Romanɛ 11:2 - ONUGBÙ NYƐNYÃ VUVƆ

² Kpaya adɛ shɛ̃nahwɛ yɛanɔalɛ nɛ shu, gɛ eputɔenyi. No tinyi kɛdɔnɔ nɛ gɛ Kpayɛbuieplukpa nɛ aɖɔ denɔ Eliya shu— kana gɛ ebisi Kpaya kititilulɔ nɛ Izraɛl shu:

Romanɛ 11:2 Referans Kwoze

1 Petro 1:2

gɛ be klu nɛ́ Kpaya Aka yɛ dɔdidi kpɛ otugba, ganɔ Ɔfufɔɛ nɛ kɛxwɛwɛwa nɛ shu dɛdanɛ kɔ batɔ tɛta Yesu Kristo klɛ nɛ yɛ dzyosu tɛtɛta balɛ: Kɛdɔkukɔ anɛ ishuyuyɔ dzi wɔnɔɛ yɛ nɛ tɛkpikpe mɛ.

Romanɛ 9:23

Kide lɛ nu, onu gɛ abhɛtɛ ana sɛ tɛ be ti yɛ ishubhubhui mɛ kesrɔdɔ kɔ yɛ eshutukubuididi, nɛ gɛ be putɔ abala lu kɔ ishubhubhui—

Axwɛwɛwa 3:17

“Badzya mɔ, ɔtsɔ̃ nɛɛ, ɛmɔ sɛ ganɔ matimatim nɔ bhɛtɛ kana, ansɛ gɛ baga gbanɔ nɔ tsyɛa bhɛtɛ.

Romanɛ 9:6

Anɛ sɛ gɛ Kpaya kibui nɛ dɛ ba kɛlɛ mɛ. Alasɛ ganɛ banɔ nɛ petee gɛ ba mɔ denɔ Izraɛl nɛ balɛ nu Izraɛlanɛ.

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.

Axwɛwɛwa 7:40

Be tsre Arɔn asɛ, Bhɛtɛ bakpaya kɔ lɔ gɛ ba za otugba kɔ lɔ. Mosea nɛ xũ nɛɛ gɛ agbanɔ lɔ denɔ Egibite—buti nyi kɛdɔnɔ nɛ gɛ bhɛtɛ yɛ!’

Yohanɛsɛ 4:11

Adzɛ nɛ aɖɔ sɛ, “Apalete, kɛdɔnyɛdɔ ma wɔ ahwɛ gɛ ɔbɔ yɛkɔ oshui buni nɛ nɔ klɛ kizi nɛ dzu. Fakɔ ɔbɔ dɛnɔ ɛkpã ni nɛ?

Luka 4:1

Yesu, Ɔfufɔɛ dzyɔgo nɛ yuku yɛ, etsodzi ede Yɔdan klɛ Ɔfufɔɛ nɛ ɔgbanɛ yɛ avɛnɔ odzogbe,

Hebriuanɛ 1:1

Nɛ kibe gɛ kɛbafla Kpaya aɖɔaɖɔ kɔ bulɔ bakashishe ganɔ atɔnu abha nɛ kibe gelee anɛ edzo gelee mɛ,

Filipianɛ 1:22

Onugɛ ɛba za kɛlɛabha zanɛ kpã nɛ ishuidzya mɛ, kɛnɛ kɛ ba dzi kɛxwɛwɛwa eyuyu kɔ mɛ. Pɔ kiɖueɖu ɛba yɛkɔ? Iti nyi!

Axwɛwɛwa 15:18

gɛ la lɛ tɛtitim kibe gelee.

1 Kɔrintioanɛ 6:2

Nɔ tinyi sɛ banɔnɛna nɛ be klu kebhui nɛ kanɔ? Klɛ onugɛ nɔ bɔ klu kebhui nɛ kanɔ, nɔ tibɔna bu bhui bhlibhli nɛ klu?

Marko 12:26

Ɔtsɔ̃ nɛɛ, nɛ anɔ tsitsi tɛlulɔ shu, nɔ dɛ kla nɛ Mose keplukpa nɛ mɛ, denɔ yɛ ayakpa mɛ zɛza shu, nɛ kana gɛ Kpaya aɖɔ etsre yɛ asɛ, ‘Mɛ nu Abraham Kpaya, Isakɛ Kpaya, anɛ Yakobo Kpaya,’

Romanɛ 6:16

No ti nyi ɔsɛ onu gɛ nɔ yɛkɔ wɔnɔ shu ɔkɔ anɔ teli sɛ tɛ nɔ ta yɛatɔ ansɛ yɛ anɔdzidzi ana, no nu banɔdzidzi kɔ agɛ yɛ nɔ tatɔ— kii dzi sɛ banɔdzidzi kɔ buzizi, gɛ gbanɔ anɔ kpɛ butsi mɛ, ɔdɔgɔsɛ batɔtɛta, gɛ aba gbanɔ nɔ avɛnɔ tɛnɛnamɛzɛza?

1 Kɔrintioanɛ 8:3

Pɔ anɔ nɛ gɛ adɛmɛ Kpaya bui Kpaya enyi anɔ alɛlɛ.