Romanɛ 6:21 - ONUGBÙ NYƐNYÃ VUVƆ

²¹ Kide nɔ mɔ denɔ ebui nɛ gɛ alɛ eku wɔnɔ kɛwɛ̃ nɛ ɔtsɔ̃ nɛ mɛ? Ebuia lɛlɛ alɛ ebe dzi butsi!

Romanɛ 6:21 Referans Kwoze

Romanɛ 1:32

Kɛnya lɛ kɛlɛm sɛ be nyi Kpaya tɛzɛzam dzyɔgo ɔshã na sɛ, bagɛ balɛ abhɛtɛ ebuia lɛlɛ nɛɛ di na lɛ kɔ butsi, ganɛ sɛ be tsri alɛa bha bhɛbhɛtɛ ko, pɔ ba trɔahwɛ banɔ nɛ gɛ ba bhɛtɛ alɛ nɛ tsyɛa bha.

Romanɛ 7:5

Alasɛ nɛ kibe lɛ nɛ gɛ buzizi tɛzɛzam ŋa bulɔa bha, buzizi mɛ ɛdzyɛ nɛ gɛ ɔshã nɛ obuyinɔ nɛ wa kɛxwɛ nɛ bulɔ ishuidzyam, gɛ kɛkɔ sɛ bu yu eyuyu kɔ butsi.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

Hebriuanɛ 6:8

Pɔ kesukpa nɔ nɛ gɛ ke yi ewui nɛ ɔsɔ tɛwa kama kibuinyɛbui mɛ klɛ kizizi gugɔɛ nɛ nu sɛ baɖɔɛbui akpɛ alɛ. Kɛgɔgɔɛ kɛlɛ nu sɛ ba shɔa lɛ kifu.

Romanɛ 8:13

Alasɛ onu gɛ nɔɔ lɛ nɛ buzizi ɛkpã nɛ nu, no bo tsi, pɔ onu gɛ nɛ Ɔfufɔɛ nɛ nu kɛlɛ alɛ nɔ bɔ yɛkɔ ishuidzyam ebuikpã nɛ ɔkɔ butsi, nɔ bɔ za nɛ ɛkpã,

Romanɛ 8:6

Anɔ gɛ abhɛtɛ buzizi nɛ tɔkpu mɛ nu butsi, pɔ kɛtɔkpu nɔɔ nɛm gɛ Ɔfufɔɛ ɔlɛ ɔŋa kɛlɛa bha nɛ nu ɛkpã nɛ ishuyuyɔ,

Tɛbubukasɛ 20:14

Ɔkɛlɛ ba yɛkɔ butsi nɛ Bekpum atɛa kpɛ kifu kɛvɔ nɛ mɛ. Kifuivɔ nɛ kɛlɛ nu butsi bhla.

Tɛbubukasɛ 16:6

alasɛ ba tɛ balɛ wɔ banɔnɛna anɛ batɔnu nɛ dzyosue si, klɛ ɔtɛ kɔa lɛ dzyosu la wɛ̃ ansɛ gɛ be bisi.”

1 Petro 4:17

Alasɛ kibe na kɔ kebhuikuklu tɛ kakpɛesi nɛ Kpaya yɛ beshopo nɛabha, klɛ onugɛ kɛkpɛesi nɛ́ bulɔ abha, kide lɛ ba dzi kɔ ba gɛ ba dɛ tatɔ nɛ̀ Kpaya kibui dzyɔgo?

Yakobo 5:20

nɔ baka kibui nɔ sɛ: Anɔyanɔɛdi gɛ ebe tsyina anɔ ashɛnɔ nɛ yɛ buzizi kidzoa bha nɛɛ ebe bu yɛ nɛ butsi mɛ klɛ aba da buzizi gelee dɔ.

Yakobo 1:15

Klɛ, nɛ kɛlɛede pɛ tɛpɛpɛɛ ba munɔ ɛya nɛɛ, kɛɛ mɔ buzizi, klɛ buzizi, onu gɛ bushe mɔmɔ, buu mɔ butsi.

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?

2 Kɔrintioanɛ 7:11

Nɔ di kana gɛ kpayamɛ obulo mɛna nɛ wunɔɛ mɛ, Kide awɔ̃lulu, kide dɔ bhɛbhɛtɛ kɛlɛ ba xule wunɔnahwɛ shu, kide oblo mumɔ, kide kifu sisi, kide mɛ mɔ, kide kɛlɛ mɛnɛ wɔ, kide tɛ bɛbala sɛ tɛ ba kɔ kibuimɛ tɛbhubhui. Nɛ kidzonyɛdzo abha nɔ kasɛ wunɔshu sɛ nɔ tinyi kibuinyɛbui nɛ kibui nɛ shu.

Filipianɛ 3:19

Balɛ tɛyɛyɛkɛ mɛna nu kɛdɔzizi, balɛ kpaya ye nu balɛ evu, klɛ balɛ ishubhubhui nɛ nu kɛwɔɛ̃. Balɛ atɔkpu nɛm alɛ kesukpɛa bha dɔ nɛ shu.

Romanɛ 5:12

Kɛlɛso, ansɛ gɛ buzizi tsoku kanɔ nɛ mɛ ganɔ anɔ terikpoa bha, klɛ butsi ba ganɔ buzizi mɛ, klɛ ganɔ kidzoe nɛa bha pɛ butsi ba kɔ anɔnyanɔ, alasɛ anɔnyanɔ abhɛtɛ buzizi so—

Romanɛ 6:16

No ti nyi ɔsɛ onu gɛ nɔ yɛkɔ wɔnɔ shu ɔkɔ anɔ teli sɛ tɛ nɔ ta yɛatɔ ansɛ yɛ anɔdzidzi ana, no nu banɔdzidzi kɔ agɛ yɛ nɔ tatɔ— kii dzi sɛ banɔdzidzi kɔ buzizi, gɛ gbanɔ anɔ kpɛ butsi mɛ, ɔdɔgɔsɛ batɔtɛta, gɛ aba gbanɔ nɔ avɛnɔ tɛnɛnamɛzɛza?

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.