Romanɛ 1:17 - ONUGBÙ NYƐNYÃ VUVƆ

¹⁷ Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

Romanɛ 1:17 Referans Kwoze

Galatianɛ 3:11

Kɛlɛmɛ bhui sɛ bedi bu anɔnyanɔ butsya nɛ Kpaya amɛ nɛ ɔshã nɛ shu, alasɛ, “Anɔnɛna aba za nɛkpã ganɔ tɛyɛyɛkɛŋa mɛ.”

Hebriuanɛ 10:38

Pɔ mɛ anɔnɛna aba za nɛ ɛkpã ganɔ tɛyɛyɛkɛŋa abha. Klɛ onugɛ etsodzi ɔvɛ kede, same etibeku mɛ nɛ yɛ.”

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

Romanɛ 9:30

Kide lɔ ba ɖɔ ɔtsɔ̃? Sɛ Bagɛ be di nu Yuɖanɛ, gɛ ba dɛ nyɛna tɛnɛnamɛzɛza evunɔ, na tɛ yɛkɛ lɛ, tɛnɛnamɛzɛza ganɔ tɛyɛyɛkɛŋɛa bha;

Romanɛ 3:21

Pɔ ɔtsɔ̃ nɛɛ tɛnɛna denɔ Kpaya ɔkɔ, nɛ ɔshã nɛede, nɛ lɛ tɛtitim, gɛ Ɔshã anɛ Batɔnu nɛ ebu aɖɔ.

Romanɛ 3:3

Kɛlɛ onu gɛ tɛyɛyɛkɛŋa ma beteli ahwɛ nɛ xɔ? Tɛyɛyɛkɛŋa nɛ gɛ ma balɛ ahwɛ kɛ ba tsa odi kpɛ Kpaya tɛyɛyɛkɛŋa nɛm dza?

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Romanɛ 3:22

Tɛnɛna nɛɛ di denɔ Kpaya ɔkɔ kɛɛ ba ganɔ tɛyɛyɛkɛŋa nɛ Yesu Kristom kɔ bagɛ ba yɛkɛaŋa nɛ petee. Ɔtɔgɛga ɔma,

Romanɛ 10:3

Gɛ kɛ lɛ kɛlɛm sɛ be tinyi tɛnɛnamɛzɛza nɛ gɛ de Kpaya ɔkɔ klɛ la lɛ kɛlɛe de sɛ tɛ be dzu balɛ nahwɛ yɛesi, ba dɛ kpɛ kɛtɔkpuesi kɔ Kpaya tɛnɛnamɛzɛza.

2 Kɔrintioanɛ 3:9

Onugɛ kɛxwɛwɛwa nɛ gɛ kɛ bu banɔɛ pɔ nu kabhaŋɛŋa, kɛlɛ lɛ baza kabhaŋɛŋa gelee dɛ kɔ kɛxwɛwɛwa gɛ kɛmɛna kɛdzyɔgo bhɛbhɛtɛ!

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.