Romanɛ 16:25 - ONUGBÙ NYƐNYÃ VUVƆ

²⁵ Ɔtsɔ̃, kɔ anɔ nɛ gɛ yɛ ana wɔnɔesi dzu ganɔ mɛ kibui dzyɔgo nɛ Yesu Kristo kibui nɛ tɛbubuɖɔ, anɛ ebuikpukpu tɛbubukasɛ gɛ ekpu agɔagɔ gɛ atɛ ba fla nɛ nu,

Romanɛ 16:25 Referans Kwoze

1 Kɔrintioanɛ 2:7

Ao, bu ɖɔ Kpaya kibuinyinyi kpukpu, kibuinyinyi gɛ ayɛkɔ ekpu klɛ Kpaya abhɛtɛ kɔ bulɔ kabhaŋɛŋa flogo gɛ abhɛtɛ kanɔ.

Romanɛ 2:16

Kibui nɛ ba ba kɛlɛm nɛ kiwi nɛa bha gɛ Kpaya ebe kuluebhui nɛ banɔ nɛ ebuikpukpu ganɔ Yesu Kristoa bha, anasɛ gɛ mɛ kibuidzyɔgo nɛ buɖɔ.

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

2 Tɛsolonianɛ 2:14

Ekulu nɔ akɔ kibui ganɔ bulɔ kibui dzyɔgoe nɛa bha, sɛ tɛ nɔ mɔ kapɛ tieli nɛ bulɔ Apalete Yesu Kristo ishubhubhui nɛ mɛ.

2 Kɔrintioanɛ 4:3

Klɛ onugɛ bulɔ kibui dzyɔgo nɛ kpu tsyɛ, kikpu kɔ ba gɛ bà lɛla.

Efesoanɛ 3:9

klɛ tɛ akɔ anianɔ amɔ wee kibui kpukpuɛnɛ bhɛbhɛtɛ, kɔ kibe gɛ kɛ bafla gɛ bekpu nɛ Kpaya mɛ, agɛ abhɛtɛ kɛdɔ nɛ petee.

1 Petro 5:10

Klɛ ɛyamyuyɔ petee Kpaya, gɛ eklu nɔ avɛnɔ yɛ mabekemabeke ishubhubhui nɛ́ Kristoe mɛ, nɛ kɛlɛede gɛ nɔ mɔ butɔ nɛ kibe bhliyi mɛ, yɛnahwɛ ebe tsodzi wũnɔ dzu kititi klɛ aba kɔ nɔ gɛganɛ, mɔmɔ klɛ nɔ bɔ dzu ishuesi.

2 Timotio 2:8

Baka Yesu Kristoe bui, gɛ be feke ebu denɔ bekpu mɛ, gɛ ede Daviti oku nɛ mɛ. Kɛlɛ nu mɛ kibuidzyɔgo,

2 Tɛsolonianɛ 3:3

Pɔ Apalete nɛ alɛ tɛyɛyɛkɛŋam, klɛ aba kpɛ nɔ kemi klɛ aba kpɛ buka kana nɔ ebu denɔ ezizi nɛ ahwɛ mɛ.

Efesoanɛ 6:19

Klukpaya nɛ mɛ tsyɛ tɔkpu, tɛ kibenɔ nɛ gɛ ɛdanɛ mɛ onugbu, ba bakɔ mɛ ebui sɛ tɛ nɛ kifu mazɛlɛmɛ tɛ ɛkɔ ale tii kibui dzyɔgo anɛ̀ ebuikpukpu,

Galatianɛ 2:2

Ɛvɛ nɛ tɛdɛdɛmɛ kɔ tɛbubukasɛ mɛ klɛ ɛyɛkɔ kpɛ balɛ mɛ kibui dzyɔgo gɛ ɛɖɔ kɔ bagɛ bedinu Yuɖanɛ. Pɔ ɛbhɛtɛ kɛnɛ nɛ tɛkpukpuimɛ kɔ bagɛ balɛ bamɔ sɛ be nu bagbɛgbanɔ, nɛ kifusisi mɛ sɛ ɛkpanisi odɔgɔsɛ ɛkpanisi gɛ kibuinyɛbui ma kɛlɛ mɛ.

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

Axwɛwɛwa 20:32

“Ɔtsɔ̃ nɛɛ ɛyɛkɔ nɔ kpɛ Kpaya nɛ yɛ ɛyamyuyɔ bui nɛ ahwɛ, gɛ kɛ ba bhɔ nɔ trɔ, klɛ kɛ ba kɔ nɔ ɔŋakɔ nɛ bagɛ balɛ shu la danɛ nɛ shi.

Axwɛwɛwa 9:20

Tsɛɔ̃ ko Saolo agbla kpa Kpayɛbui nɛ ɖɔ nɛ oxogokɔ bevugbla nɛm asɛ Yesu yɛenu Kpaya yɛ Eyi.

Mateo 13:35

So kana ebui nɛ gɛ baɖɔ aganɔ atɔnu nɛa bha nɛ aba ba kɛlɛ mɛ asɛ: “Ɛba danɛ mɛ onugbu nɛ akpalɛ, Ɛba ɖɔ ebui kpukpu nɛ gɛ ekpu denɔ kanɔ nɛ kesi kpɛkpɛ.”

Mateo 13:17

Kɛlɛ so nɛ itsre nɔ kɛgba sɛ, batɔnu gelee nɛ banɔ dzyɔgo teli ba pɛɛ sɛ tɛ ba mɔ kɛ gɛ nɔ mɔ, pɔ ba dɛ mɔ kɛlɛ, klɛ tɛ be nu kɛ gɛ no nu pɔ be di nuɛ lɛ.

1 Petro 1:20

Be klu yɛ flogo gɛ ba bhɛtɛ kanɔ, pɔ be bui yɛ akasɛ nɛ ewia gugɔɛa nɛ mɛ nɛ́ wũnɔɛ tɔkpu.

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

2 Timotio 1:9

gɛ ebu lɔ kɔ ɛkpã klɛ ekulu lɔ amɛna akɔ ɛkpã dzyɔgo—ganɛ sɛ kɛdɔnyɛdɔ gɛ bu bhɛtɛ so pɔ nɛ yɛnahwɛ tɛtutrɔ nɛ ɛyamyuyɔ nɛ shu so. Ɛyamyuyɔ nɛɛ ba kɔ lɔ ɛlɛ nɛ Kristo Yesu mɛ flogo pɛ kibe nɛ ba kpɛesi,

Efesoanɛ 3:11

nɛ yɛ tɛtɛtrɔ mabeke gɛ abhɛtɛ elu kibe lɛlɛ gɛ ke lɛ Kristo Yesu bulɔ Apalete nɛ mɛ.

1 Kɔrintioanɛ 4:1

Kɛlɛ so, alasɛ banɔ ba yɛkɔ lɔ anasɛ Kristo baxwɛdɛ klɛ sɛ tɛ ba yɛkɔ Kpaya ebui kpukpu akpɛ alɛ ahwɛ.

Romanɛ 14:4

Anee onu gɛ obo kulu kebhui nɛ anɔ teli yɛ axwɛdɛ? Yɛ nahwɛ apalete amɛ aba na ɔdɔgɔsɛ aba wɔlɛ. Klɛ aba za na, alasɛ Akagbla nɛ aba na yɛ bhɛtɛ sɛ tɛ ana.

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

Romanɛ 11:25

Badzya mɔ, ɛtɛɛ pɛ sɛ tɛ nɔ za matimatim ɔkɔ ebui kpukpua, sɛ tɛ nɔ tɛ bo ku ishuawɔ̃: Izraɛl atɛ za nɛ batɔm gɛganɛ edi nɛa pɛ tie lim ɔdɔnanɔ kibelɛ mɛ gɛ bagɛ dɛ nu Yuɖanɛ nɛ tɛkɛklam petee be tsoku.

Romanɛ 16:24

Kɔ Apalete Yesu Kristo eshutukubui didi nɛ aza plɛnɔ nɔ petee. Tɛkɛbɛlɛm.

Koloseanɛ 2:2

Mɛ tɛbhɛtɛ kɛ lɛ nu sɛ tɛ ba kpɛ balɛ idzyi kemi nɛ̀ tɛ ba kpɛ alɛ ketsu nɛ́ tɛdɛdɛmɛ mɛ, sɛ tɛ ba yɛkɛ ehueyi mumɔ gelee nɛ kibuiesi nunu nɛna, nɛ kɛlɛmɛ tɛ ba beti Kpaya ebukpukpu, be klu sɛ Kristo,

Koloseanɛ 4:3

Klɛ nɔ klukpaya nɛ bulɔ tsyɛ, tɔkpu, sɛ tɛ Kpaya adanɛ opupu kɔ bulɔ ebui ɖɛɖɔ, tɛ bɔɖɔ Kristo ebui kpukpu, alasɛ kɛlɛ so gɛ ba kpɛ mɛ buɖɛ.

Tɛbubukasɛ 10:7

Pɔ nɛ ewi nɛ mɛ gɛ kpayaxwɛdɛ tiegene nɛ aba bɔ yɛa xũlɛ̃ nɛɛ, Kpaya ebuikpukpu nɛ aba bɛ lɛ mɛ beke, ansɛ gɛ ebu aɖɔ etsre yɛ batɔnu.”

Mateo 20:7

Be bui lɛ nu asɛ, “ ‘Alasɛ anɔnyanɔ adɛ ba yɛkɔ lɔ.’ “Ɔkɛlɛ etsre alɛ asɛ, ‘Wɔnɔ tsyɛ nɔ vɛ tɛ nɔ dɔ wa kɛxwɛ nɛ mɛ vãyɛ̃ buya nɛ mɛ.’