Romanɛ 2:29 - ONUGBÙ NYƐNYÃ VUVƆ

²⁹ Ao, anɔ enu Yuɖaeyi gɛ onu nɛ kɛmɛ mɛ; klɛ bunyɛnyɛ bhubhui nu bunyɛnyɛ bhubhui kɔ idzyi, ganɔ Ɔfufɔɛ mɛ, ganɛ ganɔ ɔshãeplukpam. Anɔa lɛlɛ nɛ di nɛ kabhakpɛkpɛ nɛ di de banɔ ɔkɔ, pɔ kide Kpaya ɔkɔ.

Romanɛ 2:29 Referans Kwoze

Filipianɛ 3:3

Alasɛ bulɔ nu bunyɛnyɛ bhubhui, bulɔ gɛ nu bunyɛnyɛ bhubhui, bulɔ bagɛ kpɛtɔkpuesi kɔ Kpaya Ɔfufɔɛ, gɛ bu kpasɛ Kristo Yesu ishubhubhui nɛ mɛ, klɛ bulɔ idzyigɛganɛ ama ishuidzya nɛ mɛ—

1 Tɛsolonianɛ 2:4

Kɛɛlɛ nɛ mazɛ lɛ mɛ, bu ɖɔaɖɔ anasɛ banɔ gɛ Kpaya atrɔahwɛ bulɔa bha pɛ ba ba yɛkɔ kibuidzyɔgo nɛ akpɛ bulɔ ahwɛ. Bu tɛ bhɛtɛ sɛ tɛ bu ku banɔ awɔ̃ pɔ Kpaya, gɛ eefeke bulɔ idzyi nɛ mɛ edi.

1 Petro 3:4

Kɛlɛmaza, kɛbadzi kɛ gɛ de wunɔ nahwɛ mɛ, bubite gɛ butɛ xule ishunyɛnyɛna anɛ̀ ishuvuvu ɔfufɔɛ, gɛ kɛ nu kedziŋɛŋa gbɛgbla nɛ Kpaya amɛ.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 10:18

Alasɛ ganɛ anɔ nɛ gɛ akpɛ yɛ shu nɛabha yɛ abha la trɔahwɛ, pɔ anɔ nɛ gɛ Apalete akpɛ nɛabha.

Romanɛ 7:6

Pɔ ɔtsɔ̃ nɛɛ, gɛ bu ti tsi ɔkpɛ kɛgɛ nya lɔ nɛ so, be ti bule lɔ nɛ ɔshã nɛ mɛ sɛ tɛ bu da wa kɛxwɛ nɛ Ɔfufɔɛ Dzyɔgo nɛ kidzo vuvɔa bha, klɛ ganɛ nɛ kidzo kuku nɛa bha gɛ ɔshã nɛ ɔŋlɔmɛ olu.

Romanɛ 2:27

Anɔ nɛ gɛ edi bhui bunyɛnyɛ nɛ ishuidzya nɛ mɛ klɛ tsyɛ pɛ anyɛna ɔshã nɛm evunɔ, ebe bu wɔabha agɔ, onu gɛ ɛshãeplukpa nɛ bunyɛnyɛ bhubhui lɛ wɔahwɛ tsyɛ, onu anɔ gɛ ɔda ɔshã.

2 Kɔrintioanɛ 3:6

Abhɛtɛ lɔ buna anasɛ onugbunyɛnya vuvɔ baxwɛwa—ganɛ keplukpa pɔ Ɔfufɔɛ, alasɛ keplukpa ke yi anɔ, pɔ Ɔfufɔɛ lɔ kɔ ɛkpã.

Yohanɛsɛ 12:43

alasɛ ba dɛmɛnɔ kɛnyi kpɛkpɛ nɛabha denɔ banɔ kɔ dɛ kɛnyi kpɛkpɛ denɔ Kpaya kɔ.

Yohanɛsɛ 5:44

Kɛlɛ nɔ bɔ yɛkɛŋa onugɛ nɔ yɛkɛ kabhakpɛkpɛ denɔ wɔnɔhaglɔ kɔ, pɔ nɔ dɛbhɛtɛ kɛdɔnyɛdɔ tɛ nɔ yɛkɛ kabhakpɛkpɛ denɔ anɔ nɛ gɛ ede Kpaya Terikpo nɔ kɔ?

Luka 11:39

Ɔkɛlɛ Apalete nɛ etsre yɛ asɛ, “Ɔtsɔnɛ ɔkɛlɛ, wɔnɔ Farisianɛ no tsi bũtse nɛ busugba nɛede, pɔ wunɔ kɛmɛ nɛ mɛ kɛyuku nɛ kɛdɔ gbɛgbla pɛpɛɛ anɛ kɛtɔkpu mɛ gɛganɛ.

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Yohanɛsɛ 4:23

Pɔ kibe tili ba, klɛ ɔtsɔ̃ nɛ kɛ tɛ ba gɛ kɛgbɛagba basɔlɛsɔlɛ ba basɔlɛ kɔ Aka nɛ̀ ɔfufɔɛ nɛ̀ kɛgbɛagba mɛ, alasɛ balɛ nu basɔlɛsɔlɛ anɛɛ di gɛ Aka na pɛɛ.

Luka 17:21

pɛnɔ banɔ ba ba ɖɔ sɛ, ‘Ɔmɔ yɛ nɛ ɔkɛnɛ,’ pɛnɔ ‘Kedea alɛ,’ alasɛ Kpaya Bukusiɔŋakɔ bu lɛ wunɔ mɛ.”

Romanɛ 3:1

Kɛdzyɔgo ɖueɖu, kɛlɛ lɛ kɛlɛm sɛ onu Yuɖaeyi, ɔdɔgɔsɛ kedziŋɛŋa ɖueɖu ka la lɛ bunyɛnyɛ bhubhui mɛ?

1 Kɔrintioanɛ 7:19

Bunyɛnyɛ bhubhui dɛ nu kɛdɔnyɛdɔ klɛ bunyɛnyɛ mabhuimabhui dɛ nu kɛdɔnyɛdɔ. Kpaya ɛshã bha bhɛbhɛtɛ alɛ nu ebui.