Romanɛ 7:15 - ONUGBÙ NYƐNYÃ VUVƆ

¹⁵ Ɛtɛ nu kɛgɛ ɛbhɛtɛ nɛesi. Alasɛ kɛgɛ ɛpɛɛ sɛ tɛ ɛbhɛtɛ ɛtɛɛ bhɛtɛ, pɔ kɛgɛ edɛ pɛɛ kɛlɛ mɛ ɛbhɛtɛ.

Romanɛ 7:15 Referans Kwoze

Galatianɛ 5:17

Alasɛ anɔdzyrame tɛzɛzamɛ ebui kpã pɛpɛɛ la lɔ kititi nɛ Ɔfufɔɛ nɛ shu, klɛ Ɔfufɔɛ mɛ yɛ na lɔ kititi nɛ tɛzɛza ebui kpã nɛ shu. La lɔɛtiti nɛ agblɔ shu, so tɛ nɔ tɛ bhɛtɛ kɛgɛ ɔpɛɛ sɛ tɛ ɔbhɛtɛ.

Yakobo 3:2

Bulɔ petee bu kpatanɔ kɛdɔ nɛ edzo geleea bha. Onu gɛ anɔnyanɔ aka bhɛtɛ kito nɛ yɛ kibui nɛ gɛ aɖɔ nɛ mɛɛ, enu anɔ gɛ ana, aba na yɛ ishu nɛ peteea bha di.

Romanɛ 12:9

Tɛɖuɖɔ́ alasɛ tɛ kɛtsa. Tɛ dɛmɛ kɛdɔnɔ nɛ gɛ mɛtã; nyɛna kɛgɛ bɔ nɛm ovunɔ.

Yuɖa 1:23

wũlankɛ banɔ bhlatɔ obu nɛ kifu nɛ mɛ tɛ ɔyɛkɛ kɔ alɛ; kɔ babhlatɔ nɛɛ di alɛ eshutukubui, gɛ be yuku nɛ kifu—ba dɛ pɛɛ apɔtɛ nɛ gɛ eyuku nɛ kibo ganɔ ishuidzya zizi mɛ.

Romanɛ 14:22

So, kɛdɔnyɛdɔɛ dia bha gɛ ɔyɛkɛ ɔŋa nɛ ebuia nɛ shu nɔ nyɛna kɛlɛ ovunɔ nɛ aglɔɛshi anɛ Kpaya. Ba yula anɔ nɛ gɛ eti bu ishuipɔ ganɔ kɛgɛ kɛlɛa bha atrɔ ahwɛ.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Hebriuanɛ 1:9

Ɔdɛmɛ kɛdɔ dzyɔgo bhɛbhɛtɛ klɛ ɔdɛpɛɛ kɛtɔkpu mɛ gɛganɛ, kɛlɛso Kpaya, wɔnɔ Kpaya, akɔ nɔ nɛ otugba same dɛ anɛ bubɔ sɛsra ɛnɔabha nɛ same mɛ,”

Romanɛ 7:16

Klɛ onu gɛ ɛbhɛtɛ kɛgɛ ɛtɛɛ pɛɛ sɛ tɛ ɛbhɛtɛ, ɛdɛmɛ sɛ ɔshã nɛ ɔbɔ.

Luka 11:48

Kɛlɛso nɔ mɔɖɔ kasɛ sɛ nɔ trɔ ahwɛ nɛ kɛ gɛ wunɔ bakashishe alɛ babhɛtɛ nɛabha, be yi batɔnu, klɛ nɔ kpɛ balɛ idzre.

Yohanɛsɛ 15:15

Ɛtɛa klu nɔ sɛ axwɛdɛ, alasɛ axwɛdɛ eti nyi yɛ apalete nɛ kɛxwɛwɛwa. Nɛ kɛlɛ ɔzakɔ, iklu nɔ sɛ ɛbhɛya, alasɛ kibuinyɛbui gɛ ɛkpasɛ denɔ mɛ Aka nɔ kɔ ɛkɔ nɔ ti.