Romanɛ 1:25 - ONUGBÙ NYƐNYÃ VUVƆ

²⁵ Ba tsrakɛ Kpaya kɛgba na kɔ otro, klɛ bakpɛ atɔkpuesi kɔ balɛ kɛdɔ bhɛbhɛtɛ ɔyɛkɔ dɛ Adɔbhɛtɛ— gɛ yɛ la kpɛ nɛa bha ɔykɔ vɛnɔ mabeke mabeke mɛ. Tɛlɛbɛlɛm.

Romanɛ 1:25 Referans Kwoze

2 Kɔrintioanɛ 11:31

Kpaya anɛ Apalete Yesu Aka, gɛ yɛ nyi ba bakpɛabha ɔvɛnɔ faã, enyi sɛ ɛtɛ hu otro.

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Romanɛ 1:23

klɛ la ba tsrakɛ Kpaya nɛ gɛ eti be tsi nɛ ishubhubhui nɛ kɛdɔbhubhɔ nɛ gɛ kɛwɛ̃ ansɛ anɔ tsitsi anɛ buzhuɔɛ anɛ baga nɛ gɛ bee tsi nɛ ɛyɛabha.

2 Timotio 3:4

ba lɛ kanya, be sieku, ishuawɔ̃ kuku, ba ɖɔ samem zɛza ɔyɛkɔdɛ Kpaya tɛɖuɖɔ,

Romanɛ 1:18

Be bu Kpaya obulo nɛ akasɛ denɔ owũsise gɛ ɔlɔ kititi nɛ banɔ nɛ gɛ ba ma nɛ kpaya klɛ ba lɛ nɛ kɛtɔkpum gɛganɛ pɛ be tii kɛgba nɛ akpɛesi ganɔ balɛ atɔkpum gɛganɛ nɛm,

Mateo 6:24

“Anɔnyanɔ atɛ ba na axwɛ dɛ kɔ baka tɛabha. Aba ɖɔ teli adɛ teli, klɛ aba mɔ ɔhwɛ kɔ teli adɛ teli. Ɔtɛ bɔɔ na axwɛ dɛ kɔ Kpaya anɛ Ehoeyi.

1 Tɛsolonianɛ 1:9

alasɛ balɛ nahwɛ nɛ aɖɔ tɛyɛyɛkɛ nɛɛ di gɛ nɔ kɔ lɔ. Ba ɖɔ kana gɛ no tsyina tɔ Kpaya pɛ no tsodzi nɛ kɛdɔbhubhɔ nɛede sɛ tɛ nɔ bɔ wa kɛxwɛ ɔkɔ ɛkpã anɛ kɛgba Kpaya,

1 Timotio 1:17

Ɔtsɔ̃, kɔ ɔfufɔɛ mɛ Ekusi, gɛ eti tsi, gɛ ataa wɛ̃, yɛ ko yɛ enu Kpaya, gɛ kabhakpɛkpɛ nɛ ishubhubhui lɛ kɔ ɔyɛkɔ vɛnɔ mabeke mabeke mɛ. Tɛlɛbɛlɛm.

1 Timotio 1:11

nɛ kɛgɛ ga plɛnɔ kibui dzyɔgo gɛ kɛlɛ shu bhui gɛ nu anɔyuyula Kpaya, nɛ gɛ ayɛkɔ akpɛ mɛ ahwɛ.

Mateo 10:37

“Anɔnyanɔ gɛ aɖɔ yaka anɛ yeni adɛ mɛ klɛ adɛ na kɔ mayɛ tɛdzidzi, anɔnyanɔ gɛ aɖɔ yɛ eyianyɛ anɛ yɛ eyiadzɛ adɛ mɛ klɛ adɛ na kɔ mayɛ tɛdzidzi,

Efesoanɛ 3:21

kɔ yɛ kɛlɛ nu busɔlɛha kabhaŋɛŋa anɛ busɔlɛɔha nɛ̀ Kristo Yesu mɛ ganɔ tɛmumɔ petee mɛ, denɔ ɔtsɔ̃ nɛ ɔyɛkɔ vɛnɔ! Tɛlɛbɛlɛmɛ.

Yohanɛsɛ 2:8

Kɛlɛ etsre alɛ sɛ, “Ɔtsɔnɛ nɔ shui butuli obu ɔvɛnɔ apalete gɛ alɛ kiwui nɛ nu.” Ba bhɛtɛ atrɔ kɛlɛabha,