔɛ nɛ eyuyu tutɔpu nɛ alɛ lɔ ahwɛ, bu nimi nɛ kɛmɛ flogo pɛ bu dzi po gɛganɛɛ bulɔ tɛyɛyɛkɔ dzi ansɛ beyi, kɔ bulɔ ishuidzya nɛ tɛbubu.

Luka 11:2

Aɖɔ tsre alɛ sɛ, “Onugɛ oklukpaya, ɖɔsɛ: “ ‘Aka, wɔe nyi mɛ bhui, wɔ bukusi ɔŋakɔ nɛ ɔba.

Yohanɛsɛ 20:17

Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Luka 22:42

“ Aka, onugɛ wɔ ɔpɛɛ, tsɛ kantsea nɛ mɛa bha; anɛ mɛ tɛpɛpɛɛ, pɔ wɔɛ yɛ abha bu ba bhɛtɛ trɔ.”

Yohanɛsɛ 16:8

Kibenɔ nɛ gɛ aba, abe bu kanɔ nɛ kɛpɔ nɛ buzizi, kɛdzyɔgo bhɛbhɛtɛ nɛ́ kɛbhui kuklu:

Axwɛwɛwa 16:29

Agɛ akpɛa lɛ buvu nɛ kulu asɛ ba kɔ yɛ kifu, klɛ esi ede tu klɛ ada wɔlɛ adɔ nɛ Paolo anɛ Silas otugba nɛ tɛ shushuku gbagbagbam.

Axwɛwɛwa 2:37

Gɛ banɔ nɛ nu kibui nɛɛ, kibhui balɛ kite mɛ ohui klɛ baa ɖɔ tsre Petro anɛ Banɔkpɛkpɛ gɔgɔɛ nɛ asɛ, “Badzya mɔ, kide lɔ ba bhɛtɛ?”

Luka 8:37

Nɛkɛlɛ banɔ petee gɛ be de Gɛrasɛnisɛ ɛbha nɛ bisi Yesu asɛ ashɛ̃ nɛ balɛ ɔbha, alasɛ kifu ba tenɔ balɛ ku. So etsoku keniabha opupu nɛ mɛ klɛ ashɛ̃.

Luka 8:28

Gɛ anɔ namɔ Yesu, akpɛ ogugu klɛ awɔlɛ adɔ Yesu otugba nɛ yɛ ɛtsrɛ nɛ shu, klɛ akpɛ ogugu gɛganɛ asɛ, “Kibui ɖuweɖu kɛlɛ lɛ bɔnɛ wɔɛ shi, Yesu, owũsise Ɖɛɖama Kpaya yɛ Yi? Ɛkpɛ kɛtɔkpuesi kɔ yɔ, tɛbhɛtɛ mɛ kizizi nyɛzizi!”

Yakobo 2:19

Nɔ yɛkɛ ɔŋa sɛ Kpaya terikpo yɛ alɛ. Abɔ! Ɛfufɔɛkpã nɛ tsyɛ yɛkɛ ŋa na— klɛ lɛ shuku nɛ kifu.

Romanɛ 8:26

Kidzoe lɛ nɛa bha ke, Ɔfufɔɛ nɛ ɔga pɛ lɔ plɛnɔ lɔ nɛ kibe lɛ gɛ budɛ gɛganɛ nɛm. Bu ti nyi kɛdɔnɔ nɛ gɛ kɛlɛ alasɛ bu kulukpaya kɔ, pɔ Ɔfufɔɛ nɛ nahwɛ ovuibue nɛ lɔ nu nɛ tininimi nɛ gɛ atɔnu tɛ ba naa bu kasɛ.

Romanɛ 9:4

gɛ be nu Izraɛlanɛ. Balɛ yɛ kɛlɛ nu sɛ tɛ bayɛkɛ balɛ ansɛ beyi, balɛ yɛ kɛlɛ nu ɔfufɔɛ mɛ ishubhubhui, inugbunyɛnya, ɔshã anɛ tɛyɛyɛkɛ, busɔlɛvu mɛ tɛsusɔlɛ nɛ tɛtutrɔ.

2 Kɔrintioanɛ 11:4

Alasɛ onugɛ anɔteli aba wunɔ kɔ klɛ aba ɖɔaɖɔ denɔ Yesu teli shu ɔyɛkɔ dɛ Yesu nɛ gɛ yɛ shuibui lɔ ɖɔ, ɔdɔgɔsɛ onugɛ nɔ yɛkɛ ɔfufɔɛ bhlatɔ toli ɔyɛkɔ dɛ ɔgɛ ɔlɛ nɔ yɛkɛ, ɔdɔgɔsɛ kibui dzyɔgo bhlatɔ gɛ ga ɔtɔ nɛ kɛgɛ nɔ yɛkɛ nɛ shu, wɔnɔ nɔ yɛkɔɛ lɛ bhɔnɔ mɔmɔ.

Galatianɛ 2:4

Kibui nɛ kɛ koeyi alasɛ itro badzya teli ba shɔku bulɔɛ shi sɛ tɛ be zuru ebui kpukpu nɛ ishuahwɛ zɛza gɛ bu lɛ nɛ Yesu Kristo nɛ tɛ babhɛtɛ lɔ banɔdzidzi.

Galatianɛ 5:1

Ishuahwɛzɛza so gɛ Kristo ebe bhulɔayɛkɛ. Nɔ za ishu mɛ gɛganɛ, nɛ kɛlɛede, klɛ nɔ tɔ kɔ sɛ ba fla ba trɔ nɔ anɔdzidzi ɔkpakasi kituku.

Mateo 25:25

Kɛlɛ so isi wɔɛ fu klɛ mɛ ɛyɛkɔ ehoeyi nɛ gɛ ɔkɔm nɛ da tsu ozi pɛ ɛyɛkɔ kpɛ. Di, kɛ gɛ nu wɔɛyɛ nɛ nɛɛ.’