Romanɛ 6:16 - ONUGBÙ NYƐNYÃ VUVƆ

¹⁶ No ti nyi ɔsɛ onu gɛ nɔ yɛkɔ wɔnɔ shu ɔkɔ anɔ teli sɛ tɛ nɔ ta yɛatɔ ansɛ yɛ anɔdzidzi ana, no nu banɔdzidzi kɔ agɛ yɛ nɔ tatɔ— kii dzi sɛ banɔdzidzi kɔ buzizi, gɛ gbanɔ anɔ kpɛ butsi mɛ, ɔdɔgɔsɛ batɔtɛta, gɛ aba gbanɔ nɔ avɛnɔ tɛnɛnamɛzɛza?

Romanɛ 6:16 Referans Kwoze

Yohanɛsɛ 8:34

Yesu ebuilɛnu asɛ, “Itsre nɔ kɛgbɛ, anɔnyanɔ gɛ abhɛtɛ kibuizizi enu anɔdzidzi kɔ buizizi.

2 Petro 2:19

Ba ɖɔ ishuahwɛ zɛza lu kɔalɛ kibelɛlɛ gɛ balɛnahwɛ benu bedzidzi nɛ́ ɛkpãzizi zɛza mɛ— alasɛ anɔ enu edzidzi kɔ kɛdɔnyɛdɔ gɛ kɛsã yɛ.

Mateo 6:24

“Anɔnyanɔ atɛ ba na axwɛ dɛ kɔ baka tɛabha. Aba ɖɔ teli adɛ teli, klɛ aba mɔ ɔhwɛ kɔ teli adɛ teli. Ɔtɛ bɔɔ na axwɛ dɛ kɔ Kpaya anɛ Ehoeyi.

Romanɛ 6:17

Pɔ ahwɛhuhu kɔ Kpaya sɛ, kɛ nya lɛ kɛlɛm sɛ tsã no dzi banɔdzidzi kɔ buzizi, nɔ yɛkɔ wɔnɔ idzyi petee ɔtatɔ nɛ kɛdɔkɛkasɛ nɛ di gɛ ba yɛkɔ kpɛ ahwɛ kɔ nɔ.

Romanɛ 11:2

Kpaya adɛ shɛ̃nahwɛ yɛanɔalɛ nɛ shu, gɛ eputɔenyi. No tinyi kɛdɔnɔ nɛ gɛ Kpayɛbuieplukpa nɛ aɖɔ denɔ Eliya shu— kana gɛ ebisi Kpaya kititilulɔ nɛ Izraɛl shu:

Romanɛ 12:1

Klɛso nɛɛ, badzya mɔ, itsre nɔ sɛ, nɛ Kpaya eshutukubui didi mɛ, tɛ ayɛkɔ wɔnɔ shuidzya ansɛ ishuyɛyɛkɔ tsye gɛ lɛ nɛ ɛkpã, gɛ ɛlɛshubhui klɛ kɛku Kpaya awɔ̃, kɛlɛ nu wɔnɔ ɔfufɔɛ mɛzɛza kɛtɔkpuesi kpɛkpɛ.

1 Kɔrintioanɛ 3:16

Nɔ ti nyi sɛ wunɔ nahwɛ no nu Kpaya buvu klɛ Kpaya Ɔfufɔɛ lɔ lɛ wunɔɛ mɛ?

1 Kɔrintioanɛ 5:6

Wunɔ ishufifeke nɛ mɛtã. Nɔ tɛ nyi sɛ bunayekedɔ bhliyi ba kpɛ nɛ ko bakpɛ nɛ mawɛ gelee mɛ?

1 Kɔrintioanɛ 6:2

Nɔ tinyi sɛ banɔnɛna nɛ be klu kebhui nɛ kanɔ? Klɛ onugɛ nɔ bɔ klu kebhui nɛ kanɔ, nɔ tibɔna bu bhui bhlibhli nɛ klu?

1 Kɔrintioanɛ 6:3

Nɔ tinyi sɛ bulɔ ba klu bhui nɛ kpaya baxwɛdɛ? Kɛlɛ kanɔa nɛ mɛayɛ nɛ xũ xɔ̃!

1 Kɔrintioanɛ 6:9

Nɔ tinyi sɛ kɛtɔkpumɛ gɛganɛelete atɛ ba ŋa kededɔ nɛ Kpaya kusiɔŋa kɔ? Nɔ tɛkɔ la wɔɛ nɔ: Aglɔbui bhɛbhɛtɛ pɛnɔ obudisɔlɛ pɛnɔ ɔmɛmɛdɛdɛ pɛnɔ ɔhaglɔ shudɛdɛ pɛnɔ anyɛ anɛ anyɛ tɛzɛza

1 Kɔrintioanɛ 9:13

Nɔ ti nyi sɛ bagɛ ba wɛxwɛ nɛ kpayavu bala ayɛkɛ alɛ dɔ ŋɛŋa denɔ kpayavu mɛ, klɛ bagɛ bawɛxwɛ nɛ basɔlɛvumokpo nɛabha balɛ ayɛkɛ kɛdɔ nɛ gɛ ba kɔ nɛ basɔlɛvumokpo nɛabha?

1 Kɔrintioanɛ 9:24

Nɔ ti nyi sɛ nɛ ɛtsrɛmɛ obukɔ banɔ nɛ petee gɛ be be si nɛ ba kpɛsi, pɔ anɔ terikpo ko yɛ aŋa kabha? No bu tɛtsrɛmɛ nɛ kidzo tili lɛabha sɛ tɛ nɔ yɛkɛ kabha ŋɛŋa.

Mateo 20:4

Klɛ etsre balɛ asɛ, ‘Wɔnɔ tsyɛ nɔ vɛ tɛ nɔ dɔ wa kɛxwɛ nɛ mɛ buya nɛ mɛ, tɛ ɛba buya kɛbhɛ nɔɔ nɛ gɛ dzyenɔ nɛ ɛkɔ nɔ.’