Romanɛ 3:27 - ONUGBÙ NYƐNYÃ VUVƆ

²⁷ Kɛlɛ fakɔ, ishufifeke ka lɛ? Be builɛ atɛ̃. Nɛ kidzo ɖueɖua bha? Nɛ ɔshã nɛ tɛbhɛbhɛtɛ abha yɛ? Ao, pɔ nɛ tɛyɛyɛkɛŋa yɛa bha.

Romanɛ 3:27 Referans Kwoze

Romanɛ 2:23

Wɔ nɛ gɛ ofekeshu sɛ onyi ɔshã, ɔtɔɔ kpɛ Kpaya nɛa bha ganɔ ɔshã nɛa bha mabhɛtɛ mabhɛtɛ?

Romanɛ 4:2

Onu, nɛ kɛgba mɛ, ba danɛ Abraham shu nɛ yɛ axwɛwɛwa mɛ, kɛdɔ tili za yɛahwɛ gɛ ebe feke shu akɔ— pɔ ganɛ nɛ Kpaya amɛ.

Galatianɛ 3:22

Pɔ Tɛŋuŋlɔmɛ anɛ buɖɔ sɛ ba kpɛ kanɔ petee nu kizizi evuza, sɛ tɛ kɛ gɛ ba trɔlu, ba yɛkɛ lɛ akɔ aganɔ Yesu Kristo tɛyɛyɛkɛŋa abha, ba bayɛkɛ akɔ bagɛ bayɛkɛŋa.

Romanɛ 2:17

Ɔtsɔ̃ wɔ, onu gɛ okulu wɔshu sɛ onu Yuɖaeyi; onu gɛ otsri ɔshã nɛa bha klɛ ofekeshu nɛ kishopo nɛ gɛ kpasɛ wɔ nɛ Kpaya kishi;

Romanɛ 7:21

So ɛmɔ ɔshã nɛ lɔ wa kɛxwɛ: Kibe nɔɔ gɛ ɛsɛ bhɛtɛ kɛdzyɔgo, butsutsɔmɔ li ɔkɛlɛ plɛnɔ mɛ.

Galatianɛ 2:16

nɔ ti sɛ be te bu anɔ butsya nɛ ɔshã abha abhɛbhɛtɛ, pɔ nɛ Yesu Kristo tɛyɛyɛkɛŋa abha. So bulɔ, tsyɛ, bu kpɛ bulɔ tɛyɛyɛkɛŋa nɛ Kristo Yesu mɛ tɛ bu ba ŋa butsya nɛ Kristo mɛ klɛ anɛ ɔshã nɛabha bhɛbhɛtɛ, alasɛ nɛ ɔshã nɛabha bhɛbhɛtɛ anɔnyanɔ atɛ ba ŋa butsya.

1 Kɔrintioanɛ 4:7

So ane yɛ abhɛtɛ wɔ ɔgatɔ nɛ anɔ teli shu? Kide gɛ lɛ wɔ ahwɛ gɛ ɔdɛ yɛkɛ lɛ? Klɛ onugɛ ɔyɛkɛ lɛ, kɛdeso gɛ ɔfekeshu anasɛ kɛlɛlɛmɛ ɔdɛ na yɛkɛ?

Romanɛ 11:6

Klɛ onu gɛ kɛɛ nu eshutukubui didi, kɛlɛ alɛ kɛ da nu sɛ ganɔ kɛxwɛ wɛwa mɛ, onu ki nu kana, eshutukubui didi etie dzi eshutukubui didi. onu gɛ kɛɛ nu ana, kɛxwɛ tɛa dzi kɛxwɛ.

Romanɛ 10:5

Mosesɛ ashrɔ nɛ kidzoe nɛa bha kana gɛ tɛnɛnamɛzɛza lɛ plɛnɔ ɔshã: “Anɔɔ nɛ gɛ aabhɛtɛ ebuia nɛɛ aba za plɛnɔ alɛ.”

Romanɛ 9:32

Kide so? Alasɛ ba za kɛlɛe de ganɛ ganɔ tɛyɛyɛkɛŋɛa bha pɔ edzi ansɛ axwɛwɛwa bha. Ba kpatanɔ “kɛklãgbu kpɛkpatanɔ.”

Romanɛ 9:11

Pɔ, flogo tɛ la ba mɔ tɛabhaeyi ɔdɔgɔsɛ ba bhɛtɛ kibui dzyɔgo ɔdɔgɔsɛ kɛkpã tili, sɛ tɛ kɛdɔnɔ nɛ so pɛ Kpaya akasɛ wɔɛ nɛ ba za:

Romanɛ 8:2

alasɛ ganɔ Yesu Kristo mɛ ɛkpã Ɔfufɔɛ ɔshã nɛ obu mɛ nɛ buzizi anɛ butsi ɔshã nɛm.

Romanɛ 7:25

Ahwɛhuhu kɔ Kpaya ganɔ Yesu Kristo bulɔ Apalete nɛa bha! Kɛlɛso, mɛ nahwɛ nɛ mɛ kɛtɔkpu mɛ inu anɔdzidzi kɔ Kpaya ɔshã, pɔ nɛ buzizi tɛzɛza mɛ inu anɔdzidzi kɔ buzizi ɔshã.

Romanɛ 7:23

pɔ ɛɛmɔ ɔshã bhlatɔ gɛ odzi ɔwa kɛxwɛ nɛ mɛ ishu mɛ dɔ nɛ mɛ, gɛ ɔɔta keyu nɛ ɔshã nɛ gɛ ɔlɛ mɛ tɔkpu mɛ, klɛ lɔɔ bhɛtɛ mɛ evuza kɔ buzizi ɔshã nɛ gɛ odzi ɔwa kɛxwɛ nɛ mɛ ishu mɛ.

Romanɛ 3:19

Ɔtsɔ̃ bu nyi sɛ kibuinyɛbui gɛ ɔshã nɛ ɔɔɖɔ, lɔɔ ɖɔ tsre bagɛ ba kpasɛ ɔlɛesi, sɛ tɛ onugbu kanyaka ba da ɔlɛ klɛ kanɔ nɛ petee ke be bu ishunu nɛ Kpaya amɛ.

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Marko 16:16

Anɔnyanɔ gɛ ayɛkɛ aŋa pɛ nɔɔ kpɛ buni ɔkɔ yɛ nɛ ebe dzi anɔ gɛ be bu, pɔ anɔnyanɔ gɛ adɛ yɛkɛ aŋa be be bu yɛ butsipɔ.

Romanɛ 3:26

abhɛtɛ kɛlɛ asɛ tɛ ayɛkɔ ebu yɛ tɛnɛna nɛ akasɛ nɛ kibe nɛm, sɛ tɛ ana tɛ edzi anɔ nɛ gɛ adanɛ banɔ nɛ gɛ tɛyɛyɛkɛŋa lɛ balɛ ahwɛ nɛ shu nɛ Yesu mɛ.

Romanɛ 9:31

pɔ Izraɛlanɛ, gɛ ba kpatɔnɔ tɛnɛnamɛzɛza ɔshã, na ka yɛkɛ lɛ.