Romanɛ 7:5 - ONUGBÙ NYƐNYÃ VUVƆ

⁵ Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi.

Romanɛ 7:5 Referans Kwoze

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Galatianɛ 5:24

Bagɛ benu Kristo Yesu ayɛ ba tɛ kpla buzizi ɛkpã nɛ asɔ nɛ ɛlɛ tɛpɛpɛɛ.

Galatianɛ 3:10

Banɔ petee gɛ ba nyɛna ɔshã nɛ mɛ evunɔ ba kpasɛ kibuiɖɛɖɔ kpɛ anɔesi, alasɛ ba ŋlɔmɛ elu asɛ: “Baɖɔɛ buikpɛ anɔnyanɔ gɛ ata bhɛtɛ ebui petee gɛ ba ŋlɔmɛ akpɛ Ɔshã Keplukpa nɛ mɛ.”

Romanɛ 6:13

Nɔ tɛ yɛkɔ wɔnɔ ishu nɛ bupɛ nɛ ɔkɔ buzizi, ansɛ kɛtɔkpum gɛganɛ kɛxwɛwadɔ, pɔ nɔ yɛkɔ wɔnɔ ishu ɔkɔ Kpaya, ansɛ banɔ gɛ be bu edenɔ butsi mɛ amɛna ɛkpãm, tɛ nɔ yɛkɔ wɔnɔ ishu nɛ bupɛ ɔkɔ yɛ ansɛ tɛnɛnamɛzɛza kɛxwɛwadɔ.

Romanɛ 6:21

Kide nɔ mɔ denɔ ebui nɛ gɛ alɛ eku wɔnɔ kɛwɛ̃ nɛ ɔtsɔ̃ nɛ mɛ? Ebuia lɛlɛ alɛ ebe dzi butsi!

1 Yohanɛsɛ 3:4

Anɔnyanɔ gɛ abhɛtɛ kibuikpã, ada ɔshã abha, kɛgbɛagba, kibuikpã nu ɔshɛ̃abhadɛda.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

1 Kɔrintioanɛ 15:56

Butsi ɔtato nɛ nu kizizi, klɛ bupu kɔ kizizi nu ɔshã.

Yakobo 4:1

Kide gɛ mɛna ekpli anɛ ebla pɛpɛɛ nɛ wɔnɔɛ shi? Ganɛ wɔnɔ kɛdɔpɛpɛɛ nɛ gɛ ta keyu nɛ wɔnɔ mɛ nɛ kii de?

Yakobo 1:15

Klɛ, nɛ kɛlɛede pɛ tɛpɛpɛɛ ba munɔ ɛya nɛɛ, kɛɛ mɔ buzizi, klɛ buzizi, onu gɛ bushe mɔmɔ, buu mɔ butsi.

Titusɛ 3:3

Nɛ kibe tili mɛ, bulɔ tsyɛ bu tɛ dɔ gã, bu dɛ taa tɔ, ba wɛɛ lɔ klɛ la bhɛtɛ lɔ banɔdzidzi ganɔ tɛpɛpɛɛ kanyaka di mɛ anɛ ba same mumɔm. Bu za nɛ atɔkpumkpã anɛ kawɔ̃kpɛ, ba dɛ pɛɛ bulɔɛ bui klɛ bulɔ tsyɛ dɛ pɛɛ ɔhayɛ bui.

Efesoanɛ 2:11

Kɛlɛso, baka sɛ kibelɛlɛ wɔnɔ agɛ bamɔnɔ gɛ bedinu Yuɖanɛ klɛ be klu sɛ “bunyɛnyɛ mabhuimabhui” Yuɖanɛ beklu balɛnahwɛ asɛ “bunyɛnyɛ bhubhui” (kɛlɛ la bebhui ishuidzya nɛ ahwɛ)—

Romanɛ 7:23

pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Romanɛ 6:19

Ɛɖɔ kibui nɛ anɔdzyrame dzoenu alasɛ nɔ ma kemi nɛ wɔnɔ nahwɛshum. Anasɛ gɛ nɔɔ yɛkɔ wɔnɔ shu bupɛ nɛ ɔkpɛ anɔdzidzi mɛ ɔkɔ bumabhui mabhui klɛ tɛ no zo wunɔ kɛtɔkpum gɛganɛa bha, so ɔtsɔ̃ nɔ yɛkɔ ɛlɛ ɔkpɛ anɔdzidzi mɛ ɔkɔ tɛnɛnamɛzɛza kɔ ishubhubhui.

Romanɛ 5:20

Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na,

Romanɛ 4:15

alasɛ ɔshã lɔɔ mɛna obulo. Klɛ ɔkɛlɛ gɛ ɔshã ɔɔma ɔshɛ̀abha dɛda ɔma.

Romanɛ 3:20

Kɛlɛso beti be bu anɔnyanɔ aɖɔ asɛ ana nɛ yɛ amɛ sɛ abhɛtɛ ɔshã nɛa bha so, pɔ, ganɔ ɔshã nɛ mɛ klɛ bu ti bulɔ buzizi.

Romanɛ 1:26

Kɛɛnɛ nɛ shu so, Kpaya ashɛnahwɛ balɛ shu akɔ ishuidzyam awɛ̃bui bhɛbhɛtɛ. Balɛ badzɛ nɛ tsyina balɛ tɛgɛga nɛ anɔnyɛ nɛ gɛ de ɔdzyɔkɔ mɛ klɛ la da bhɛtɛ agɛ edi de ɔdzyɔkɔ.

Yohanɛsɛ 3:6

Ishuidzya mɔ ishuidzya, pɔ Ɔfufɔɛ mɔ ɔfufɔɛ.

Mateo 15:19

Alasɛ idzyi nɛ mɛ atɔkpum kpã, gɛ enu anɔyiyi, aglɔbui, azhuzhɔlɛbui, buzi, otro ebuimɔɖɔ, anɔshuzizi ede.

2 Kɔrintioanɛ 10:3

Alasɛ kɛlɛlɛmɛ sɛ bu lɛ nɛ kanɔ nɛ mɛ, bu dɛ bu keyu anasɛ gɛ kanɔ nɛ abhɛtɛ.