Romanɛ 2:7 - ONUGBÙ NYƐNYÃ VUVƆ

⁷ Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Romanɛ 2:7 Referans Kwoze

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

2 Timotio 1:10

pɔ ɔtsɔ̃, be be bu kɛlɛ akasɛ ganɔ Ayɛyɛkɛkɔlɔ, Kristo Yesu tɛwɛ̃wɛ̃ nɛ mɛ, gɛ ebe zi butsi klɛ ayɛkɔ ɛkpã anɛ matsimatsi amɛna ɔtɔ ganɔ kibuidzyɔgo nɛ mɛ.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

Romanɛ 8:18

Idi lɛ sɛ bulɔ ɔtsɔ̃ nɛ batɔ́ nɛ ama gɛ ba ba yɛkɔ sɔnɔ ishubhuibhui nɛ gɛ be be bu akasɛ nɛ bulɔ mɛ.

Romanɛ 2:10

pɔ ishubhubhui, kabhakpɛkpɛ anɛ ishuyuyɔ kɔ anɔnyanɔ gɛ aabhɛtɛ kɛdzyɔgo: putɔnɔ kɔ Yuɖanɛ, flogo pɛɛ kɔ bagɛ edi nu Yuɖanɛ.

1 Yohanɛsɛ 2:25

Klɛ kɛnɛ nɛ aɖɔlu kɔ lɔ—ɛkpã mabekemabeke kuratsyɛ.

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

Yohanɛsɛ 5:44

Kɛlɛ nɔ bɔ yɛkɛŋa onugɛ nɔ yɛkɛ kabhakpɛkpɛ denɔ wɔnɔhaglɔ kɔ, pɔ nɔ dɛbhɛtɛ kɛdɔnyɛdɔ tɛ nɔ yɛkɛ kabhakpɛkpɛ denɔ anɔ nɛ gɛ ede Kpaya Terikpo nɔ kɔ?

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

Mateo 25:46

“Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”

Luka 21:19

Tɛzɛza mɔmɔ ba kɔ wɔ za nɛ kpã.

Yohanɛsɛ 4:36

Ɔtsɔnɛ kuratsyɛ agɛ ebebuidɔ atɛ yɛkɛ yɛ bhɛ, eti xogo yɛ dɔ kɔ ɛkpã mabekemabeke, sɛ tɛ ayadɛ nɛ̀ be bubu ba ba mɔ same tsu.

1 Kɔrintioanɛ 15:42

Kɛlɛ so kanake kɛ baza kɔ betsitsi nɛ tɛlɛlɔ denɔ bekpui mɛ. Ishuidzya gɛ ba vubɔ kɛ nu kɛdɔ tsɛtsɔmɔ, pɔ ba nyɛmɛ alɛ matsɔmɔ matsɔmɔ,

1 Kɔrintioanɛ 15:50

Ɛbu tsre nɔ, badzya mɔ, sɛ ishuidzya anɛ dzyosu ba tɛ ba ŋa Kpaya bukusiɔŋakɔ, ɔdɔgɔsɛ kɛgɛ ba zi nɛ ba ŋa kɛgɛ tɛ ba zi.

Efesoanɛ 6:24

Ɛyamyuyɔ kɔ nɔ petee gɛ nɔ dɛmɛ nɛ bulɔ Apalete Yesu Kristo plɛnɔ tɛdɛdɛmɛnɔ gɛ kɛ tɛ ba tsi di.

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

Hebriuanɛ 2:7

Ɔbhɛtɛ yɛ alɛ kesi kɛbɔɛ dɛ kpaya baxwɛdɛ, ɔyɛkɔ kabhakpɛkpɛ anɛ ɔzakɔkukɔanɔ okumu kikutu ɔkɔ yɛ