Romanɛ 4:6 - ONUGBÙ NYƐNYÃ VUVƆ

⁶ Kibui nɛ ko Daviti tsyɛ aaɖɔ nɛ kibelɛ gɛ aaɖɔaɖɔ nɛ anɔ yuyula nɔɔ nɛ gɛ Kpaya akɔ tɛnɛna nɛ kɛxwɛwɛwae de,

Romanɛ 4:6 Referans Kwoze

2 Timotio 1:9

gɛ ebu lɔ kɔ ɛkpã klɛ ekulu lɔ amɛna akɔ ɛkpã dzyɔgo—ganɛ sɛ kɛdɔnyɛdɔ gɛ bu bhɛtɛ so pɔ nɛ yɛnahwɛ tɛtutrɔ nɛ ɛyamyuyɔ nɛ shu so. Ɛyamyuyɔ nɛɛ ba kɔ lɔ ɛlɛ nɛ Kristo Yesu mɛ flogo pɛ kibe nɛ ba kpɛesi,

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Efesoanɛ 1:3

Kabhakpɛkpɛ kɔ Kpaya anɛ Aka kɔ bulɔ Apalete Yesu Kristo, gɛ ayula lɔ nɛ owũsiseanɔ nɛ mɛ nɛ̀ ɔfufɔɛ nyɔ fufɔɛmɛ yuyula nɛ Kristo mɛ.

Galatianɛ 3:14

Ebu lɔ nɛ kɛlɛmɛ sɛ tɛ tɛyuyula gɛ akɔ Abraham bu ba ba bagɛ bedinu Yuɖanɛ nɛ abha ɔganɔ Kristo Yesu abha, sɛ tɛ nɛ tɛyɛyɛkɛŋa mɛ bu ba yɛkɛ Ɔfufɔɛ mɛ dɔ gɛ baɖɔ lu kɔ lɔ.

Romanɛ 4:11

Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ.

Romanɛ 1:17

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Galatianɛ 4:15

Kide kɛlɛba nɛ wɔnɔ same petee gɛ nɔ mɔ nɛ shu? Ɛba na ɖɔ sɛ, onugɛ nɔ bɔ bhɛtɛ ana, nɔ tɔkpa wɔnɔ aŋɔhu nɔbu klɛ nɔ tɔ kɔ alɛ ɔkɔ mɛ.

Romanɛ 4:24

pɔ kɔ bulɔ tsyɛ, kɔ bagɛ Kpaya aba kɔ tɛnɛna nɛ tsyɛ— kɔ bulɔa gɛ bu yɛkɛ yɛa bha ŋa gɛ bu feke Yesu bulɔ Apalete nɛ ebu denɔ bekpu mɛ.

Romanɛ 4:9

Tɛyuyula nɛɛ bagɛ bebhui bunyɛnyɛ nɛ ko kɛ lɛ kɔ, pɛnɔɔ kɔ bagɛ bedi bhui nɛ tsyɛ? Bu ganɛ ɖɔ sɛ Abraham tɛyɛyɛkɛŋa ba yɛkɔɛ lɛ akɔ yɛ ansɛ tɛnɛna.

Romanɛ 3:27

Kɛlɛ fakɔ, ishufifeke ka lɛ? Be builɛ atɛ̃. Nɛ kidzo ɖueɖua bha? Nɛ ɔshã nɛ tɛbhɛbhɛtɛ abha yɛ? Ao, pɔ nɛ tɛyɛyɛkɛŋa yɛa bha.

Mateo 25:19

“Nɛ kibe dzidze tilie de apalete nɛ ebe de kidzo nɛ mɛ aba klɛ ebe bisi balɛ kana gɛ ba ga nɛ ehoeyi.

Romanɛ 4:5

Pɔ nɛɛ, anɔ nɛ gɛ atɛ wa kɛxwɛ pɔ ayɛkɛ Kpaya nɛ gɛ aadanɛ kɛtɔkpum gɛganɛelete shua bha ŋa, yɛ tɛyɛyɛkɛŋa ba yɛkɔɛ lɛ akɔɛ ansɛ tɛnɛna.

Romanɛ 4:7

“Ba yula bagɛ ba yɛkɔ balɛ buzizi nɛ etsye, bagɛ balɛ buzizi nɛ la da kɛdɔ.

Yakobo 2:18

Pɔ anɔ teli aba ɖɔa sɛ, “Tɛyɛyɛkɛŋa lɛ wɔ ahwɛ, tɛbhɛbhɛtɛ lɛ mahwɛ.” Kasɛ mɛ wɔ tɛyɛyɛkɛŋa kɛxwɛwɛwa maza kɛlɛ mɛ, klɛ tɛ ɛkasɛ wɔ mɛ tɛyɛyɛkɛŋa ganɔ kɛgɛ ɛbhɛtɛ nɛ shu.