Romanɛ 6:22 - ONUGBÙ NYƐNYÃ VUVƆ

²² Pɔ ɔtsɔ̃ nɛ gɛ be ti bule nɔ edenɔ buzizi mɛ, klɛ no dzi banɔdzidzi kɔ Kpaya, kɛ gɛ nɔ bɔ mɔ denɔ kɛlɛ mɛ nɛ ba kpɛ nɔ nɛ ishubhubhui mɛ, klɛ kɛ gɛ ba de koeyi nɛ kɛlɛ mɛ nɛ nu ɛkpã mabeke mabeke.

Romanɛ 6:22 Referans Kwoze

1 Petro 2:16

Nɔ za anasɛ banɔ gɛ balɛ ɛshuahwɛ, pɔ nɔ tɛ yɛkɔ ishuahwɛzɛza kɔ kidzo kɔ kizizi, nɔ za anasɛ Kpaya baxwɛdɛ.

Romanɛ 6:18

Be bule wɔnɔ nɛ buzizi mɛ, klɛ no dzi banɔdzidzi kɔ tɛnɛnamɛzɛza.

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Yohanɛsɛ 8:32

Ɔkɛlɛ nɔ bɔ ti gbɛagba, gɛ kibui gbɛagba ba bhui nɔ yɛkɛ.”

Galatianɛ 5:13

Wɔnɔ, madzyalɛ, be klu sɛ tɛ nɔ za ishuahwɛ. Pɔ nɔ tɛ yɛkɔ wɔnɔ shu ahwɛzɛza ɔzɔ bhɛtɛ ebuizizi, kɛlɛ ɔzakɔ nɔ dɛ axwɛ kɔ ɔhaglɔɛ nɛ tɛdɛdɛmɛ nɛ anɔ.

1 Kɔrintioanɛ 7:22

Alasɛ anɔ nɛ gɛ edzi anɔdzidzi kibelɛ nɛ gɛ Apalete nɛ eklu yɛ enu Apalete anɔ gɛ kibunyɛbui dɛ nyɛna yɛ; kanake, anɔ nɛ gɛ alɛ ishuahwɛ flogo gɛ be klu yɛ enu Kristo anɔdzidzi.

1 Petro 1:9

alasɛ nɔ yɛkɛ wũnɔ tɛyɛyɛkɛŋa bhɛ, wũnɔ atɔwui tɛbhubhuiyɛkɛ.

Galatianɛ 1:10

Ɔtsɔ̃nɛ ɛwlãnkɛ sɛ ɛmɔ ahwɛ tɛtrɔ denɔ banɔ kɔ pɛnɔ Kpaya kɔ? Pɛnɔ ɛwlãkɛ sɛ tɛ ɛku banɔ awɔ̃? Onugɛ ɛka wlãnkɛ sɛ tɛ ɛku banɔ awɔ̃, ɛtɛba dzi Kristo axwɛwa.

Romanɛ 6:14

Alasɛ buzizi tɛ ba dzi wɔnɔ apalete, alasɛ wɔnɔ nɔ ma ɔshãesi, pɔ eshutukubui didi esi nɔ kpasɛ.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Romanɛ 7:4

So, madzyalɛ mɔ, wɔnɔ tsyɛ no tsi kɔ ɔshã ganɔ Kristo ishuidzya mɛ, sɛ tɛ no bo dzi anɔbhlatɔa yɛ, gɛ yɛ la nyɛmɛ ebu nɛ bekpum, sɛ tɛ bu ba yu eyuyu kɔ Kpaya.

Romanɛ 6:21

Kide nɔ mɔ denɔ ebui nɛ gɛ alɛ eku wɔnɔ kɛwɛ̃ nɛ ɔtsɔ̃ nɛ mɛ? Ebuia lɛlɛ alɛ ebe dzi butsi!

Mateo 25:46

“Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”

Titusɛ 1:1

Paolo, Kpaya axwɛdɛ anɛ Yesu Kristo anɔkpɛkpɛ kɔ Kpaya tɛyɛyɛkɛŋa gɛ be bu nɛ kɛgba anɛ kibuititi nɛ gɛ kɛɛ gbanɔ anɔ vɛnɔ kpayazɛza mɛ,

Koloseanɛ 1:10

Klɛ bu klukpaya sɛ tɛ nɔ za nɛ ɛkpã nɛ Apalete tɛpɛpɛɛ klɛ tɛ kiku yɛ awɔ̃ nɛ́ kidzonyɛdzo abha, tɛ kɛmɛna tɛyuyu anɛ kɛxwɛwɛwa dzyɔgo, tɛ bu zɛ she nɛ́ Kpaya kibui titi mɛ,

Filipianɛ 4:17

Ganɛ sɛ ɛpɛɛ kɛdɔkukɔ, pɔ idi kɛdɔnɔ nɛ gɛ ba ba yɛkɔ ata kɔ wɔ.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Efesoanɛ 5:9

(alasɛ eyuyu yɛ kifu kɛnu kɛdzyɔgo bhɛbhɛtɛ, ɛkpãdzyɔgo zɛza anɛ̀ kɛgbɛagba)

2 Kɔrintioanɛ 3:17

Ɔtsɔnɛ Apalete yɛ nu Ɔfufɔɛ, klɛ ɔkɛlɛ gɛ Apalete Ɔfufɔɛ nɛ ɔlɛ, ɔkɛlɛ ishuahwɛ zɛza lɛ.

Romanɛ 7:25

Ahwɛhuhu kɔ Kpaya ganɔ Yesu Kristo bulɔ Apalete nɛa bha! Kɛlɛso, mɛ nahwɛ nɛ mɛ kɛtɔkpu mɛ inu anɔdzidzi kɔ Kpaya ɔshã, pɔ nɛ buzizi tɛzɛza mɛ inu anɔdzidzi kɔ buzizi ɔshã.

Yohanɛsɛ 15:16

Anɛ́ wunɔ klu mɛ, pɔ mɛ klu nɔ klɛ ebu nɔ sɛ nɔ vɛ klɛ tɛ nɔ yu eyuyu—eyuyu gɛ la ba za vɛnɔ. Kɛlɛ Aka aba kɔ nɔ kɛdɔnyɛdɔ gɛ nɔ bisi nɛ mɛ nyi mɛ.

Yohanɛsɛ 15:2

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

Yohanɛsɛ 4:36

Ɔtsɔnɛ kuratsyɛ agɛ ebebuidɔ atɛ yɛkɛ yɛ bhɛ, eti xogo yɛ dɔ kɔ ɛkpã mabekemabeke, sɛ tɛ ayadɛ nɛ̀ be bubu ba ba mɔ same tsu.

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 13:43

Klɛ badzyɔgo nɛ ba ba tã ansɛ kiwi nɛ balɛ Aka nɛ bukusiɔŋakɔ. Anɔɔ nɛ gɛ batɔ alɛ yɛ, tɛ enu.

Mateo 13:40

“Kana gɛ ba kpa tɛwa pɛ ba pɔɛ lɛ nɛ kifu mɛ, kana kɛ ba za nɛ kanɔ nɛ obekekɔ.

Tɛbubukasɛ 7:13

Ɔkɛlɛ eshishe nɛ teli ebisi mɛ asɛ, “Banɔa nɛ bawidzidze fufu nɛ mɛ—baane le nu, klɛ fakɔ le de?”

Yakobo 1:1

Mɛ Yakobo, Kpaya nɛ Apalete Yesu Kristo axwɛdɛ, Kɔ amadi lɔfɔntabha nɛ amadi nɛshi: Ɛsɛnɛ nɔ.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.