Romanɛ 16:21 - ONUGBÙ NYƐNYÃ VUVƆ

²¹ Timotio, mɔhayɛ axwɛwa, asɛnɛ nɔ asɛsɛ, ansɛ gɛ Lusiusɛ, Yasɔnɛ anɛ Sosipata gɛ nu meshopoalɛ nɛ tsyɛa bhɛtɛ.

Romanɛ 16:21 Referans Kwoze

Axwɛwɛwa 20:4

Sopata gɛ enu Pirrus yɛeyi gɛ ede Bɛria, Aristatsyusɛ anɛ Sekundus gɛ bede Tɛsalonika, Gaiusɛ gɛ ede Dɛbi, Timotio tsyɛ, anɛ Taitsyikus anɛ Trofimusɛ gɛ bede Asia kɛdɔ nɛm petee ba kpɛ ketsu nɛ yɛ nɛ tɛ shɛshɛ nɛm.

Axwɛwɛwa 17:5

Pɔ Yuɖanɛ na yɛkɔ kawɔ̃kpɛ; so bede xogo banɔ kpã teli edenɔ budzi nɛ mɛ, klɛ ba bhɛtɛ banɔɛha klɛ ba kpa hunyahunya kpɛ nɛ ɔmagbla nɛ mɛ. Ba kpanisi avɛ ede tsoku Yasɔn bupa mɛ ada pɛ Paolo anɛ Silasɛ sɛ tɛ bevua lɛ avɛnɔ banɔɛza.

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Romanɛ 16:11

Ɛsɛnɔ Heroɖiɔnɛ, mɛ eshopo. Ɛsɛnɔ Nasissusɛ bupamɛanɛ gɛ akpasɛ Apalete nɛ mɛ.

Romanɛ 16:7

Ɛsɛnɔ Andronikusɛ anɛ Yuniasɛ, meshopoalɛ nɛ gɛ baza buvu aplɛnɔ mɛ. Balɛ ba vɛ otugba nɛ banɔkpɛkpɛ nɛɛ shi, klɛ ba za Kristo mɛ flogo pɛ ɛba tsoku.

Hebriuanɛ 13:23

Ɛpɛɛ sɛ tɛ nɔ ti sɛ ba shɛ̃nahwɛ bulɔ adzya Timotio shu nɛ buvu. Onugɛ ebe ku mɛ ɔbha zia, blɔnɛ yɛ ba ba bu ba di nɔ.

2 Timotio 1:2

Kɔ Timotio, meyianyɛ mumɔa: Ɛyamyuyɔ, eshutukubuididi anɛ ishuyuyɔ gɛ de Aka Kpaya anɛ Kristo Yesu bulɔ Apalete ɔkɔ.

1 Timotio 6:20

Timotio, po kɛgɛ ba yɛkɔ akpɛ wɔahwɛ nɛ mɔmɔ. Tsodzi nɛ buɖɔmɛaɖɔɛ nɛ gɛ be tinyi Kpaya nɛ balɛ ebui nɛ gɛ alɔɛ titi gɛ bee hu itro ekulua sɛ kibuititi nɛe de,

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

1 Timotio 1:2

Kɔ Timotio gɛ enu mɛ eyianyɛ kɛgbɛagba nɛ tɛyɛyɛkɛŋa nɛ mɛ, Ɛyamyuyɔ, eshutukubui didi anɛ ishuyuyɔ denɔ Kpaya gɛ enu Aka anɛ Kristo Yesu bulɔ Apalete nɛ ɔkɔ.

2 Tɛsolonianɛ 1:1

Paolo, Silasɛ anɛ Timotio, kɔ Tesalonikanɛ busɔlɛɔha anɛ Kpaya bulɔ anɛ Apalete Yesu Kristo mɛ:

1 Tɛsolonianɛ 3:6

Pɔ otsiko Timotio ede nɔ bha ebe ku bulɔ bha klɛ amɛna kibui dzyɔgo edenɔ wɔnɔ tɛyɛyɛkɛŋa anɛ tɛɖuɖɔ shu. Eti tsre lɔ asɛ nɔɔ baka lɔ bui mɔmɔ kibenyɛbe klɛ nɔ pɛ sɛ tɛ nɔ mɔ lɔ, ansɛ gɛ bulɔ tsyɛ pɛ sɛ tɛ bu mɔ nɔ.

1 Tɛsolonianɛ 3:2

Bu kpɛ Timotio, gɛ enu bulɔadzya nɛ Kpaya axwɛwa bhla nɛ Kristoebui nɛ tɛkɛkɛka mɛ, tɛ abhɛtɛ nɔ tɛ nɔ gɛganɛ tɛ akpɛ nɔ kemi nɛ nɔ tɛyɛyɛkɛŋa nɛ mɛ,

1 Tɛsolonianɛ 1:1

Paolo, Silasɛ anɛ Timotio, kɔ Tɛsalonianɛ busɔlɛɔha nɛ Kpaya gɛ enu Aka anɛ Apalete Yesu Kristo: Eshutukubui didi anɛ ishuyuyɔ kɔ nɔ.

Koloseanɛ 1:1

Paolo, Kristo Yesu anɔkpɛkpɛ nɛ́ Kpaya tɛ pɛpɛɛ nu, nɛ Timotio bulɔ adzya,

Filipianɛ 1:1

Mɛ Paolo anɛ Timotio, Kristo Yesu baxwɛwa. Kɔ Kpayabanɔ nɛ petee gɛ balɛ Kristo Yesu mɛ nɛ́ Filipi, ɔyɛkɔ plɛnɔ bagɛ be di axwɛ nɛa bha anɛ baxwɛwa:

2 Kɔrintioanɛ 1:19

Alasɛ Kpaya yɛ Yi, Yesu Kristo, gɛ yɛ bui mɛ nɛ Silas anɛ Timotio bu ɖɔ nɛ wunɔ shi, kɛ dɛ nu “Ee” nɛ “Oo,” pɔ nɛ yɛ mɛ kɛbenyɛbe kɛnu “Ee.”

2 Kɔrintioanɛ 1:1

Mɛ Paolo, Kristo Yesu anɔkpɛkpɛ nɛ́ Kpaya tɛpɛpɛɛ nu, Timotio bulɔ adzya. Kɔ Kpaya busɔlɛɔha nɛ́ Kɔrintio, ɔyɛkɔ plɛnɔ kpayabanɔ nɛ petee ganɔ Akasia:

Axwɛwɛwa 19:22

Akpɛ Timotio anɛ Erastusɛ gɛ enu yɛ bapɛplɛnɔ nɛ asɛsɛ Makedonia, nɛ kibe lɛ nɛ mɛ gɛ yɛ awɔ Asis kɛdɔ nɛm kibe dzidze bɔɛ.

Axwɛwɛwa 18:5

Gɛ Silas anɛ Timotio ede Makedonia aba, Paolo ayɛkɔ kibuinɛ tɛɖuɖɔ atrɔ shu, klɛ ebu akasɛ Yuɖanɛ na sɛ Yesu yɛ enu Kristo.

Axwɛwɛwa 17:14

Nɛ kɛbhɛtɛ tili ko ɔhamɛanɛ na yɛkɔ Paolo asɛsɛ aƒu nɛ shu, pɔ Silas anɛ Timotio xũ na wɔ Bɛrea.

Romanɛ 9:3

Alasɛ ɛta pɛɛ sɛ mɛnahwɛ ba ta ɖɔɛbui akpɛm tɛ ba pɔ mɛ nɛ Kristo shu akpɛ madzyalɛ nɛ so, gɛ be nu mɛnahwɛ kɛmadim banɔ,