Romanɛ 12:3 - ONUGBÙ NYƐNYÃ VUVƆ

³ Alasɛ ganɔ eshutukubui didi nɛ gɛ ba kɔm mɛ ɛɖɔ tsre wɔnɔmɛayɛ kanyaka sɛ: Nɔ tɔɔ di wɔnɔ shu nɛ ɔsɛ nɔ ɖama dɛ kana gɛ alasɛ tɛ nɔ za, pɔ no bui tɔkpum nɛ wɔnɔ shu nɛ ishubububɔ kebhuikuklum, ansɛ gɛ tɛyɛyɛkɛŋa tɛdzidze nɛm gɛ Kpaya akɔ nɔ.

Romanɛ 12:3 Referans Kwoze

Galatianɛ 6:3

Onugɛ anɔ teli edi shu sɛ enu kɛdɔ tili nɛ kɛbelɛlɛ gɛ edinu kɛdɔnyɛdɔ awɔɛ yɛnahwɛ shu.

1 Petro 5:5

Bayɛ̃sɔ, nɛ kidzolɛlɛ nɛabha nɔ zhinɔ shu kɔ bagɛ benu wɔnɔ beshishie. Wũnɔ petee, nɔ nyumu aglɔ nyɛnyɛna kɛpɔtɛ, alasɛ, Kpaya alɔɛtiti nɛ bagɛ befekɛshu nɛ shu pɔ akɔ ɛyɛmɛyuyɔ bagɛ be nyɛnashu.”

Romanɛ 12:16

Nɔ za terikpo bhɛbhɛtɛm nɛ ɔhaglɔ. Tɛ feke ishu, pɔ za tɛpɛpɛm sɛ tɛ ɔbhɛtɛ terikpo nɛ banɔ nɛ gɛ balɛ ɛzakɔ bhli. No ti ku ishuawɔ̃.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

Yakobo 4:6

Pɔ akɔ lɔ ɛyamyuyɔ gelee. Kɛlɛ so pɛ Kɛdɔŋuŋlɔmɛ nɛ ɖɔ sɛ, “Kpaya alɔ kititi nɛ agɛ efekeshu nɛ shu pɔ akɔ agɛ ezhinɔ ishuesi nɛ ɛyamyuyɔ.”

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

1 Kɔrintioanɛ 7:17

Anɔnyanɔ aza ɔkɛlɛ gɛ alɛ nɛ ɛkpã mɛ sɛ kɛgɛ Apalete nɛ akɔ yɛ klɛ kɔ kɛgɛ Kpaya eklu yɛ. Kɛnɛ kɛlɛ nu ɔshã nɛ gɛ ɛlu nɛ busɔlɛha petee mɛ.

Titusɛ 2:12

Lɔɔ kasɛ lɔ sɛ buɖɔ sɛ, “Ao” kɔ kpaya mɛ mazamaza anɛ kanɔmɛdɔ pɛpɛɛ, klɛ tɛ ɔna ishu ganɔ, tɛfuflɔ̃ anɛ kpayamzɛza ɛkpã nɛ ɔtsɔ̃ nɛa nɔmɛ,

Titusɛ 2:2

Kasɛ banɔ shishedɛ nɛ kɛdɔ sɛ tɛ be dzi banɔyuyɔ, gɛ bana sɛ tɛ be bu, gɛ baŋa ishuabha, klɛ ba gɛganɛ nɛ tɛyɛyɛkɛŋa mɛ, nɛ tɛɖuɖɔ anɛ tɛzɛza gɛganɛ mɛ.

2 Kɔrintioanɛ 12:7

Tɛ be bu mɛ edenɔ bugbɛgbla nɛ mɛ alasɛ ebui bubukasɛ gbɛgbla gɛ ɛmɔ, ɔkɛlɛ la kɔ mɛ ewui nɛ mɛ shuidzya mɛ, Satana axwɛdɛ tɛ etu mɛ.

Romanɛ 11:20

Yɛkɔɛ lɛ sɛ kɛ bɛɛ lɛm ana. Pɔ be dzyini lɛ atɛɛ̃ akpɛ mayɛkɛ mayɛkɛŋa so, klɛ oli titi nɛ tɛyɛyɛkɛŋɛa bha. Tɛ za ɔwɔ̃dzu mɛ, pɔ za kifusisi mɛ.

Romanɛ 1:5

Ganɔ yɛa bha anɛ yɛ kinyi nɛ so, bɔ yɛkɛ eshutukubui didi anɛ akpɛkpɛxwɛ sɛ tɛ ekulu banɔ denɔ bagɛ be di nu Yuɖanɛ nɛ petee mɛ kɔ batɔtɛta gɛ ede tɛyɛyɛkɛŋam.

1 Petro 1:13

Kɛlɛso nɔ kpɛ kɛtɔkpu mɛ kɔ tɛbhɛbhɛtɛ, nɔ nyɛna shu, nɔ za kidzodidi abha mɔmɔ kɔ kɛdɔkukɔ kɔ tɛ ba kɔ nɔ kibelɛlɛ nɛ gɛ be be bu Yesu Kristo akasɛ.

Titusɛ 2:4

Ka ba na bubite nɛ kɛdɔ kasɛ sɛ tɛ ba ɖɔ balɛ nyine alɛ anɛ beyi,

1 Kɔrintioanɛ 15:10

Pɔ nɛ Kpaya ɛyɛmɛyuyɔ enu agɛ enu, klɛ yɛ ɛyɛmɛyuyɔ kɔ mɛ kɛdi dzi kɛkpɛkpa. Oo, ɛwa kɛxwɛ dɛ balɛ petee—ganɛ mɛ nahwɛ, pɔ Kpaya ɛyɛmɛyuyɔ kɛlɛ za plɛnɔ mɛ.

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

Efesoanɛ 4:16

Denɔ yɛ mɛ ishuidzya petee, xogo klɛ lɛ nyana aglɔ nɛ tɛzɛ, klɛ lɛ bhɔ ishu trɔ nɛ tɛdɛdɛmɛ mɛ, anasɛ gɛ kapɛ nyɛapɛ wa yɛ shu axwɛ.

Luka 18:11

Farisi eyi alɔɛ titi klɛ eklukpaya kɔ ishu sɛ, ‘Kpaya! ɛhu wɔ ahwɛ sɛ, etidzi anasɛ banɔ bhlatɔ—bezi, ebuikpãbhɛtɛ, ɔmamɛadɛdɛ—pɛnɔ anasɛ adɔdzyɔ anɛ di.

Titusɛ 2:6

Kana ke, kpɛ banyɛ̃sɔ nɛ kemi sɛ tɛ baŋa ishua bha.

1 Timotio 2:15

Pɔ ba ba yɛkɛkɔ badzɛ ganɔ eyimumɔ mɛ— onu gɛ ba vɛ kɛlɛa bha nɛ tɛyɛyɛkɛŋa mɛ, tɛɖuɖɔ anɛ ishubhubhui anɛ ɛkpã nɛna zɛza.

1 Timotio 2:9

Ɛpɛ tsyɛ sɛ badzɛ nɛ baza kɛdɔ nyunyumu dzyɔgo mɛ, gɛ kɛ dɔamɛ klɛ kɛlɛ shu bhui, ganɛ kɛtɔkputɛka pupɔ ɔdɔgɔsɛ sɛkadzɛdzã ɔdɔgɔsɛ ehuikpɛkpã pɛ ɔdɔgɔsɛ kɛdɔ nyunyumu ŋɛŋaedzi,

1 Timotio 1:14

Ba yɛkɔ bulɔ Apalete nɛ ɛyamyuyɔ nɛ abalɛ mɛa bha gelee, ɔyɛkɔ plɛnɔ tɛyɛyɛkɛŋa nɛ tɛɖuɖɔ nɛ gɛ kpasɛ Kristo Yesu mɛ.

Efesoanɛ 3:4

Nɛ kɛnɛ tɛkɛkla, kɛlɛ, nɔ bɔ na mɛ bui nɛesi nu denɔ Kristo kibuikpukpu nɛ shu,

2 Kɔrintioanɛ 12:13

Kɛlɛ nɔ lɛesi kɔ basɔlɛha bhlatɔ, kɛlɛmazɛ lɛ mɛ ɛtɛ ba dzi kituku kɔ nɔ? Yɛkɔ buzizi nɛ ɔtsye mɛ!

1 Kɔrintioanɛ 3:10

Nɛ Kpaya kɛdɔkukɔ gɛ akɔ mɛ, idzu buvu nɛ kesi kpɛkpɛ dzyɔgo anasɛ evudzu gɛ avɛ otugba, klɛ anɔ teli tsyɛ èdzu atrɔ bulɛabha. Pɔ akanyaka nɔ edishuabha nɛ bulɛ tɛdzudzu.

Romanɛ 11:25

Badzya mɔ, ɛtɛɛ pɛ sɛ tɛ nɔ za matimatim ɔkɔ ebui kpukpua, sɛ tɛ nɔ tɛ bo ku ishuawɔ̃: Izraɛl atɛ za nɛ batɔm gɛganɛ edi nɛa pɛ tie lim ɔdɔnanɔ kibelɛ mɛ gɛ bagɛ dɛ nu Yuɖanɛ nɛ tɛkɛklam petee be tsoku.

3 Yohanɛsɛ 1:9

Ɛŋlɔmɛ keplukpa kɔ busɔlɛɔha, pɔ Diotrefɛse, gɛ anawɔ̃ faã sɛ tɛ edzi atɛtɔpu, adɛ pɛɛ sɛ tɛ abhɛtɛ kibuinyɛbui nɛ lɔ.

Koloseanɛ 2:13

Kibenɔ gɛ nɔ tsi nɛ wɔnɔ ebuizizi mɛ klɛ nɛ́ bunyɛnyɛ mabhuimabhui nɛ́ wɔnɔ ebuizizi bhɛbhɛtɛ, Kpaya abhɛtɛ nɔ lɛ nɛ ɛkpã anɛ̀ Kristo. Yɛ ya yɛkɔ bulɔ ebuizizi petee etsye,

Koloseanɛ 1:29

Kɔ kɛnɛ obekekɔ ɛwaɛxwɛ, ɛwlãnkɛ nɛ yɛ kemikpɛkpɛ, gɛ kɛwa kemi shuixwɛ gɛganɛ nɛ mɛ mɛ.

Efesoanɛ 3:2

Kɛlɛlɛmɛ sɛ nɔ tɛ nu ebui bhɛbhɛtɛ denɔ Kpaya ɛyamyuyɔ gɛ akɔ mɛ kɔ nɔ,

2 Kɔrintioanɛ 10:13

Bulɔ, kidzidzii dzi lɛ dzi, butɛ ba fekeshu dɔfla kidzo dɛ kɛ lɛ gɛ kɛ lɛ, pɔ bu ba zhinɔ bulɔ ishufifeke nɛabha zɛ waɛxwɛ nɛ gɛ Kpaya akɔ lɔ, kɛxwɛ nɛ gɛ kɛ ku wunɔ ahwɛ tsyɛ.

Filipianɛ 2:13

alasɛ Kpaya yɛ awaɛxwɛ nɛ wɔnɔ mɛ nɛ tɛpɛpɛɛ anɛ̀ tɛbhɛbhɛtɛ nɛ tɛtɛtrɔ dzyɔgo nɛ nu.