Romanɛ 16:18 - ONUGBÙ NYƐNYÃ VUVƆ

¹⁸ Alasɛ banɔa lɛ nɛɛ di na taa dɛ kɛxwɛ kɔ bulɔ Apalete Kristo, pɔ kɔ balɛ nahwɛ ahali mɛ. Ganɔ onugbum zɛzandzyɛ anɛ bugã kpɛkpɛanɔ mɛ ba yɛkɔ awɛɛ bagɛ be ti nyi kibuinyɛbui.

Romanɛ 16:18 Referans Kwoze

Koloseanɛ 2:4

Itsre nɔ kibui nɛ sɛ tɛ anɔnyanɔ atɛ ba wɔɛ nɔ nɛ̀ onugbu-tsyɛmɛtsyɛmɛ bui wuwlãnkɛ.

Filipianɛ 3:19

Balɛ tɛyɛyɛkɛ mɛna nu kɛdɔzizi, balɛ kpaya ye nu balɛ evu, klɛ balɛ ishubhubhui nɛ nu kɛwɔɛ̃. Balɛ atɔkpu nɛm alɛ kesukpɛa bha dɔ nɛ shu.

Mateo 7:15

“No lu awɔ̃ nɛ itro batɔnu. Baa ba wɔnɔ amɛ nɛ ibhoshi buplukpa kɛdɔnyunyumu mɛ, pɔ nɛ kɛmɛ, be nu ayakpam bukudzɔgɛ tsutsɔmɔ.

1 Timotio 6:5

anɛ ebui tsɛtsrakɛ kibenyɛbe nɛ banɔ atɔkpum zizi elete, gɛ ba nyɛna kɛgba nɛ ezuru nɛ balɛ ahwɛ klɛ ba bhɛtɛ kɛtɔkpum sɛ kpayamzɛza nɛ enu kidzoenu kɔ ehoeyi dɔ mumɔ.

2 Petro 2:3

Nɛ balɛ kɛdɔ gbɛgbla pɛpɛɛ badɔkasɛ ba be zuru nɔ nɛ ebuifɛfatɛ gɛ ba bhɛtɛ. Balɛ kɛpɔŋɛŋa sɔmɛ balɛ shu kukuku, klɛ balɛ butsi tɛ dɔ tra.

Yuɖa 1:16

Banɔa be nu banɔ gɛ bee tsi ishu klɛ bee bu buzizi akɔa nɔ; ba lɛ balɛnahwɛ butsutsɔmɔ pɛpɛ nɛede; bee feke ishu klɛ baa kpɛ banɔ bhlatɔ nɛ bugã, kɔ balɛ nahwɛ kɛdzyɔgo mumɔ.

2 Tɛsolonianɛ 2:10

klɛ nɛ kibui tsutsɔmɔ kanyaka gɛ wɛɛ bagɛ bee beke. Be beke alasɛ ba dɛ dɛmɛ asɛ tɛ ba ɖɔ kɛgba sɛ tɛ be bua lɛ.

Yuɖa 1:12

Banɔa nɛ be nu kibo nɛ wɔ anɔɛbui dɛdɛmɛ kɛdɔŋakɔ, ba ŋa kɛdɔ nɛ wɔ nɛ kibui bhli kanyaka mamɔ mamɔ—baga agbɛgbanɔ gɛ ba nyunɔ balɛ shu tite. Be nu ɛmunɔ gɛ tɛ dɔ subha, gɛ kɛlɛɛ fu flanɔ; ɛkɔpɔɛfube besi, gɛ eyuyu ama ɛlɛm, klɛ la kpa ɛlɛ nɛ igu—lɛ tsi etsi tabha.

Filipianɛ 2:21

Alasɛ anɔnyanɔ edi yɛ nahwɛ tɛpɛpɛ̃ ɔkɔ, anɛ bagɛ be nu Yesu Kristoa yɛ.

Galatianɛ 1:10

Ɔtsɔ̃nɛ ɛwlãnkɛ sɛ ɛmɔ ahwɛ tɛtrɔ denɔ banɔ kɔ pɛnɔ Kpaya kɔ? Pɛnɔ ɛwlãkɛ sɛ tɛ ɛku banɔ awɔ̃? Onugɛ ɛka wlãnkɛ sɛ tɛ ɛku banɔ awɔ̃, ɛtɛba dzi Kristo axwɛwa.

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Koloseanɛ 3:24

nɛ kɛbelɛlɛ gɛ onyi sɛ ɔbɔ yɛkɛ kededɔ denɔ Apalete nɛ ɔkɔ anasɛ ahwɛhuhu. Apalete Kristo nɔ dɛ axwɛ kɔ.

2 Kɔrintioanɛ 4:2

Nɛlɛede bu shɛnahwɛ ebui kpukpu anɛ̀ kɛwɔɛ̃ edzo nɛ shu lu, bu tɛyɛkɔ anɔ wuwɔɛ ebui, ɔdɔgɔsɛ bu tsyina Kpaya bui. Kɛlɛmaza, ganɔ kɛgbɛagba kɛkasɛ wee bulɔnahwɛ bu trɔ ahwɛ kɔ anɔnyanɔ bui bhɛbhɛtɛ nɛ Kpaya amɛ.

2 Kɔrintioanɛ 2:17

Bulɔ bu tɛ dzi anasɛ banɔ gelee, bu tɛ yɛkɔ Kpaya buiɖɛɖɔ akpɛ anasɛ kedzigɛga sɛ tɛ bu mɔ trɔ. Kɛlɛlɛ nɛede, nɛ Kristoe mɛ bu ɖɔaɖɔ nɛ Kpaya amɛ anɛ kɛdzyɔgo bhɛbhɛtɛ, anasɛ banɔ gɛ ba kpɛ denɔ Kpaya kɔ.

Romanɛ 16:19

Anɔnyanɔ eti nu wɔnɔ batɔtɛta nɛɛ dɔ, kɛlɛso, iyuku nɛ same nɛ wɔnɔ shu; pɔ ɛpɛɛ sɛ tɛ no tii bui odenɔ kɛgɛ nu kɛdzyɔgo nɛ shu, klɛ tɛ no ti kɛkanyaka denɔ buzizi shu.

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

Mateo 24:11

klɛ itro batɔnu gelee ba baa wɛ̃ klɛ la ba wɛɛ banɔ gelee.

Mateo 6:24

“Anɔnyanɔ atɛ ba na axwɛ dɛ kɔ baka tɛabha. Aba ɖɔ teli adɛ teli, klɛ aba mɔ ɔhwɛ kɔ teli adɛ teli. Ɔtɛ bɔɔ na axwɛ dɛ kɔ Kpaya anɛ Ehoeyi.

Tɛbubukasɛ 1:1

Yesu Kristo tɛbubukasɛ gɛ, Kpaya akɔ yɛ sɛ tɛ ayɛkɔ kasɛ yɛ baxwɛdɛ kɛgɛ baa ba kɛlɛ mɛ nɛ kibe kplitaa mɛ. Akɔ le ti lɛ ganɔ yɛ kpayaxwɛdɛ nɛ tɛkpɛkpɛ sɛsɛ yɛ axwɛdɛ Yohanɛsɛ,

Yuɖa 1:1

Yuɖa, Yesu Kristo axwɛdɛ anɛ Yakobo yɛadzya, Kɔ bagɛ be kulu, gɛ Kpaya Aka nɛ aɖɔ klɛ Yesu Kristo anyɛna evunɔ:

Yakobo 1:1

Mɛ Yakobo, Kpaya nɛ Apalete Yesu Kristo axwɛdɛ, Kɔ amadi lɔfɔntabha nɛ amadi nɛshi: Ɛsɛnɛ nɔ.

2 Kɔrintioanɛ 11:3

Pɔ isifu sɛ anasɛ gɛ eblidzya bushɛ wuwa wɔɛ Eva, wunɔ tɔkpuimɛ kɛba na tsyina lɛla denɔ wunɔ kɛmumɔ nɛ kɛdzyɔgo kɔ Kristo.

Romanɛ 14:18

alasɛ anɔnyanɔ gɛ akpɛ kɛtɔkpuesi kɔ Kristo nɛ kidzoe nɛa bha, kɛ ku Kpaya awɔ̃ klɛ banɔa trɔ ahwɛ kɛlɛa bha.