Romanɛ 12:13 - ONUGBÙ NYƐNYÃ VUVƆ

¹³ Shɛ̃nahwɛ kɛdɔ shu ɔkɔ Kpaya banɔ nɛ gɛ ba pɛ dɔ. Yɛkɔ ɛyamyuyɔ ɔkpɛ tɛbhɛbhɛtɛm.

Romanɛ 12:13 Referans Kwoze

Hebriuanɛ 13:16

Klɛ tɛ dzɛkɛ kɛdɔ dzyɔgo bhɛbhɛtɛ shu lu klɛ tɛ ɔkɔ wɔhaglɔɛ dɔ, alasɛ buguɛ nɛdi bulɛ ku Kpaya awɔ̃.

2 Kɔrintioanɛ 9:12

Kɛxwɛwɛwa nɛ gɛ nɔ bhɛtɛ ganɛ sɛ Kpaya banɔ ko nɔ kɔ balɛ dɔ pɛpɛɛ, pɔ kɛlɛ tsyɛ nu ebui yukugbɛgba ɖuɖɔ gelee anɛ́ ahwɛhuhu kɔ Kpaya.

1 Yohanɛsɛ 3:17

Onugɛ kanɔɛmɛdɔ lɛ anɔteli ahwɛ klɛ amɔ sɛ kɛdɔnyɛdɔ ma yɛ adzya ahwɛ pɔ edi di yɛ eshutukubui, kɛlɛ Kpaya tɛdɛdɛmɛnɔ ba za yɛ mɛ?

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

1 Petro 4:9

Yɛkɛ ɔhaglɔ ɔkpɛ bupa mɛ nɛ ishu matsimatsi.

Galatianɛ 6:10

Kɛlɛso, anasɛ gɛ bu mɔ kibe dzyɔgo, nɔ kɔ lɔ bhɛtɛ kɛdzyɔgo kɔ banɔnyanɔ, kɛlɛ mumɔ kɔ ba gɛ be nu beshopo bayɛyɛkɛŋa.

Hebriuanɛ 13:2

Nɔ tɛ shɛnahwɛ bɛfu yɛyɛkɛ shu lu, alasɛ nɛ kɛlɛ mɛ banɔ tɛli bayɛkɛ kpayaxwɛdɛ nɛ matimati mɛ.

1 Timotio 3:2

Ɔtsɔ̃ nɛɛ, abhaŋa alasɛ tɛ aɖama dɛ kɛpɔbubu, edzi adzɛ terikpo yɛenyine, gɛ adɔfɔɔ̃, aŋa ishuabha, anɔ gɛ be be bu yɛbui, ayɛkɛ anɔ, klɛ aba na kɛdɔ kasɛ,

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

Mateo 25:35

Alasɛ bubhɛ yim klɛ nɔ kɔ mɛ kɛdɔ mɛ ŋa, oniwɛ ɔtam klɛ nɔ kɔ mɛ kɛdɔ tili mɛ wɛ̃, idzi efu klɛ no kulu mɛ ɔmɛna wɔnɔ mɛ,

Filimɔnɛ 1:7

Wɔ tɛɖuɖɔ nɛ kɔ mɛ same piim kemikpɛkpɛ, alasɛ wɔ, adzya, ɔkpɛ kpaya banɔ nɛ idzyi same.

Titusɛ 1:8

Nɛ kɛlɛ shu so alasɛ tɛ edzi anɔ gɛ aba yɛkɛ anɔ, anɔ gɛ aɖɔ kɛdzyɔgo, gɛ aŋashuabha, gɛ afulɔ̃, yɛ shu bhui klɛ atatɔ.

2 Kɔrintioanɛ 9:1

Kɛma kɔ mɛ sɛ tɛ ɛŋlɔmɛ kɔ nɔ denɔ axwɛ nɛ gɛ nɔ wa kɔ kpayabanɔ.

Axwɛwɛwa 10:4

Kɔneliusɛ edi yɛ nɛ kifu sisim. Klɛ ebisia sɛ, “Kide gɛ ba, Apalete?” Axwɛdɛ nɛ asɛ, “Wɔ kpayakuklu nɛ betsyutsyuini kɛdɔkukɔ kɛ ba dzi kɛdɔkukɔ gɛ batɛ ba dzɛkɛ nɛ Kpaya amɛ.

Axwɛwɛwa 4:35

klɛ ba yɛkɔ ebe lu banɔkpɛkpɛ nɛ etem, klɛ ba ma yɛ akɔ anɔnyanɔ gɛ azhã.

1 Kɔrintioanɛ 16:15

Nɔ nyi sɛ Stefanas nɛ yɛ bupa balɛ dzi banɔ tɛtɔpu gɛ be tsyinaɛtemɛ nɛ Akaya, klɛ ba yɛkɔ balɛshu akɔ gɛ ba wa axwɛ kɔ kpayabanɔ. Ɛpɛɛ denɔ wunɔ ahwɛmɛ, badzya mɔ,

Romanɛ 12:8

onu kɛ nu kemikpɛkpɛ, kɔ yɛ akpɛ anɔ kemi, onu kinu kɛdɔdzyudzyɔ kɔ banɔ bhlatɔ, kɔ akɔɛ lɛ nɛ yɛ yam petee, onu kinu anɔnuzɛza, kɔ yɛ agbanɛ anɔ mɔmɔ; onu kinu eshutukubui didi, kɔ abhɛtɛ lɛ nɛ same.

Titusɛ 3:14

Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

3 Yohanɛsɛ 1:5

Ɔbhɛya mumɔa, tɛyɛyɛkɛŋa lɛ wɔ ahwɛ nɛ kɛdɔ nɛ gɛ ɔbhɛtɛ kɔ badzya, kɛlɛlɛmɛ tsyɛ sɛ be nu befu kɔ wɔ.