Romanɛ 10:2 - ONUGBÙ NYƐNYÃ VUVƆ

² Alasɛ ɛba naa ɖɔ denɔ balɛ shu sɛ ba lɛ Kpaya tɛpɛpɛa bha gɛganɛɛ, pɔ balɛ tɛpɛpɛ nɛ de bhɔ trɔ kibuititia bha.

Romanɛ 10:2 Referans Kwoze

Axwɛwɛwa 21:20

Gɛ be nua na nɛɛ, ba kpɛ Kpaya nɛa bha. Kɛlɛ ba ɖɔ tsre Paolo asɛ: “Ɔmɔ nɛɛ, madzya, Yuɖanɛ akpã tashɛ̃ gɛ atɛ yɛkɛ aŋa, klɛ balɛ petee balɛ gɛganɛɛ kɔ ɔshã.

Filipianɛ 3:6

nɛ kemi kpɛkpɛ mɛ, kititilulɔ nɛ busɔlɛɔha nɛ shu; nɛ tɛnɛna nɛ ɔshã nɛ nu, kizizi ma.

Filipianɛ 1:9

Klɛ kɛnɛ kɛlɛ nu mɛ kpayakuklu: sɛ wɔnɔ tɛɖuɖɔ nɛ yuku gbɛgba tsodzini gbɛgba anɛ́ kɛbuititi anɛ̀ ishumdzudzu vɛvɛ,

Romanɛ 10:3

Gɛ kɛ lɛ kɛlɛm sɛ be tinyi tɛnɛnamɛzɛza nɛ gɛ de Kpaya ɔkɔ klɛ la lɛ kɛlɛe de sɛ tɛ be dzu balɛ nahwɛ yɛesi, ba dɛ kpɛ kɛtɔkpuesi kɔ Kpaya tɛnɛnamɛzɛza.

Galatianɛ 1:14

Ɛvɛ otugba nɛ Yuɖasɔlɛ dɛ Yuɖanɛ gelee gɛ bulɔ nɛ balɛ lɛ agɔ terikpo mɛ klɛ ɛza kemi gɛganɛ nɛ makalɛ begu nɛabha.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

2 Kɔrintioanɛ 4:6

Alasɛ Kpaya gɛ aɖɔ sɛ, “Kɔ kifu nɛ tã denɔ otumu mɛ,” bhɛtɛ yɛ fu tɛ kɛtã nɛ bulɔ idzyi mɛ tɛ kɛkɔ lɔ kifu buititi nɛ́ Kpaya kabhaŋɛŋa nɛ Kristo amɛ.

Axwɛwɛwa 22:3

“Mɛ inu Yuɖa eyi, gɛ bamɔ nɛ Tarsusɛ nɛ Silika, pɔ ba nyunɔ mɛ nɛ ɔmagbla nɛ mɛ. Gɛ ɛza Gamaliɛl esi ba nyunɔ mɛ mɔmɔ nɛ blɔa kalɛ ɛshã nɛm klɛ mɛ ɛlɛ kemi nɛ Kpaya kibui nɛm ansɛ gɛ wɔnɔmɛayɛ kanyaka alɛ nɛ obo nɛ mɛ.

2 Kɔrintioanɛ 8:3

Alasɛ ɛɖɔaɖɔ sɛ ba kɔɛdɔ gelee anasɛ gɛ ba bana, klɛ kɛ dɛ kɛna gɛ ba bana nɛ tsyɛ. Nɛ balɛ ishuahwɛ ba kɔ kɛdɔ,

Axwɛwɛwa 21:28

nɛ igugu kpɛkpɛ sɛ, “Izraɛl banyɛ mɔ, nɔ plɛnɔ lɔ mɔ! Anyɛ nɛ gɛ akasɛ anɔnyanɔ kɛdɔ nɛ ɔkɔnyɔkɔ akɔ lɔ kititi nɛ blɔ nɛ blɔ ɛshã nɛ shu nɛ ɔkɛ̃ nɛ petee nɛ naa. Klɛ nɛ klɛede nɛɛ, agbanɔ Grikanɛ ayɛkɔ amɛna blɔ busɔlɛvu nɛm gɛ kinu ogu kpɛkpɛ blɔ buvu nɛm kɔlɔ.”

Galatianɛ 4:15

Kide kɛlɛba nɛ wɔnɔ same petee gɛ nɔ mɔ nɛ shu? Ɛba na ɖɔ sɛ, onugɛ nɔ bɔ bhɛtɛ ana, nɔ tɔkpa wɔnɔ aŋɔhu nɔbu klɛ nɔ tɔ kɔ alɛ ɔkɔ mɛ.

Koloseanɛ 4:13

Ɛba na yɛede za sɛ enu axwɛwuwa gɛganɛ kɔ nɔ anɛ̀ kɔ ba gɛ ba lɛ Laodisia anɛ Hierapolis.

Axwɛwɛwa 22:22

Banɔɛza nɛ dzi aza ta yɛatɔ mɔɔ mɔ ɔdɔ nanɔ kibe lɛ mɛ gɛ aɖɔ sɛ Apalete nɛa kpɛ yɛ ko, oblo ku banɔ klɛ bakpa igugu kpɛ nɛ yɛa bha klɛ la ɖɔ sɛ, “Nɔ fla nɛ yɛ nɛ ɔkɛ̃! Edi dzyenɔ sɛ tɛ afla za nɛ ɛkpã!”

Yohanɛsɛ 16:2

Ba be bu nɔ nɛ oxogokɔvu nɛ mɛ, kɛgbɛagba, kibe ba gɛ anɔnyanɔ gɛ eyi nɔ aba yɛ kɔ sɛ adɛ xwɛ kɔ Kpaya.

Romanɛ 10:1

Badzya mɔ, mɛ idzyi tɛpɛpɛ nɛ kpayakukulu kɔ Izraɛlanɛ sɛ tɛ ba mɔ tɛbubu.