Romanɛ 2:15 - ONUGBÙ NYƐNYÃ VUVƆ

¹⁵ denɔ kibe lɛm gɛ be bu kasɛ asɛ ebui nɛ gɛ ɔshã nɛ obisi nɛ aŋlɔmɛ etsri balɛ idzyia bha ko, balɛ idzyi nɛm tsyɛ amɔ plɛnɔa lɛ, klɛ balɛ atɔkpum bhɛbhɛtɛ ɔtsɔ̃ ebualɛ pɔ, ɔtsɔ̃ le bualɛ nu tsyɛ.)

Romanɛ 2:15 Referans Kwoze

2 Kɔrintioanɛ 5:11

Denɔ, kibelɛlɛ, bu nyi kɛdɔnɔ gɛ nu kɛfusisi nɛ Apalete nɛ shu, bu wlãnkɛ tɛ bu wɔɛ banɔ nu. Kɛdɔnɔ gɛ bu nu Kpaya enyi lɛ wee, klɛ idi kidzoenu sɛ nɔ nyi lɛ wee nɛ wunɔ shuimɛ.

Titusɛ 1:15

Kɔ bagɛ balɛ shu bhui, kɛdɔnyɛdɔ shu bhui kɔa lɛ, pɔ kɔ bagɛ balɛ eti zi klɛ ba dɛ yɛkɛaŋa nɛɛ, kɛdɔnyɛdɔ shu dɛ bhui. Kɛgba nɛɛ, balɛ atɔkpu mɛ anɛ idzyi nɛ mɛ ezi.

2 Kɔrintioanɛ 1:12

Ɔtsɔ̃nɛ kɛnɛ kɛlɛ nu bulɔ ishufifeke: Bulɔ tɔkpuimɛ tsre lɔ sɛ bu nyɛna shu nɛ kanɔ nɛ mɛ, klɛ ɔyɛkɔdɛana terikpo bhɛbhɛtɛ nɛ nɔ, nɛ tɛbhubhui anɛ kibui gbɛgbla bhɛbhɛtɛ gɛ kide Kpaya kɔ. Bu bhɛtɛ kibui nɛ ana ganɛ nɛ kanɔmɛ kibuinyinyi shu pɔ nɛ Kpaya kɛdɔkukɔ shu.

1 Timotio 4:2

Kɛdɔkɛkasɛ nɛɛ di nɛ de anɛkɛtabha betroni nɛ ɔkɔ, gɛ balɛ idzyi nɛ mɛ edzi ansɛ ba pɔɛ yɛ nɛ ɔɖakpɛkpɛ.

Romanɛ 9:1

Ɛɖɔ kɛgba nɛ Kristo mɛ—iti hu otro, mɛ kititi nɛ ɖɔ trɔɛ lɛa bha nɛ Ɔfufɔɛ Dzyɔgo nɛm,

Axwɛwɛwa 24:16

Klɛso nɛ kibenyɛbe nɛɛ ɛlɛ nɛ kitem dɛdanɛ nɛ Kpaya anɛ Anɔdzyrame amɛ.

Axwɛwɛwa 23:1

Paolo edi bebhuiklu nɛ amɛ klɛ aɖɔ sɛ, “Madzyalɛ mɔ, ɛtɛ wa mɛ kɛxwɛ nɛ gɛ Kpaya atrɔ kɔ mɛ nɛ mɛ idzyi petee ɔbɔ tɔnɔ obo wi.”

Yohanɛsɛ 8:9

Nɛlɛmɛ, bagɛ nu bui betenɔ ashɛ̃ terikpo terikpo, be shishe nɛ putɔ, ɔvɛnɔ agɔ Yesu ko anɛ adzɛ gɛ aza lɔɛ titi nɛ ɔkɛlɛ.

Romanɛ 2:14

(Kɛlɛɛ lɛm sɛ, kibelɛ gɛ bagɛ edi nu Yuɖanɛ, pɛ ɔshã nɛ ɔma balɛ ahwɛ, nɛ kanɔmɛ nu balɛ abhɛtɛ ebui nɛ gɛ ɔshã nɛ obisi, balɛ nahwɛ nɛ be nu ɔshã kɔ shu, ɔshã nɛ ɔnyɔ ma balɛ ahwɛ pɔ,

Romanɛ 2:27

Anɔ nɛ gɛ edi bhui bunyɛnyɛ nɛ ishuidzya nɛ mɛ klɛ tsyɛ pɛ anyɛna ɔshã nɛm evunɔ, ebe bu wɔabha agɔ, onu gɛ ɛshãeplukpa nɛ bunyɛnyɛ bhubhui lɛ wɔahwɛ tsyɛ, onu anɔ gɛ ɔda ɔshã.