Romanɛ 16:19 - ONUGBÙ NYƐNYÃ VUVƆ

¹⁹ Anɔnyanɔ eti nu wɔnɔ batɔtɛta nɛɛ dɔ, kɛlɛso, iyuku nɛ same nɛ wɔnɔ shu; pɔ ɛpɛɛ sɛ tɛ no tii bui odenɔ kɛgɛ nu kɛdzyɔgo nɛ shu, klɛ tɛ no ti kɛkanyaka denɔ buzizi shu.

Romanɛ 16:19 Referans Kwoze

Mateo 10:16

Ɛɛsɛsɛ wɔnɔ ansɛ ibhoshi nɛ ayakpam bukudzɔgɛ shi. So nɔ bhɛtɛ bushɛ ansɛ eblidzya tɛ wɔnɔ shu ibhui ansɛ gɔgɔwii.

1 Kɔrintioanɛ 14:20

Badzya mɔ, nɔ zukɔlɔ ebui bhɛtɛ anasɛ banuvɔ. Nɔ dzi anuvɔ nɛ ebui zizi bhɛbhɛtɛ mɛ, pɔ nɛ wunɔ kibuesi nunu nɔ dzi banɔ shishe.

Filipianɛ 2:15

sɛ tɛ kɛpɔ tɛ za tɛ wɔnɔ shu bhui, no dzi Kpaya yɛ yialɛ gɛ buzizi ma wɔnɔ shu anɛ tsutsɔmɔ nɛ tɛmumɔm gɛ dɛ na, gɛ nɔ tã nɛ balɛ shi ansɛ awɛwɛ̃ nɛ kanɔ nɛ mɛ

Romanɛ 1:8

Putɔnɔ nɛɛ, ihu mɛ Kpaya nɛ ahwɛ ganɔ Yesu Kristoa bha kɔ wɔnɔ petee, alasɛ baɖɔ wɔnɔ tɛyɛyɛkɛŋa nɛ bui akana kanɔm petee.

Filipianɛ 1:9

Klɛ kɛnɛ kɛlɛ nu mɛ kpayakuklu: sɛ wɔnɔ tɛɖuɖɔ nɛ yuku gbɛgba tsodzini gbɛgba anɛ́ kɛbuititi anɛ̀ ishumdzudzu vɛvɛ,

Koloseanɛ 3:16

Nɔ kɔ Kristo ebui la za wɔnɔɛ mɛ nɛ kedziŋɛŋa nɛ́ kɛlɛmɛ gɛ nɔ kasɛdɔ klɛ nɔ yɛ kɔ tɛtsitsrenɔ kɔ ɔhaglɔ nɛ ebuinyinyi petee, klɛ anasɛ gɛ nɔ zha be Pɛsalomo busɔlɛ ɛdzɛ, anɛ ɛfufɔɛmɛ ɛdzɛ, anɛ̀ ahwɛhuhu denɔ wɔnɔ idzyi mɛ kɔ Kpaya.

Efesoanɛ 5:17

Kɛlɛso nɔ tɔ dɔ gã, pɔ nɔ nu kibui nɛesi gɛ Apalete tɛpɛpɛɛ nɛ lɛ.

Luka 10:3

Vɛ! Ɛkpɛ nɔ sɛsɛ anasɛ ibhoshieyi gɛ lɛ lɛ ayakpaɛmɛ bukudzyɔgɛ shi.