Romanɛ 11:22 - ONUGBÙ NYƐNYÃ VUVƆ

²² Klɛso luawɔ̃ nɛ Kpaya ɛyamyuyɔ nɛ yɛ amɛgɛganɛ: amɛgɛganɛ anɛ bagɛ ba wɔlɛ, pɔ ɛyamyuyɔ kɔ wɔ, onu gɛ ɔbɔ vɛ kɛlɛa bha nɛ yɛ yamyuyɔ nɛ na. Odinuana, wɔ tsyɛ be be bhui wɔ atɛɛ̃.

Romanɛ 11:22 Referans Kwoze

Hebriuanɛ 3:14

Bu ba sɛ tɛ bubhɛtɛ terikpo nɛ Kristo onugɛ bu nyɛna yɛ gɛganɛ ɔdɔtɔnɔ tɛbibeke anɛ tɛyɛyɛkɛŋa gɛ bunyɛna vunɔ denɔ kesikpɛkpɛ.

Hebriuanɛ 3:6

Pɔ Yesu abhɛtɛ atrɔ ebui nɛabha anasɛ Kpaya yɛ yi nɛ yɛ bupa nɛ mɛ. Bulɔ nu yɛ bupa, onugɛ bu yɛkɔ ishu trɔ yɛabha klɛ budi yɛ dzoenu nɛ tɛyɛyɛkɛŋa.

1 Kɔrintioanɛ 15:2

Ganɔ kibui dzyɔgo nɛabha be bhuinɔayɛkɛ, onugɛ nɔnyɛna gɛganɛ kibui dzyɔgo nɛ gɛ ɛɖɔ tsre nɔ. Odunusɛ, wunɔ kabhaŋɛŋa kɛdinu kɛdɔ dzyɔgo.

Yohanɛsɛ 15:2

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

Tɛbubukasɛ 2:5

Baka ɔkɛlɛ gɛ ɔtɛ wɔlɛ ode! Tsyina kitem tɛ ɔbhɛtɛ ebui nɛ gɛ ɔbhɛtɛ putɔnɔ. Onu gɛ ɔdɛ tsyina kite mɛ, ɛba tɔnɔ wɔ ba klɛ ɛba nyɛna wɔ kanɛgbɛosi nɛ yɛkɔ nɛ ɔlɛ ɔzakɔ.

Galatianɛ 6:9

Nɔ tɛ kɔ lɔ tɔ nɛ kɛdɔ dzyɔgo bhɛbhɛtɛ mɛ, alasɛ nɛ kibe dzyɔgoɛ mɛ bu ba tsui dɔ gelee onugɛ bu dɛ zukɔlɔ lɛ bhɛbhɛtɛ.

Romanɛ 2:7

Banɔ nɛ gɛ ganɔ tɛyɛyɛkɔ trɔshu nɛ kɛdzyɔgo bhɛbhɛtɛ mɛ pɛ ba pɛɛ ishubhubhui, kabha kpɛkpɛ anɛ ɛkpãzɛza, aba kɔ ɛkpã mabeke mabeke.

Hebriuanɛ 10:23

Nɔ kɔlɔ nyɛna gɛganɛ kɛdzoenudidi gɛ bubu ɖɔ, alasɛ agɛ atɛɖɔlu enu ayɛyɛkɛŋa.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Yohanɛsɛ 8:31

Kɔ Yuɖanɛ gɛ ba yɛkɛ yɛabhaŋa, Yesu aɖɔ sɛ, “Onugɛ nɔ nyɛna mɛ kɛdɛkɛkasɛ nɛ mɛ ovunɔ, no nu mɛ badɔkpasɛ kɛgbɛagba.

1 Tɛsolonianɛ 3:8

Nɛ ɔtsɔ̃ nɛ mɛ bu lɛ, nɛ kibe lɛ gɛ no li kititi gɛganɛɛ nɛ Apalete nɛ mɛ.

Axwɛwɛwa 11:23

Gɛ ede ku ɔkɛlɛ amɔ Kpaya ɛyamyuyɔ nɛ kɛdɔbhɛbhɛtɛ nɛ ɔkɛlɛ, klɛ so amɔ same klɛ akpɛa lɛ petee bugɛganɛ sɛ ba za kɛgbam nɛ Apalete anɛ balɛ idzyi petee.

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

1 Tɛsolonianɛ 3:5

Kibui nɛ so, gɛ ɛtɛa na kɛlɛ nu za, ɛkpɛ odu sɛsɛ sɛ tɛ iti kibui denɔ wɔnɔ tɛyɛyɛkɛŋa nɛ shu. Ɛganɔ awɔ̃ sɛ nɛ kidzo tilia bha Satana eti be feke nɔ edi klɛ bulɔ tɛ tɛbhɛbhɛtɛ nɛ tɛa ba za kibuinyɛbui mɛ.

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.

Romanɛ 11:21

Alasɛ onu gɛ Kpaya adɛ yɛkɔ etsye osishɛ nahwɛ, atɛ ba yɛkɔ etsye wɔ tsyɛ.