Romanɛ 3:21 - ONUGBÙ NYƐNYÃ VUVƆ

²¹ Pɔ ɔtsɔ̃ nɛɛ tɛnɛna denɔ Kpaya ɔkɔ, nɛ ɔshã nɛede, nɛ lɛ tɛtitim, gɛ Ɔshã anɛ Batɔnu nɛ ebu aɖɔ.

Romanɛ 3:21 Referans Kwoze

Axwɛwɛwa 10:43

Batɔnu nɛ petee aɖɔ edenɔ yɛ shu sɛ anɔnyanɔ gɛ anya yɛkɛ yɛa bha aŋa ko amɔ buzizi tɛyɛyɛkɔ tsye ganɔ yɛ kinyim.”

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

Galatianɛ 3:8

Kpaya kɛplukpa kamɔ ɖɔ sɛ Kpaya ebe butsya kɔ bagɛ bedinu Yuɖanɛ ɔganɔ tɛyɛyɛkɛŋa abha, klɛ eputɔ aɖɔ kibui dzyɔgo kɔ Abraham: “Ba bayula amadi petee aganɔ wɔabha.”

Romanɛ 5:19

Alasɛ ansɛ gɛ ganɔ anɔ terikpo batɔ matamata mɛ pɛ banɔ gelee be dzi buzizi abhɛtɛ, kana tsyɛ ke ganɔ anɔ terikpo batɔtɛta mɛ banɔ gelee ba ba bhɛtɛ alɛ be dzi banɔnɛna.

Romanɛ 1:17

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

Romanɛ 1:2

kibuidzyɔgo nɛ bui gɛ aɖɔ akpɛ otugba ganɔ batɔnu nɛa bha nɛ Kpaya Kibuieplukpa Dzyɔgo nɛm

Axwɛwɛwa 15:11

Owo! Bɔyɛkɛ ŋa sɛ ganɔ Apalete Yesu eshutukubui tɛ didi mɛ klɛ lɔ mɔ tɛyɛyɛkɛkɔ, ansɛ gɛ balɛ tsyɛ amɔ.”

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

1 Petro 1:10

Nɛ tɛbhubhuiyɛkɛ nɛ shu, batɔnu, gɛ ba ɖɔaɖɔ denɔ ɛyɛmɛyuyɔ gɛ kɛ ta ba kɔ nɔ, be tsuɛ lɛ mɛ mɔmɔ klɛ nɛ tɛnyɛnyɛna gbɛgbladɛ,

Galatianɛ 5:5

Pɔ nɛ tɛyɛyɛkɛŋa abha bupo ganɔ Ɔfufɔɛ kɛdzyɔgo bhɛbhɛtɛ kɛlɛ bu didzoenu kɔ.

Romanɛ 16:26

pɔ ɔtsɔ̃ gɛ be ti bu akasɛ klɛ ba kɔ le ti kɛlɛ ganɔ atɔnu nɛ ebuiŋuŋlɔmɛ ganɔ Kpaya gɛ eti beke nɛ ɔshã nu, sɛ tɛ amadi nɛ petee aba yɛkɛaŋa tɛ bata yɛ atɔ—

Axwɛwɛwa 26:22

Pɔ nɛ ɛtɛ mɔ Kpaya tɛpɛplɛnɔ ɔbɔ nanɔ obo kiwi, klɛ so nɛ ili ɔkɛ̃ klɛ mɛ danɛ be bhliyi anɛ ba gbɛgbla petee shu. Ɛtɛ ɖɔ kibui ɔkɔ dɛ kɛgɛ batɔnu anɛ Mose ba ɖɔ sɛ la ba ba klɛ mɛ—

Yohanɛsɛ 1:45

Filipo amɔ Nataniɛl klɛ etsre yɛ asɛ, “Bu mɔ anɔ gɛ yɛ shu Mose aŋlɔmɛ dɔ nɛ Ɛshã keplukpa nɛ mɛ, klɛ yɛ shu batɔnu tsyɛ aŋlɔmɛ—Yesu ede Nazarɛtɛ, Yosɛfu ye yi anyɛ.”

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

Romanɛ 9:30

Kide lɔ ba ɖɔ ɔtsɔ̃? Sɛ Bagɛ be di nu Yuɖanɛ, gɛ ba dɛ nyɛna tɛnɛnamɛzɛza evunɔ, na tɛ yɛkɛ lɛ, tɛnɛnamɛzɛza ganɔ tɛyɛyɛkɛŋɛa bha;

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Romanɛ 3:28

Alasɛ bu nyɛna kɛlɛm vunɔ sɛ, anɔdzyrame aba danɛ yɛshu ganɔ tɛyɛyɛkɛŋam nɛ ɔshã bha bhɛbhɛtɛ ede.

2 Kɔrintioanɛ 3:9

Onugɛ kɛxwɛwɛwa nɛ gɛ kɛ bu banɔɛ pɔ nu kabhaŋɛŋa, kɛlɛ lɛ baza kabhaŋɛŋa gelee dɛ kɔ kɛxwɛwɛwa gɛ kɛmɛna kɛdzyɔgo bhɛbhɛtɛ!