Romanɛ 3:25 - ONUGBÙ NYƐNYÃ VUVƆ

²⁵ Kpaya ayɛkɔ yɛ akɔ anasɛ kɛtɔkpu tsɛtsrakɛ, ganɔ tɛyɛyɛkɛŋa nɛ yɛ dzyosu mɛ. Abhɛtɛ kibui nɛ asɛ tɛ ayɛkɔ ebu yɛ tɛnɛna nɛ akasɛ, alasɛ nɛ yɛ tɛdudɔfɔ̃ɔ mɛ atɛ shɛ̃nahwɛ ebuizizi nɛ gɛ ba bhɛtɛ eputɔnɔ nɛ shu butɔ matɛtamatɛta—

Romanɛ 3:25 Referans Kwoze

1 Yohanɛsɛ 4:10

Kɛnɛ kɛlɛ nu tɛdɛdɛmɛnɔ, ganɛ sɛ bulɔ tɛdɛdɛmɛnɔ nɛ Kpaya, pɔ sɛ adɛmɛ bulɔɛ bui klɛ asɛsɛ yɛ Eyianyɛ anasɛ ishu kukɔ kɔ bulɔ buzizi tsyitsye.

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Romanɛ 5:9

Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha!

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Hebriuanɛ 10:4

alasɛ kɛ tɛ ba za bububɔɛ kɔ sɛ banɛtsyɔɛeyi anɛ bepidzyaeyi dzyosu ba bu buizizi tɛ̃.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Romanɛ 5:1

Kɛlɛso nɛɛ, gɛ ba tɛ danɛ bulɔ shu ganɔ tɛyɛyɛkɛŋa mɛ, ishuyuyɔ lɛ kɔ lɔ plɛnɔ Kpaya ganɔ bulɔ Apalete Yesu Kristoa bha,

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

Tɛbubukasɛ 5:9

Klɛ ba zha ɔdzɛ vuvɔ: “Wɔ ɔna sɛ tɛ ɔyɛkɔ kazaplukpa tɛ ɔdanɛ kalɛ badɛda, alasɛ be yi wɔ, klɛ ɔyɛkɔ wɔ dzyosu odzi banɔ kɔ Kpaya denɔ kɛmadi nɛ bunuhu kanyaka mɛ anɛ banɔ nɛ amadi nɛ mɛ.

Hebriuanɛ 11:14

Banɔ nɛ gɛ ba ɖɔ ebuianɛ akasasɛ ba pɛɛ balɛ nahwɛ oma.

1 Yohanɛsɛ 1:10

Onugɛ bu ɖɔ sɛ kibuizizi ma lɔ shu, bu ɖɔ nɛ ɔtɔ sɛ enu otro lete, klɛ yɛ ebui nɛ dɛ mɔ ɔzakɔ nɛ bulɔ ɛkpãɛ nɛ mɛ.

Hebriuanɛ 11:17

Tɛyɛyɛkɛŋa so Abraham, kɛbelɛlɛ gɛ Kpaya efekɛ yɛ edi, ayɛkɔ Isaka kɔ anasɛ kɛdɔ pupɔɛ. Yɛ gɛ ayɛkɛ tɛtutrɔlu apɛɛ asɛ apuɛ yɛ terikpo klɛ enu eyi terikpo,

Hebriuanɛ 9:5

Nɛ otsyokpo adanɛ mɛ ɔkɛlɛ kerobim Ishudɛdanɛ, gɛ kumu tɛtsɛtsrakɛ adɛda. Pɔ bu tɛ ba na kaɖɔ ɖɔ denɔ ebuianɛ shu ɔtsyɔnɛ.

1 Timotio 1:15

Kibuiɖuɖɔ gɛ kɛlɛ sɛ ba yɛkɛ kɛlɛa bha ŋa nɛ nɛɛ: Kristo Yesu aba kanɔ nɛm sɛ tɛ aba yɛkɛ kɔ bezizi—gɛ mɛ inu ezizi nɛ dɛ nɛ balɛm.

Romanɛ 5:11

Ganɛ sɛ kɛ lɛ kana ko, pɔ bu mɔ same tsyɛ nɛ Kpayam ganɔ bulɔ Apalete Yesu Kristoa bha, agɛ yɛa bha lɔ ga yɛkɛ ɛhwɛkpɛkpɛetsu.

Romanɛ 3:26

abhɛtɛ kɛlɛ asɛ tɛ ayɛkɔ ebu yɛ tɛnɛna nɛ akasɛ nɛ kibe nɛm, sɛ tɛ ana tɛ edzi anɔ nɛ gɛ adanɛ banɔ nɛ gɛ tɛyɛyɛkɛŋa lɛ balɛ ahwɛ nɛ shu nɛ Yesu mɛ.

Romanɛ 2:4

Ɔdɔgɔsɛ ɔkasɛ awɔ̃kuku kɔ kikesrɔdɔ nɛ gɛ de yɛ ɛyamyuyɔ nɛ wɔ, amɛkukɔ anɛ tɛdɛdɔfɔ̃ nɛ wɔ, ɔtɔɔ mɔ sɛ Kpaya eyamyuyɔ nɛ gbanɔ wɔ ɔvɛnɔ kitem tsyitsyina shu?

Axwɛwɛwa 4:28

Ba bhɛtɛ kɛgɛ wɔ kemi nɛ tɛpɛpɛ nɛ tɛ trɔ lu kukuuku sɛ kɛ ba kɛlɛ mɛ.

Axwɛwɛwa 3:18

Pɔ kana Kpaya abhɛtɛ kɛgɛ atɛ ɖɔ elu ganɔ batɔnu nɛ peteea bha, sɛ yɛ Kristo nɛ aba tɔ.

Axwɛwɛwa 15:18

gɛ la lɛ tɛtitim kibe gelee.

Axwɛwɛwa 2:23

Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Yohanɛsɛ 6:47

Itsre nɔ kɛgbɛ sɛ, anɔ nɛgɛ ayɛkaŋa aba mɔ ɛkpã mabekemabeke.

Axwɛwɛwa 14:16

Nɛ kibe nɛ gɛ ba fla nɛ mɛ, Kpaya akɔ sɛ amadigbla nɛ petee ayɛkɔ alɛ edzo.

Romanɛ 5:18

Nɛ kɛlɛ mɛ, ansɛ gɛ buzizi turukpo ba dzi kɛpɔbubu kɔ banɔ petee, kana ke tɛnɛna mɛ kibui bhɛbhɛtɛ tirikpo ba dzi ishudɛdanɛ gɛ mɛna ɛkpã kɔ banɔ petee.

1 Kɔrintioanɛ 5:7

Nɔ bu bunayekedɔ kuku sɛ tɛ nɔ dzi kɛtsu vuvɔ gɛ bunayekedɔ ma—anasɛ kɛlɛ nɛ gɛ nɔ lɛ. Alasɛ Kristo, bulɔ Tɛfɛflawui obhoshiyi, ba yɛkɔ lɔegu bugu.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Efesoanɛ 2:13

Pɔ ɔtsɔ̃ nɛ Kristo Yesu mɛ wɔnɔa gɛ kibe tili gɛ nɔ za odzroɖokɔ bagbanɛ nɔ amɛna ɔganɔ Kristo dzyosu nɛ mɛ.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,