Romanɛ 12:12 - ONUGBÙ NYƐNYÃ VUVƆ

¹² Nɔ mɔ same nɛ kidzoenu didi mɛ, dɔ fɔɔ̃ nɛ wɔ batɔ nɛm, za tɛyɛyɛkɛŋam nɛ Kpaya kuklum.

Romanɛ 12:12 Referans Kwoze

Romanɛ 15:13

Kɔ kidzoenu didi Kpaya nɛ eyuku nɔm nɛ same anɛ ishuyuyɔ ansɛ gɛ nɔ yɛkɛ yɛa bha ɔŋa, sɛ tɛ no bo yuku ɔgbɛgba nɛ kidzoenu didi ganɔ Ɔfufɔɛ Dzyɔgo anɛ kemi mɛ.

Hebriuanɛ 10:36

Kɛlɛ sɛ tɛ nɔ dɔ fɔɔ̃ tɛ nɔ bhɛtɛ Kpaya tɛpɛpɛɛ klɛ tɛ nɔ yɛkɛ kɛgɛ baɖɔlu kɔ nɔ.

1 Petro 4:13

Pɔ nɔ mɔ same sɛ nɔ bhɛtɛ tili nɛ Kristo butɔ mumɔ nɛ mɛ, sɛ tɛ nɔ bɔ mɔ same ɔflanɔ kibenɔ nɛ gɛ be bu yɛ ishubhubhui nɛ akasɛ.

Yakobo 5:7

Kɛlɛa lɛ, madzyalɛ mɔ, nɔ dɔ fɔ̃ɔ, ɔdɔ nanɔ Apalete nɛ tɛbɛba. No di kana gɛ ayadɛ nɛ eepo kesukpa nɛ asɛ tɛ ke yu kɛdɔɖɛɖa nɛ kana gɛ adɔ fɔ̃ɔ eepo subhavuvɔ anɛ ekukum ayɛ nɛ tɛbɛba.

Hebriuanɛ 6:15

Klɛso gɛ aze po nɛ tɛdɛdɔfɔɔ̃, Abraham ayɛkɛ bunuwã kpɛkpɛ dɔ.

Hebriuanɛ 6:12

Bu tɛ pɛɛ sɛ tɛ nɔ zɔ vɔ, pɔ nɔ di ba gɛ ganɔ tɛyɛyɛkɛŋa nɛ tɛdɛdɛ fɔɛ̃ mɛ pɛ ba bayɛkɛ kɛ gɛ baɖɔ tsre alɛ sɛ ba ba kɔ alɛ.

Filipianɛ 4:4

Nɔ mɔ same nɛ́ Apalete nɛ mɛ kibenyɛbe. Ɛka baɖɔ lɛ sɛ: Nɔ mɔ same!

Hebriuanɛ 12:1

Kɛlɛso, bebuimɔɖɔ gɛ la kana lɔ anasɛ ɔmunɔ gelee, nɔ kɔ lɔ bu ebui tsyɛtsyanɔ kanyãka anɛ ezizi gɛ la nyɛna lɔ nɛ tɛ̃, klɛ nɔ kɔ lɔ yɛkɔ amɛgɛganɛ kpanisi tɛ lɔ bu tisisi gɛ kɛlɛ kɔlɔ.

Koloseanɛ 4:2

Yɛkɔ kpayakuklu ɔkpɛ kɛxwɛ, awɔ̃zɛza anɛ̀ ahwɛhuhu.

2 Tɛsolonianɛ 3:5

Kɔ Akagbla nɛ etsyina wɔnɔ idzyi nɛ akpɛ Kpaya anɔ ɖuɖɔ anɛ Kristo kanyɛtsitsi mɛ.

1 Tɛsolonianɛ 5:8

Pɔ gɛ bulɔ bu nu kelizɛza mɛ banɔ, nɔ kɔ lɔ ŋa ishuabha, tɛ bu yɛkɔ tɛyɛyɛkɛŋa anɛ tɛɖuɖɔ kpla ansɛ kitemɛnyadɔ, anɛ tɛbubu kidzoenu didi ansɛ ɔɖa kikutu.

Axwɛwɛwa 1:14

Balɛ petee ba za ketsukpɛkpɛm kibenyɛbe eeklukpaya, ɔyɛkɔplɛnɔ badzɛ anɛ Maria Yesu yɛeni, anɛ Yesu yɛadzyalɛ.

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

Hebriuanɛ 10:32

Nɔ baka ewui nɛ gɛ la ba fla gɛ nɔ yɛkɛ Kpaya yɛ bui nɛ beke, gɛ nɔ za wɔnɔ ɔzakɔ nɛ tɛwɛ̃wlãnkɛ gɛganɛ anɛ ebuiamɛ mumɔ mɛ.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

Koloseanɛ 1:11

akɔ lɔ tɛgɛganɛ nɛ̀ yɛ kemi petee anɛ́ yɛ kabhaŋɛŋa sɛ tɛ nɔ bɔ yɛkɛ kɛxwɛwɛwa gbɛgbla, nɛ ishu bububɔ anɛ̀ samemumɔ

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.

Tɛbubukasɛ 13:10

Onu gɛ anɔ teli alɛ asɛ tɛ etsoku tɛvuvu mɛ, tɛvuvu mɛ koe be tsoku. Onu gɛ anɔ teli alɛ asɛ tɛ be yi yɛ nɛ ɛhɛɛ, ɛhɛɛ la ba yɛkɔ eyi yɛ nɔ. Kɛɛ nɛ nɛ bisi sɛ tɛdudɔfɔ̃ mɛ zɛza anɛ tɛyɛyɛkɛŋa nɛ banɔnɛna nɛa pɛ mɛ.

2 Petro 1:6

klɛ kɔ kibuititi, ɛshu nyɛnyɛna, klɛ kɔ ishu-nyɛnyɛna, kɛxwɛwɛwa, nɛ̀ kɔ kɛxwɛwɛwa, kpayamɛzɛza,

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

2 Tɛsolonianɛ 1:4

Kɛlɛ so, nɛ Kpaya busɔlɛha nɛɛ shi bu feke shu nɛ wɔnɔɛ kɛxwɛ gɛganɛ wɛwa anɛ tɛyɛyɛkɛŋa nɛ gɛ lɛ nɔ ahwɛ nɛ tɛkpɛkpatɔnɔ anɛ tɛfifekedi nɛ mɛ gɛ nɔɔ ga.

1 Kɔrintioanɛ 13:13

Klɛ ɔtsɔ̃nɛ ebui tata ala gɔ: tɛyɛyɛkɛŋa, kidzoenudidi anɛ tɛdɛdɛmɛnɔ. Pɔ kɛ gɛ tridɛ nɛ alɛ mɛ kɛlɛ nu tɛdɛdɛmɛnɔ.

Romanɛ 15:4

Alasɛ kɛdɔnyɛdɔ gɛ ba ŋlɔmɛ elu aba fla ba ŋlɔmɛ kɛlɛ sɛ tɛ ba yɛkɔ akasɛ lɔɛdɔ nɔ, sɛ tɛ ganɔ awɔ̃dzudzu mɛ nɛ Kpayɛbuieplukpa anɛ kemikpɛkpɛ lɔ mɛɛ tɛ bu mɔ kidzoenudidi.

Luka 21:19

Tɛzɛza mɔmɔ ba kɔ wɔ za nɛ kpã.

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

1 Petro 4:7

Ebui nɛ petee obekekɔ lɛ tsobunɔ. Kɛlɛso kɔ wɔɛ tɔkpu mɛ bhui anɛ̀ ishu-nyɛnyɛna sɛ tɛ nɔ na kpayaklu.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Koloseanɛ 1:27

Kɔ ba gɛ Kpaya eklu tɛ akɔ balɛmɛ Bagɛdinu Yuɖanɛ tii kabhaŋɛŋa ehueyi yɛ ebuikpukpu gɛ kɛ nu Kristo nɛ wɔnɔɛ mɛ, kidzoenu didi kabhaŋɛŋa.

Romanɛ 8:25

Pɔ onu gɛ bu di kidzoenu kɔ kɛgɛ ka za lɔ ahwɛ, bu poe lɛ nɛ tɛdudɔfɔ̃ mɛ.

Titusɛ 3:7

sɛ tɛ, yɛ ɛyamyuyɔ nɛ tɛ dzyɔ lɔ, bu ba dzi beyi gɛ kidzoenudidi lɛ bulɔ ahwɛ anɛ ɛkpã mabeke mabeke mɛ.

2 Timotio 3:10

Pɔ wɔ xũ, onyi kibuinyɛbui di odenɔ mɛ kɛdɔkɛkasɛ nɛ shu, mɛ ɛkpã zɛza, mɛ kɛdɔnɔ nɛ so, tɛyɛyɛkɛŋa, tɛdudɔfɔɔ̃, tɛɖuɖɔ, kanyɛtsitsi,

1 Tɛsolonianɛ 1:3

Bu lɛ kɛlɛa bha baka nɔ nɛ bulɔ Kpaya anɛ Aka nɛ amɛ wɔnɔ kɛxwɛwɛwa nɛ gɛ tɛyɛyɛkɛŋa bhɛtɛ, wɔnɔ kɛxwɛwɛwa nɛ gɛ tɛɖuɖɔ mɛna, anɛ wɔnɔ kanyɛtsitsi nɛ gɛ ka ba denɔ kidzoenudidi mɛ anɛ bulɔ Apalete Yesu Kristo mɛ.

Filipianɛ 3:1

Gɔgɔɛ nɛɛ, madzyalɛ mɔ, nɔ mɔ same nɛ Apalete nɛ mɛ! Ganɛ butɔ lɛ nu kɔ mɛ sɛ tɛ ɛfla ŋlɔmɛ kɛdɔɛ lɛlɛ nɛ ke kɔ nɔ, alasɛ kɛ nu ishupupo kɔ nɔ.

2 Kɔrintioanɛ 12:8

Atɛ tata mɛ kpɛ kɛtɔkpuesi kɔ Apalete sɛ tɛ ebui lɛ ekoeyinɔ nɛ mɛ mɛ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Axwɛwɛwa 12:5

So nɛɛ banyɛna Petro evunɔ nɛ buvu, pɔ busɔlɛ ɔha nɔ za Kpaya tɛkuklua bha gɛganɛɛ nɛ yɛ kɛtɔkpu.

Axwɛwɛwa 6:4

tɛ bulɔ bu yɛkɔ ishu kɔ Kpaya kuklu anɛ yɛ kibui nɛ tɛɖuɖɔ.”

Axwɛwɛwa 2:42

Ba yɛkɔ balɛ ishu akɔ Banɔkpɛkpɛ anɛ kɛdɔ kɛkasɛ nɛ ketsukpɛkpɛ, kɔ kɛdɔŋɛŋa nɛ kɔ kpayakuklu.

Luka 10:20

Pɔ, nɔ tɛ mɔ same sɛ ɛfufɔɛ nɛ kɔ nɔɛ tɔkpu, pɔ nɔ mɔ same sɛ ba ŋlɔmmɛ wunɔ enyi nɛ owũsise.”

Mateo 5:12

Nɔ mɔ same tɛ nɔ wɔ, alasɛ wɔnɔɛ bhɛ tri nɛ owũsise, alasɛ kidzoe lɛ nɛ dia bha ke la ga pɛ ba kpatɔnɔ batɔnu nɛ gɛ eputɔ kɔ nɔ.