Romanɛ 16:12 - ONUGBÙ NYƐNYÃ VUVƆ

¹² Ɛsɛnɔ Traɛfena anɛ Traɛfosa, badzɛ alɛ nɛ gɛ awa kɛxwɛ gɛganɛɛ nɛ Apalete nɛ mɛ. Ɛsɛnɔ mɔbhɛa dzyɔgo Pɛsisɛ, enu adzɛ teli tsyɛ gɛ awa kɛxwɛ gɛganɛɛ nɛ Apalete nɛ mɛ.

Romanɛ 16:12 Referans Kwoze

1 Kɔrintioanɛ 16:16

tɛ nɔ zhi nɔ shu kɔ ebui anɛ di klɛ kɔ anɔnyanɔ gɛ eku wunɔɛ shi nɛ kɛxwɛ nɛ mɛ, klɛ tɛ awaɛlɛ.

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

1 Timotio 4:10

(klɛ kɛlɛ shu lɔ wɛxwɛ pɛ buu tɔ), bu tɛ yɛkɔ bulɔ kidzoenudidi nɛ kpɛ ɛkpã Kpaya nɛ mɛ, gɛ enu agɛ Ayɛyɛkɛkɔ banɔdzyrame nɛ petee, klɛ ɔyɛkɔdɛ kɔ bagɛ ba yɛkɛaŋa.

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

Koloseanɛ 1:29

Kɔ kɛnɛ obekekɔ ɛwaɛxwɛ, ɛwlãnkɛ nɛ yɛ kemikpɛkpɛ, gɛ kɛwa kemi shuixwɛ gɛganɛ nɛ mɛ mɛ.

1 Kɔrintioanɛ 15:10

Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

Mateo 9:38

No bisi Kɛxwɛaka sɛ tɛ asɛsɛ baxwɛwa nɛ buya nɛ mɛ.”

Mateo 5:47

Klɛ onu gɛ ɔɔsɛnɔ wadzyalɛ tite ko, kide kinu sɛ ɔɔbhɛtɛ dɛ bagɔgɔɛ? Sɛ bagɛ ba kpɛ kɛtɔkpuesi kɔ kɛdɔ bhlatɔ nɛ tsyɛ baa bhɛtɛ kana?

Romanɛ 16:11

Ɛsɛnɔ Heroɖiɔnɛ, mɛ eshopo. Ɛsɛnɔ Nasissusɛ bupamɛanɛ gɛ akpasɛ Apalete nɛ mɛ.

Romanɛ 16:13

Ɛsɛnɔ Rufusɛ, gɛ be bu denɔ Apalete nɛ mɛ, anɛ yɛeni, gɛ edzi eni kɔmɛ, tsyɛ.