Romanɛ 12:16 - ONUGBÙ NYƐNYÃ VUVƆ

¹⁶ Nɔ za terikpo bhɛbhɛtɛm nɛ ɔhaglɔ. Tɛ feke ishu, pɔ za tɛpɛpɛm sɛ tɛ ɔbhɛtɛ terikpo nɛ banɔ nɛ gɛ balɛ ɛzakɔ bhli. No ti ku ishuawɔ̃.

Romanɛ 12:16 Referans Kwoze

1 Petro 3:8

Gugɔɛ, wũnɔ petee nɔ za nɛ aglɔbha nɛ terikpo bhɛbhɛtɛ mɛ anɛ aglɔ pɛplɛnɔɛ mɛ, nɔ dɛmɛnɔ aglɔ anasɛ badzya, nɔ di aglɔ eshutukubui nɛ ishunyɛnyɛna.

Hebriuanɛ 13:5

Nɔ bu kɔba dɛdɛmɛnɔ ebui nɛ wɔnɔ ɛkpã nɛ mɛ klɛ nɔ kɔ kɛgɛ lɛ wɔnɔahwɛ nɛ ku nɔ awɔ̃, alasɛ Kpaya aɖɔ asɛ, “Ɛtɛ ba shɛnahwɛ wɔnɔ shu di, ɛtɛ ba shɛ̃ lɔ nɔ di.”

Romanɛ 15:5

Kɔ Kpaya nɛ gɛ yɛa kɔ awɔ̃dzudzu anɛ kemikpɛkpɛ nɛ akɔ nɔ terikpo bhɛbhɛtɛ ɔfufɔɛ nɛ wɔnɔɛshi ansɛ gɛ nɔ lɛ Kristo Yesue de,

Romanɛ 12:3

Alasɛ ganɔ eshutukubui didi nɛ gɛ ba kɔm mɛ ɛɖɔ tsre wɔnɔmɛayɛ kanyaka sɛ: Nɔ tɔɔ di wɔnɔ shu nɛ ɔsɛ nɔ ɖama dɛ kana gɛ alasɛ tɛ nɔ za, pɔ no bui tɔkpum nɛ wɔnɔ shu nɛ ishubububɔ kebhuikuklum, ansɛ gɛ tɛyɛyɛkɛŋa tɛdzidze nɛm gɛ Kpaya akɔ nɔ.

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

Romanɛ 11:25

Badzya mɔ, ɛtɛɛ pɛ sɛ tɛ nɔ za matimatim ɔkɔ ebui kpukpua, sɛ tɛ nɔ tɛ bo ku ishuawɔ̃: Izraɛl atɛ za nɛ batɔm gɛganɛ edi nɛa pɛ tie lim ɔdɔnanɔ kibelɛ mɛ gɛ bagɛ dɛ nu Yuɖanɛ nɛ tɛkɛklam petee be tsoku.

Luka 14:13

Pɔ kɛbɛlɛmɛ sɛ oklu banɔ kɔ kɛdɔ ŋɛŋa, klu betsyutsyuini, bakpata, bagɛ ba ta na ga, awɔ̃hu pupu elete,

1 Kɔrintioanɛ 8:2

Anɔ nɛ gɛ ayɛkɔ sɛ enyi bui tili, eke ti anasɛ gɛ kɛlɛ sɛ tɛ eti.

1 Kɔrintioanɛ 6:5

Ɛɖɔ kibui nɛ sɛ tɛ ɛyɛkɔ kpɛ wɔnɔɛ wuɛ̃. Kɛ lɛlɛmɛ sɛ anɔnyanɔ ama wɔnɔɛ shi gɛ enyibui mɔmɔ gɛ ebe klu ke bhui nɛ basusɔlɛ shi?

Filipianɛ 4:2

Ɛkpɛtɔpuesi kɔ nɔ Ewudia klɛ ɛkpɛtɔkpuesi kɔ Sintitsyi tɛ nɔ dɛmɛ nɛ ɔhaglɔ anɛ́ Apalete nɛ mɛ.

1 Kɔrintioanɛ 4:10

Nɛ Kristo so bu nu bagã, pɔ nɔ nyi bui alasɛ nɔ nu Kristo ayɛ! Bu dɛ gɛganɛ, pɔ nɔ gɛganɛ! Bakpɛ wunɔ tɔkpu nɛabha, klɛ be zhinɔ bulɔ yɛ akpɛesi!

Luka 6:20

Yesu gɛ edi yɛ badɔkpasɛ, aɖɔ sɛ: “Bayula wunɔ agɛ nɔ dɔɛ tsyui, alasɛ wunɔɛyɛ klɛ nu Kpaya kusiŋakɔ

Mateo 26:11

Betsyutsyuini nɛ xũa lɛ wɔnɔ bha kibenyɛbe, mɛ pɔ nɛɛ nɔ tɛ bɔ mɔ mɛ kibenyɛbe nɛ wɔnɔ ɔbha.

Mateo 11:5

awɔ̃hũ pupuelete nɛ ba kpaa mɔ, akpatanɛ alɔa ga, bunya dzɛdzãelete nɛ banya nɛ ba shɛ, batɔpu nɛ ba kpa nu, betsitsi nɛ ba nyɛmɛ, klɛ ba ɖɔ kibui dzyɔgo nɛ etsre betsyutsyuini.

1 Petro 5:3

tɔ ŋa bukusi nɛ bagɛ lɛ wɔesi, pɔ odzi kɛdɔ gɛ bamɔabhɛtɛ kɔ Ibhoshiha.

Filipianɛ 3:16

Nɔ kɔ lɔ za liabha ko kɔ kɛgɛ bu tɛ za tsã.

Filipianɛ 1:27

Kibuinyɛbui gɛ kɛ baa, nɔ nyɛna wɔnɔ shu nɛ Kristo kibui dzyɔgo nɛ tɛzɛzam. Kɛlɛede, kɛba dzi sɛ ɛba pɛ ɛba mɔ nɔ ɔdɔgɔsɛ ɛba nu wɔnɔɛ dɔ nɛ mɛede, eba ti sɛ nɔ lɛ gɛganɛ nɛ ɔfufɔɛ torikpo mɛ, ɔwlãnkɛ ansɛ anɔ terikpo kɔ kibui dzyɔgo nɛabha yɛyɛkɛŋa

1 Kɔrintioanɛ 1:10

Nɛ bulɔ Apalete Yesu Kristo nyi mɛ, madzyalɛ mɔ ɛkpɛ lɛ nɛ wunɔ ɔkɔ sɛ, wunɔ petee nɔ za terikpo nɛ aglɔ sɛ tɛ tɛpupɔɛhle kɛta za wunɔɛ shi klɛ sɛ tɛ nɔ bhɛtɛ terikpo mɔmɔ nɛ́ wunɔ atɔkpu mɛ anɛ alɛmɛ tɛbhɛbhɛtɛ.

Axwɛwɛwa 4:32

Bagɛayɛkɛaŋa nɛ petee ba za nɛ idzyi anɛ kɛtɔkpum tirikpo. Anɔnyanɔ edi klu kɛnɔmɛdɔ kanyaka sɛ yɛnahwɛ yɛ, pɔ ba ma kɛdɔnyɛdɔ gɛ za balɛ ahwɛ nɛ ɔhaglɔ.

3 Yohanɛsɛ 1:9

Ɛŋlɔmɛ keplukpa kɔ busɔlɛɔha, pɔ Diotrefɛse, gɛ anawɔ̃ faã sɛ tɛ edzi atɛtɔpu, adɛ pɛɛ sɛ tɛ abhɛtɛ kibuinyɛbui nɛ lɔ.

Romanɛ 6:2

Kidzonyɛdzo ma na! Bu tɛ tsi kɔ buzizi, klɛ bu zɛ ba za bulɛ mɛ fla vɛnɔ?

Romanɛ 11:20

Yɛkɔɛ lɛ sɛ kɛ bɛɛ lɛm ana. Pɔ be dzyini lɛ atɛɛ̃ akpɛ mayɛkɛ mayɛkɛŋa so, klɛ oli titi nɛ tɛyɛyɛkɛŋɛa bha. Tɛ za ɔwɔ̃dzu mɛ, pɔ za kifusisi mɛ.