Romanɛ 1:16 - ONUGBÙ NYƐNYÃ VUVƆ

¹⁶ Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Romanɛ 1:16 Referans Kwoze

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

2 Timotio 1:8

So nɛɛ, tɛ si kɛwɛ̃ nɛ kibuimumɔɖɔ denɔ bulɔ Apalete nɛ shu, ɔdɔgɔsɛ osi kɛwɛ̃ nɛ mɛ yɛ evuza nɛ shu. Pɔ plɛnɔ mɛ nɛ kibuidzyɔgo anɛ butɔ nɛ mɛ, ganɔ Kpaya kemi mɛ,

1 Petro 4:16

Pɔ, onugɛ nɔ mɔ butɔ anasɛ Kristoayɛ, nɔ tɛ kɔ kɛwɔɛ̃ ku nɔ, pɔ nɔ kpɛ Kpaya kinyi nɛabha sɛ nɔ dɛmɛ kinyi lɛlɛ.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Luka 9:26

Onugɛ anɔ teli kɛwɔɛ̃ ku yɛ nɛ mɛ nɛ̀ mɛ ebui, Anɔdzyrame yɛ Eyi ebe si yɛ wɔɛ̃ kibe lɛ gɛ aba nɛ yɛ kabhakpɛkpɛ anɛ Aka nɛ̀ kabhakpɛkpɛ anɛ baxwɛdɛnɛ gɛ balɛ shu bhui.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

1 Kɔrintioanɛ 2:4

Mɛ ɔsɔ anɛ kpayɛbui ɖɛɖɔ nɛ edinu kibuinyinyi anɛ anɔnu wuwɔɛ ebui, pɔ kinu Ɔfufɔɛ nɛ kemi nɛ tɛbubukasɛ,

1 Kɔrintioanɛ 2:2

Alasɛ gɛ ɛza wunɔ bha, ɛbhɛtɛ sɛ tɛ ɛdzɛkɛ kibuinyɛbui ɔdɛ Yesu Kristo nɛ yɛ tɛkpɛkplasɔ.

Romanɛ 10:17

Nɛ kɛlɛ mɛ, tɛyɛyɛkɛŋa kɛɛ de kibui nɛ tɛnunu mɛ, klɛ kibui nɛɛ be nui lɛ ganɔ Kristo kaɖɔ nɛ mɛ.

Hebriuanɛ 4:12

Alasɛ Kpaya bui kɛlɛ nɛ ɛkpã klɛ kɛwaɛxwɛ. Kɛlɛɔŋa dɛ kɛpamɛ inugbu tɛbha kanyaka, kɛ bana kɛtɔwui anɛ ɔfufɔɛ shi tsoku ma lɛ shi, axwatsyakɔ anɛ axwambɔ, kɛ klu kebhui nɛ idzyi anɛ kɛtɔkpum ebuibhɛbhɛtɛ.

1 Kɔrintioanɛ 15:2

Ganɔ kibui dzyɔgo nɛabha be bhuinɔayɛkɛ, onugɛ nɔnyɛna gɛganɛ kibui dzyɔgo nɛ gɛ ɛɖɔ tsre nɔ. Odunusɛ, wunɔ kabhaŋɛŋa kɛdinu kɛdɔ dzyɔgo.

Galatianɛ 1:7

gɛ kɛgbɛagba kɛdɛ nu kibui dzyɔgo nɛ ɔkɔnyɔkɔ. Kibuinɛ nu banɔ teli balɛ tii nɔ akpɛ tɛfufutsu mɛ klɛ ba wlãnkɛ sɛ tɛ betsyina Kristo kibui dzyɔgo.

Romanɛ 2:9

Butɔ nɛ ebui tutrɔ anɔabha alɛ aba za kɔ anɔdzyrame kanyaka gɛ abhɛtɛ kibui tsutsɔmɔ: putɔnɔ kɔ Yuɖanɛ, flogo pɛɛ kɔ bagɛ edi nu Yuɖanɛ;

Axwɛwɛwa 3:26

Gɛ Kpaya efeke yɛ axwɛdɛ nɛ, ebhuso yɛ asɛsɛ wɔnɔ sɛ tɛ aba yula nɔ ganɔ wɔnɔ tɛ tsyitsyina anɛ wɔnɔ atɔkpum edzokpã nɛa bha.”

1 Tɛsolonianɛ 2:13

Klɛ bu tsri lɛa bha tsyɛ hu Kpaya ahwɛ alasɛ, onu gɛ nɔ yɛkɛ Kpaya kibui, gɛ no nu denɔ bulɔ kɔ, nɔ yɛkɛ lɛ ganɛ ansɛ banɔdzyrame kibui ɖuɖɔ, pɔ ansɛ gɛ kɛ lɛ, pɛ ki nu Kpaya bui, nɛ gɛ kɛwa kɛxwɛ nɛ wɔnɔa gɛ ɔyɛkɛ ɔŋa nɛ mɛ.

1 Timotio 1:11

nɛ kɛgɛ ga plɛnɔ kibui dzyɔgo gɛ kɛlɛ shu bhui gɛ nu anɔyuyula Kpaya, nɛ gɛ ayɛkɔ akpɛ mɛ ahwɛ.

2 Kɔrintioanɛ 9:13

Alasɛ axwɛ nɛ gɛ ganɔ alɛ mɛ ɔyɛkɔ kasɛ wɔ shu nɔ, banɔ aba kpɛ Kpaya nɛa bha kɔ wɔ batɔtɛta nɛ gɛ aplɛnɔ wɔ idzyimɛ dɛdanɛ nɛ Kristo kibui nɛ mɛ, anɛ wɔ ɛyamyuyɔ nɛ kɛdɔ kukɔa lɛ anɛ nɛ anɔnyanɔ tsyɛ.

2 Kɔrintioanɛ 2:12

Ɔtsɔnɛ gɛ ɛvɛ Troasɛ tɛ ɛɖɔ Kristo bui dzyɔgo klɛ ɛmɔ sɛ Apalete adanɛ kidzo kɔ mɛ,

1 Kɔrintioanɛ 9:18

Kɛlɛalɛ kide kɛlɛ nu mɛ kɛbhɛ? Kɛnɛ nɛ ko: sɛ kɛbui dzyɔgo tɛɖɛɖɔ ɛba ɖɔɛ lɛ kɛbhɛ mayɛkɛ mayɛkɛ, klɛ so ɛtɛ mɔɛ dzo bhɛtɛ kɛdzyɔgo anɛ kibui dzyɔgo ɖɛɖɔ shu.

1 Kɔrintioanɛ 9:12

Onugɛ banɔ bhlatɔ kidzoenɛ lɛ balɛ ahwɛ sɛ tɛ bamɔ tɛpɛplɛnɔ denɔ wunɔ kɔ, kɛma sɛ tɛ bu yɛkɛ lɛ petee dɛ. Pɔ bu dɛ wa kidzoe nɛ xwɛ mɔmɔ. Kɛlɛ mazɛ lɛ mɛ, bu za nɛ kɛkanyaka ɔyɛkɔ dɛ sɛ bu he Kristo kibui dzyɔgo nɛ vɛnɔ kide.

Romanɛ 15:29

Inyi sɛ onu gɛ ɛba wɔnɔ bha, ɛba ba nɛ Kristo tɛyuyula anɛ tɛnɛnam petee.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

2 Timotio 1:16

Kɔ Apalete nɛ edi Onesiforusɛ anɛ yɛ bupa nɛ eshutukubui, alasɛ akpɛ mɛ same ebe gelee klɛ mɛ buɖɛ nɛ mɛ gɛ ɛkpasɛ nɛ tɛɛ ku yɛ kɛwɛ̃.

Romanɛ 4:11

Klɛ ayɛkɛ kɛdɔmumɔ bunyɛnyɛ bhubhui shu, tɛnɛna adɛda gɛ ayɛkɛ ganɔ tɛyɛyɛkɛŋam nɛ kibe lɛ gɛ eke bhui bunyɛnyɛ. So nɛɛ, yɛ enu aka kɔ bagɛ ba yɛkɛ aŋa nɛ petee pɔ pɛ be ke bhui bunyɛnyɛ, sɛ tɛ ba ba yɛkɔ tɛnɛna kɔa lɛ.

Yohanɛsɛ 7:35

Yuɖanɛ be bisi balɛ ɔhaglɔ asɛ, “Fakɔ anyɛa nɛ atrɔ sɛ tɛ avɛ gɛ bɔ tɛ ba mɔ yɛ? Pɛnɔ aba vɛ ɔkɛlɛ gɛ bulɔ banɔ da pɔɛhle ku Helanɛ nɛshi, gɛ ba kasɛ Hela bunuhu?