Romanɛ 5:19 - ONUGBÙ NYƐNYÃ VUVƆ

¹⁹ Alasɛ ansɛ gɛ ganɔ anɔ terikpo batɔ matamata mɛ pɛ banɔ gelee be dzi buzizi abhɛtɛ, kana tsyɛ ke ganɔ anɔ terikpo batɔtɛta mɛ banɔ gelee ba ba bhɛtɛ alɛ be dzi banɔnɛna.

Romanɛ 5:19 Referans Kwoze

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Romanɛ 5:18

Nɛ kɛlɛ mɛ, ansɛ gɛ buzizi turukpo ba dzi kɛpɔbubu kɔ banɔ petee, kana ke tɛnɛna mɛ kibui bhɛbhɛtɛ tirikpo ba dzi ishudɛdanɛ gɛ mɛna ɛkpã kɔ banɔ petee.

Filipianɛ 2:8

Klɛ awɛ̃ ansɛ anɔ, anyɛna ishu klɛ aba tatɔ nɛ butsi— nɛ butsi nɛ butsiosi shu tsyɛ!

Romanɛ 5:12

Kɛlɛso, ansɛ gɛ buzizi tsoku kanɔ nɛ mɛ ganɔ anɔ terikpoa bha, klɛ butsi ba ganɔ buzizi mɛ, klɛ ganɔ kidzoe nɛa bha pɛ butsi ba kɔ anɔnyanɔ, alasɛ anɔnyanɔ abhɛtɛ buzizi so—

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

Romanɛ 5:15

Pɔ kɛdɔkukɔ nɛ tɛ dzi ansɛ buzizi. Alasɛ onu gɛ, banɔ gelee be ti tsi akpɛ anɔ terikpo teli buzizi, kɛlɛ lɛ taa za sɛ Kpaya ɛyamyuyɔ anɛ kɛdɔkukɔ nɛ gɛ ba, ganɔ anɔ terikpo, Yesu Kristoa bha, pɛ kɛ da kpɛ vɛ banɔ gelee ɔkɔ!

Romanɛ 11:32

Alasɛ Kpaya atɛ nya banɔ nɛ petee akpɛ batɔ matamatam sɛ tɛ ebe di balɛ petee eshutukubui.